Egg Benedict (㝽女食譜)

khle · 發表於 2013-7-26 10:26:56

本帖最後由 khle 於 2013-7-25 18:26 編輯

有時都要煮啲簡單靚野㝽下女友或老虎。Egg Benedict 係其中一種。我唔知道中文叫乜，不過就幾好食，好多時都係酒店或餐廳食嘅早餐。可能因為要有小小技術同好好心機煮，所以唔係好多人係屋企煮嚟食。其實又唔係好難煮，只不過真係要心機。

材料：
蛋四隻（新鮮蛋會好煮好多，因為易啲煮成型）
四片加拿大煙肉（可以用煙三文魚，普通煙肉，或意大利香腸代替）
兩個English muffins(英式鬆餅)
牛油

Hollandaise 醬材料：
十茶匙無鹽牛油
三隻蛋黃（蛋白留俾條女做面？）
一茶匙檸檬汁
半茶匙鹽

Hollandaise 醬做法（荷蘭醬？？總之唔係銀行支票啦！）

：
先溶牛油。
將蛋黃，檸檬汁，半茶匙鹽打勻後，放落去慢火煮一煮就得。

煎好煙肉，烘香個English muffins，擦小小牛油，煙肉放係English muffins上等。

跟住就係poach 個蛋（對唔住，我真係唔知poach 個中文係乜，滾？水煮？）先㷛滾水，到水滾教細火，落一到兩匙醋同鹽（咁樣隻蛋比較容易成型）順時針攪一攪個水流。先將蛋打落碗，再慢慢放隻蛋落水中心。見蛋白開始成型變白，輕輕力推到一邊再做第二隻，煮四到五分鐘（唔好心急，兩隻兩隻煮）。可能唔明我寫乜，唔緊要睇鬼婆教。。

以上影片乃youtube提供,與本站無關; 若無法觀看,可查看原網址。

覺得太麻煩？唔緊要！係可以出貓嘅！法國廚具有個叫egg poacher 專門煮蛋。

如果冇egg poacher 可以攞張保鮮紙代替，先係張保鮮紙擦少少橄欖油。

放喺隻碗上面，打隻蛋落去。

包好，唔好綁太緊。

落暖水煮四到五分鐘。

我唔係好鍾意用呢個方法，因為我怕啲保鮮紙加熱會釋放有毒物質，有可能影響男人性能力。

隻蛋煮好撈起，用紙吸乾水。放到煙肉上，落Hollandaise 醬同香芹碎或小小辣椒粉就搞掂。

蛋黃流出嚟加上煙肉同荷蘭醬真係"荷蘭"好食，但係講明先好肥㗎！