民建聯周浩鼎欺騙選民！

vincen_k · 發表於 2016-2-25 18:12:28

kinsoncc 發表於 2016-2-25 13:25
原來有權執業, 但實際上沒有執業, 職業都可以寫係執業律師, 咁點解唔索性填寫真正職業係新世界法律顧問呢? 份工唔見得光架?

http://blog.martinoei.com/2016/0 ... %E9%81%B8%E8%AD%B0/

http://blog.martinoei.com/wp-content/uploads/2016/02/%E8%9E%A2%E5%B9%95%E5%BF%AB%E7%85%A7-2016-02-24-%E4%B8%8B%E5%8D%8810.56.45.png

今期《壹週刊》質疑周浩鼎係咪執業律師，我因此上去香港律師會查律師名冊，得出以上結果。

以上結果代表乜，就係周浩鼎無錯係律師，持有執業證書，只不過，他既唔可以幫市民打官司（因為佢唔係任何律師行嘅助理律師或合夥人），而呢條友選佢做民選議員，喺某啲事項上會有極強烈嘅利益衝突問題。

先講周浩鼎依家執業狀況，周浩鼎呢種情況，正式中文名叫企業律師，即係in-house lawyer，in-house lawyer做乜，就係因為根據《法律執業者條例》第74條，有啲文件，唔係阿茂阿壽都可以草擬，而係要有個具備執業律師資格嘅人去起草，所以大公司、搞開Merge and Aquisition果啲公司，都需要請個律師長駐自己公司，專門睇文件同起草文件，或者就某啲事項好快就有法律意見，所以就有in-house lawyer。但由於in-house lawyer唔受聘於任何「律師行」，佢地張執業證書，好多都係豁免咗俾專業責任保險（每年都要俾，一旦有專業疏忽至少有得賠，保障市民），所以亦唔可以隨便代表人打官司。

一般律師或大律師，無論佢代表邊個都好，佢代表邊間公司代官司一回事，但佢喺議會嘅立場唔一定同佢代表嘅客戶有關，大狀係用cab rank rule，有人搵你，除非堅有利益衝突，或對方無錢俾，否則不得拒載。而律師，雖然唔受Cab Rank Rule所限，但好多律師行，都係打開門口做生意，你俾得起錢都接（所以周浩鼎投訴楊岳橋向旺角騷亂被捕人士提供法律服務，簡直黐線，事務律師搵佢就要做，就係咁簡單）。

但問題係，周浩鼎依家係新世界嘅僱員，仲要in-house lawyer即係做法律部門，一定跟管理層嘅指示做嘢，唔係佢間行個老闆接咗新世界生意，佢無得唔做果種。如果有物業問題上，同新世界有關，你搵唔搵佢先。有城市規劃問題，同新世界有關，你搵唔搵佢先？你要投訴新巴、城巴，你搵唔搵佢先？我依家唔係選功能組別議員喎。

所以，大家諗清楚，一個做in-house lawyer嘅人，啱唔啱代表你閣下。

Aldwin · 發表於 2016-2-25 18:12:57

回復無悔 #1 的帖子

【又係假野黎 ? 】
【鼎，出黎，答下我地東涌人】
《壹週刊》

可以去選舉委員會投訴。

asd06 · 發表於 2016-2-25 18:21:55

無悔發表於 2016-2-25 12:13
【又係假野黎 ? 】
【鼎，出黎，答下我地東涌人】
《壹週刊》

Ching 識小小,辦代表

pk12345001 · 發表於 2016-2-25 18:28:28

回復王重陽 #1 的帖子

樓主這篇貼文相信是來自一個自稱東涌人Tung Chung Future的Facebook。
Facebook內說周浩鼎 在網頁自稱為「執業律師」，
可是查閱Facebook貼文的那條毒果link內容卻是
前年，壹仔喺14年8月曾經查探過呢位民建聯新星，報稱自己係律師，但係當時翻查律師會名冊，佢就屬於非持有執業證書嘅律師，即係只能夠提供一般法律意見，而當時佢係離島區嘅委任區議員。
毒果報導話係律師，到了Facebook貼文卻成了「執業律師」，點解呢?
另外毒果是在14年8月探過呢位民建聯新星，當時並翻查律師會名冊，佢就屬於非持有執業證書嘅律師。
14年8月就識得去翻查，到了16年2月，就唔識得再去翻查?
還是說16年再翻查律師會名冊後，發現周浩鼎已持有執業證書，但故意用舊料來渾餚視聽?

補充內容 (2016-2-25 18:32):
補番兩條link
https://www.facebook.com/TungChu ... ?type=3&theater

http://nextplus.nextmedia.com/news/latest/20160224/...