上水問題

Bippwin

回復 mungchacha #90 的帖子

>>他們沒有犯法，有些可能靠每日走幾轉水貨，來維持一家生計。

走私瞞稅，你重話佢哋冇犯法．
而家係唔捉，或者捉唔到，唔可以話冇犯法．

要捉可以好大罪，罰幾十萬兼十幾年監都可以．

LUCLK

回復 Bippwin #91 的帖子

事實法理上佢都係無犯法
請唔好加入 個人既感情
無帶違禁品 法例又無限個人帶幾多物品就唔得
瞞稅?瞞香港既? 如果日用品呢d都要報稅 股票? 行乞? 汁到錢 買賣二手品 洗唔洗 都報稅?
真係唔了解 請教下小弟
如果講緊大陸既 咁真係唔需要多講~.~

Bippwin

LUCLK 發表於 2012-9-18 13:57
回復 Bippwin #91 的帖子

事實法理上佢都係無犯法

以下係實例，可以收到幾緊就唔知．
基本上，帶貨物入境以獲取利潤就要交稅，冇交就係走私瞞稅．唔可以話冇犯法．
唔捉就係人情，捉就係道理．
個個商家都係咁，國家仲使唔使收稅．

http://news.sina.com.hk/news/3/1/1/2386570/1.html

3次被截刑事立案 或3年徒刑

過往內地刑法規定，走私逃稅達5萬元人民幣才會構成刑事罪，故水貨客以「螞蟻搬家」形式，頻密私運小額水貨到內地掙取差額，其中上水區每天有數千人頻繁進出關口，亦有自由行旅客來港搜購港貨。

今年5月實施的《刑法修正案》專門堵塞水貨活動，一年內首兩次被截獲的水貨客會處以行政處罰，若違規者第三度走私，將被處以3年以下有期徒刑或者拘役，並處逃稅額1倍以上、5倍以下罰金。由於條例範圍覆蓋所有報關物品，不少水貨客只好「洗手不幹」，深圳海關表示，《修正案》實施首月，旅檢渠道查獲走私案數目下降近七成。

檢96個路由器 獲報酬100元

上周六，一名黃姓男子從羅湖口岸入境內地，深圳關員在其行李內檢獲96個未報關的無線路由器。黃某報稱受僱帶該批物品入境，成功後可獲取100元。海關緝私部門調查後，發現黃某曾於本年5月1日及7月9日，分別走私2部筆記電腦及45部手機入境，當時予以行政處罰，故這趟會被刑事拘留，成為全國首宗案例。

on9chan

mungchacha 發表於 2012-9-17 12:08
除了釣魚島，近日的城中熱話，上水問題，算是另一熱話了。

你試吓搭第一至四卡火車、上水站落車、再睇隻腳有冇損到就知！

macmak

查實走水貨源來以久，從以前住响上水既C9上深圳買餸，又雞又肉又菜咁搬返香港，呢D都係走水貨行為不過小額行為啫，只係以前港纸水位高，深圳物價低，有利可圖下，自然就有人去謀利。不過五十年河東，五十年河西，今日人仔比港紙高左兩成，而強國人民又越黎越有錢，消費能力已经高過香港，時移世易喇，今日連益力多紙尿片都由香港搬返大陸，就知道呢個現象點禁呢？
如果講到走水貨既人力資源，大家就千祈咪俾別有用心既人混淆視聽，以為只有大陸客走水貨，幾多住響北區既人仕就係人力資源既支持者，佢地利用地理之便無非就係揾兩餐，佢地都只係咁諗，我唔去偷唔去搶，唔使山長水遠去市區番工，又無傷天害理！好多水貨客仲係北區原居民楂埋禁區紙可以落翻樓下再過關，唔使俾廿蚊單程返出上水添。
水貨客有左雙程証生力軍係不爭既事實，但就唔好将水貨客定為一定係大陸人。
仲有個四眼怪物舉牌＂中國人滾回中國＂，係九流既抽水方式，只知佢一定成為過街老鼠，人人喊打！

Peter豬

回復 mungchacha #1 的帖子

開開心心過每一天.快冇了.唉

l77

回復 lawson. #4 的帖子

十個水客有7個香港人！

raymond116

其實亦反映了內地賣假貨情況, 若果貨真價實, 那會有人來港運貨北上,
不過水貨客又真係幾煩人.

lawson.

LUCLK 發表於 2012-9-18 13:57
回復 Bippwin #91 的帖子

事實法理上佢都係無犯法

股票? 行乞? 汁到錢 買賣二手品 洗唔洗 都報稅?

買賣股票要交印花稅
買賣二手品理論上都要報利得稅架
你唔報唔等於唔駛報呀

lawson.

mungchacha 發表於 2012-9-18 11:44
咁多位版主及師兄，多謝咁多位的討論。

雖然，我沒有表示自己對提出的問題有什麼答案，但字裡行，間接地其 ...

其中一個可行的方法係
安排使用車站的人先留係車站附近
以阻街為由區趕交收的人
不過點做都好
總會有人嘈

Topvision...

午餐獄 發表於 2012-9-18 09:28
我想問下若果班水貨客,響LV門口煲煙,霸住海洋公園,塞住迪士尼,踎響西洋菜街嘅係紅鬚綠眼,你地會唔 ...

如果你經常比水貨車仔撞腳, 佢係唔係紅鬚綠眼, 有分別咩 ???

LUCLK

lawson. 發表於 2012-9-18 22:11
股票? 行乞? 汁到錢 買賣二手品 洗唔洗 都報稅?

買賣股票要交印花稅

股票印花稅 買果時銀行交左
咁買賣二手品請問應該點報稅法
點交稅?

patkkw

我相信大部分水貨客都是香港人. 他們需是想搵兩餐, 但如此擾民, 又是不扺幫的.

我就在這裡

mungchacha 發表於 2012-9-18 11:44
咁多位版主及師兄，多謝咁多位的討論。

雖然，我沒有表示自己對提出的問題有什麼答案，但字裡行，間接地其 ...

師兄所言...於我心有戚戚然...
奈何部份港人已遭部份傳媒人"洗腦"....以殘留的港英(英國殖民,,香港精英)心態...對待內地及異見人士..
力圖以狹隘的利益觀搶奪眼球...支持者...
正如部份師兄所言....
經始一事....對"反對"國民教育已從無條件支持轉為"停一停,諗一諗"...

實在是事件中最意想不到的副作用

我就在這裡

逗利是佛 發表於 2012-9-18 10:08
梗係唔同喇,早幾日先有單之嘛,有條金髮鬼妹响老蘭飲大咗,跳上火燭車頂攪攪震,報紙報導手法、字眼都不知幾 ...

一針見血.........

我就在這裡

141小記 發表於 2012-9-19 02:03
水貨客運的東西係大陸缺少的, 例如奶粉, 益力多, iphone, 電器等 ...
認為是大陸需求高的消耗品, 稅收應該 ...

CY已發聲明正尋求內地合作打擊....千祈又唔好俾人上綱上線話...深圳治港..

其實只要有利益提供自然有水客去服務...只要在利益源頭...(個班收貨商店,集團)..進行打擊就ok啦..
大量貨物進口不報關....無來源證明...無報營業稅, 所得稅...(又係用經濟犯罪之名)...一定打沉大部份...
到時候零星經營ge都唔成氣候啦....

我就在這裡

午餐獄 發表於 2012-9-18 09:23
政府要諗計掃蕩及檢控,睇下有無人又玩屍法覆核先

大狀黨係新界東取得票王之名....免費...義務都幫你砌啦...
何況水客又多家無恒產...肯定符合法援資格....
師兄...你又衰多口累香港納稅人唔見幾千萬啦

午餐獄

中出沒注意 發表於 2012-9-19 04:31
CY已發聲明正尋求內地合作打擊....千祈又唔好俾人上綱上線話...深圳治港..

其實只要有利益提供自然 ...

CY 上報中央政府,唔知班傻仔會唔會又話中央治港呢

Bippwin

LUCLK 發表於 2012-9-18 22:30
股票印花稅 買果時銀行交左
咁買賣二手品請問應該點報稅法
點交稅? ...

過關時要報．
唔識就同關員講．

Bippwin

都唔明你哋點解會認為，啲水貨客走貨上內地，會係冇犯法？
明明係走私瞞稅！

香港好多嘅水貨都係合法，因為過關根本唔抽稅，只不過係唔經總代理入貨．

千祈唔好習慣香港水貨合法，就以為走水貨番大陸都係合法．過關免稅嘅只限自用品，賺錢嘅都要報稅．