本帖最後由 Wanbaolung 於 2012-9-17 14:33 編輯
呢個問題都好爭議下. 首先唔贊成政治化, 其實都九唔搭八, 走水貨完全是商業活動, 因為國內進口要徵稅, 有人想賺埋稅金或者輸入稀缺商品, 所以想出化整為零, 螞蟻搬家既方法去運輸一些有市場的貨品. 如果嚴格來講, 水貨入大陸同走私無分別, 分別係水貨俾少少稅政府, 走私完全唔使比, 你試下如果大陸果便入口零關稅, 或者香港出口大陸要俾重稅, 水貨客即刻可以絕跡.
其實, 水貨大大話話在上水已經有好幾年, 初時不是太明顯, 後來就越做越多, 直頭係企業化組織化. 本來走水貨搵些少使用, 無可厚非, 但係水貨客係車站同羅湖很多時係完全漠視禮貌規矩, 果種爭先恐後同太大量貨出入既混亂情況, 變本加厲到未經歷過既人係唔會明白. 本人每日都會經上水車站往返, 過關機會亦很頻繁. 亦包括任何時段我都有親身經驗. 走水貨既絕大部份是新移民, 佢地當打工一樣, 上水本地人係唔會做既.
另一角度看這件事, 有人可以講出走水貨對香港經濟真有貢獻嗎 ? 唔易答. 但可以肯定既, 係大陸出產的本地中國產品是無人走水貨既. 而香港今時今日零售業貨架上的產品, 相信有七八成是中國產品, 咁對推動香港經濟係咪真有幫助 ?? 本人想提出既係, 自由行旅客在香港九龍市區買野係比自己或朋友的用品, 水貨走既係商品. 性質不完全相同. 各位可以俾下意見. |