(遊戲) 徵文比賽六月號 - 如果全世界只能有一款私家車…

Addicted · 發表於 2012-6-1 15:21:35

為鼓勵更多” 車迷天地” 嘅巴打發表佢地任何對汽車有關系嘅意見/建議/感受，由呢個月開始我地會不定期推出” 車迷天地徵文比賽” ，提供場地俾各位文鬥一番，暢所欲言。

規則如下:

1, 每次每用戶限發表一篇文章

2, 文章必須為用戶巴打自己原創

3, 字數限 50字至10000字 (如果你打 “Lamborghini Murcielago LP 670-4 Superveloce China Limited Edition”, 呢度都65個字架喇! 不過如果你認為就咁寫個型號就有機會勝出的話…)

4, 截止日期為每次開題後約兩週時間

5, 如參賽人數少於8名，將只有一名得勝者；如參賽人數達8名或以上，將會設冠、亞、季軍

6, 評審委員會由版主 iloveitmac, 巴打 leo55555 及小弟組成，每次各人會選出一篇最佳作品，之後各自再為此三篇作品評分(一百分為滿分) ，加起嚟得分最高作品為冠軍。如巧合有同分者，將有多於一名冠軍

7, 勝出者當然會有額外分數獎勵。

其餘嘅版主會慢慢相討研究。我地先通過，後檢討!

好，今期嘅題目係…

九十年代初期，豐田推出海外版Camry (XV10) 。呢架車可以話係豐田衝出日本省招牌之作。雖然之前已經有小跑車如 AE86, 小福星，Supra; 豪房有大凌 LS400, 但大路家庭房車就算如 Cressida 都未係佔到好大市場。呢架Camry 就改寫咗全球對” 日本中級行政房車” 級數嘅車嘅標準 -- 造工認真，用料上乘，實用、安全、舒適、操控、耐用程度等都係上佳。有美國汽車雜誌曾經有此評語 -- 如果全世界嘅汽車生產商只可以生產一款私家車比全球人類使用，呢款車必為Camry V6 3.0莫屬。

不過呢件已經係20年前嘅事喇。十年人事幾番生，莫講話二十年？如果而家真係只可以做一部私家車比全世界人使用的話，你認為邊部會係呢？點解呢？記住唔好齋講邊架車，要發表你嘅意見同原因

註: 有關汽車必須為以香港車牌 1, 2 牌可以駕駛嘅車，即係私家車或輕型貨車。

比賽正式開始! 六月十五號截止！請踴躍參加!