|
|
樓主 |
發表於 2013-6-5 11:57:37
|
顯示全部樓層
<蘋果日報>
國際足球友誼賽
港負菲律賓陳七認衰
【本報訊】港足昨晚在旺角場舉行的國際足球友誼賽,表現出鮮明鬥志,可是有前鋒陳肇麒12碼「宴客」,加上尾段錯失多次機會,終以0:1不敵世界排名144位的菲律賓。
世界排名151位的港隊昨吸引到4,578名球迷撐場,可是賽前的大雨令場地變得濕滑,加上行雷閃電,多少影響兩隊發揮。有外流中甲回歸的陳肇麒及梁振邦正選上陣的港隊,開賽即採取主動,但面對菲律賓的快速及硬朗踢法,主隊組織攻勢較困難。客軍有效力德甲賀芬咸的快馬舒洛克顯示出級數,多次憑速度及技術突入港隊防線,當中18分鐘禁區頂施射被門將葉鴻輝拍出。
戰至20分鐘,主教練金判坤作出變動,將原先踢左中場的陳肇麒推前踢前鋒,以加強攻力,此調動帶來一定效果,可惜麥基及陳肇麒頭槌頂出界。直至32分鐘,菲律賓由占士楊哈斯賓力頂入先開紀錄。港隊隨後有中場朱兆基傷出,由林嘉緯入替。
12碼「宴客」多番失機
半場落後0:1的港隊,換邊後加強壓迫,66分鐘陳肇麒禁區內被踢跌,泰國球證直指12碼,並由陳七主射,可是被效力富咸的菲律賓門將伊法列治用腳救出,港隊錯失扳平機會。港隊尾段再有陳七、林嘉緯的攻門無果,最終以0:1落敗。賽後有球迷掟水樽入場宣洩不滿,要勞煩警員維持秩序。
陳七賽後表示:「今仗其實隊友發揮很好,只是自己踢不出應有水準,錯失多次入球機會,輸波自己要負責任。」金判坤賽後表示,球隊非常希望在球迷面前贏波,可惜未能將攻勢轉化為入球,埋門向來是港隊要解決的問題,惟球員比賽態度非常積極,值得一讚。
花絮:德能黑衫悼六四
噚晚唔少人着紅衫撐港隊,亦有好多人着黑衫,甚至舉埋口號,有乜原因大家心照。其中一位就係著名足球評述員李德能。89年6月4日,佢當時只得廿幾歲,事隔24年,佢好感慨咁講:「每年呢日我都會黑衫,曾經有諗過終有一日會平反六四,但等咗差唔多四分一個世紀,我都唔知有生之年,會唔會等到。」
花絮:買飛送海報汽水
噚晚氣溫都有成攝氏30度,有贊助商就喺旺角場做推廣,買飛球迷除咗送香港隊海報,只要即場下載贊助商嘅apps,入場後就可以免費換領汽水一杯,現場所見反應都唔錯!大熱天時,一邊睇波,一邊飲汽水,都真係幾正!
|
|