白表買二手居屋 研免補地價

entry1

社會各界要求曾蔭權在施政報告中宣布復建居屋，但遠水不能救近火。有消息指政府研究讓白表申請人購買二手居屋單位，而不用補地價。有立法會議員贊成此舉，認為可以幫到置業人士。

目前約有三十二萬個居屋單位，當中約六萬四千七百個單位可於公開市場買賣，其餘約二十五萬個未補價單位，只可在第二市場買賣。

立法會房屋事務委員會副主席王國興贊成讓白表申請人買二手居屋，免補地價，因為他們都是合資格申請居屋的人士，而為了杜絕炒風，政府可以限制他們轉讓單位，只能售予房屋委員會。他預料二手居屋樓價會因此而上升，但相信升幅不大。


------------------------------------------------------------


有居屋就發囉, 多左班白表人爭, 過往可能比私樓折讓四至五成(實質係反映潛在未補既地價), 而家多左人搶, 折讓減少, 咪即係益晒而家有居屋班人

entry1

煩惱 發表於 2011-9-1 11:09
又唔知邊個諗埋晒呢 d 屎坑橋 ... 其實根本冇可能實行 ...

之前補左地價買既白表人, 同交左間公屋出黎既綠表人, 全部變蠢人

entry1

煩惱 發表於 2011-9-1 11:17
如果真係實行 ... 威力勁過 8 萬 5 ....

唔會, 我覺得反而樓價會升,

因為佢係比合白表買, 你拎住間居屋你會唔會平賣?

到時未補價既居屋推上左, 但未補價居屋既限制仍存在,

而且班原業主一樣要買/租返樓住, 咁返過黎私樓咪又係升

ifayi

呢D議員提埋D唔大可能實行既所謂政策, 免補地價係會嚴重影響私樓物業市場價格同需求, 特別影響上車盤, 根本就係想攪福利政策搏選票...

entry1

煩惱 發表於 2011-9-1 11:33
限制仍存在 ?

建議係原本合抽白表既人, 可以當綠表人咁買免補地價二手居屋,

但買左後, 未補地價都係唔可以租, 再賣比非白表人一樣要補地價

肥叔叔

煩惱 發表於 2011-9-1 11:09
又唔知邊個諗埋晒呢 d 屎坑橋 ... 其實根本冇可能實行 ...

上文所講既 (社會各界), 咪就係唸埋啲屎坑橋出黎就當表達民意囉
政府唔理又話唔聽民意.........

肥叔叔

entry1 發表於 2011-9-1 10:44
社會各界要求曾蔭權在施政報告中宣布復建居屋，但遠水不能救近火。有消息指政府研究讓白表申請人購買二手居 ...

佢咁樣即係廢左(居屋)既架構

ifayi

回覆 entry1 的帖子

多左供應, 私樓上車盤業主想賣既話係咪多左競爭呀...??(居屋業主賣樓唔一定係換私樓)

議員到時可能爭取公屋免補地價... 福利政策沒完沒了...害人不淺...

重未計庫房稅收減少呢個問題...

entry1

ifayi 發表於 2011-9-1 11:47
呢D議員提埋D唔大可能實行既所謂政策, 免補地價係會嚴重影響私樓物業市場價格同需求, 特別影響上車盤, 根本 ...

我覺得唔影響得好多,

當間居屋原本綠表賣2.4M, (市值4M, 折讓40%地價)

而家多左班白表人黎買, 咁正常都賣貴左, 可能係賣3.2M,

同期呢班原業主部份可能要流返入市場租/買,

加上搶搶下折讓率少左, 吸引力低,

資金就回流返入私樓

entry1

肥叔叔 發表於 2011-9-1 12:05
佢咁樣即係廢左(居屋)既架構

廢左一半啦, 白表外限制仍存在

肥叔叔

entry1 發表於 2011-9-1 12:12
廢左一半啦, 白表外限制仍存在

有白表就OK..... 即係去返 租置

entry1

煩惱 發表於 2011-9-1 12:11
我有以下見解 ...

1) 如果可以比白表買未補地價居屋 ... 咁即係 " 補地價 " 呢樣野已經唔存在 ...

白表人, 其實係指有資格用白表抽居屋既人, 當中有入息,資產等限制,

佢地個point係呢批人既合資格申請居屋, 就當比佢地抽到, 亦係免地價, 所以比佢地免補黎買二手居屋, 但賣比街外自由人, 則要補回地價

另外, 如果早年買落間居屋自住, 好多人都唔會賣啦, 但部份人其實一早已另買物業投資, 礙於居屋唔租得(未補價), 好多都自住先, 新政下就可諗下高位出左間居屋, 但既係投資, 錢就自然回流返入市場

entry1

白表申請資格

                用白表申請置業資助貸款的人士必須為：
                1.         不屬於綠表類別的家庭或單身人士；
                2.         居於房委會或房屋協會轄下屋鸷而希望從戶籍中分戶的人士；或
                3.         房委會轄下租者置其屋計劃(租置計劃)單位業主(其申請資格與綠表申請人相同)。
                 
                白表申請人可以是下列任何一個認可的家庭組合：
                1.         夫婦(結婚證書必須在遞交申請書日期前發出)；
                2.         父母子女；
                3.         單親父母任何一人與共住的子女(如屬離婚，申請人必須在遞交申請前準備好有效的離婚及撫養權證明文件)；
                4.         祖父母與共住的孫兒；
                5.         兄弟姊妹；或
                6.         其他親屬。
                 
                申請人必須年滿18歲。
                 
                申請人及其家庭成員，均未曾成功申請任何公共房屋資助計劃。
                 
                在遞交申請書日期或之前，申請人或其中一名家庭成員必須在港居住滿七年，及其在港的居留不受附帶居留條件所限制。
                 
                家庭每月總收入及總資產淨值限額如下：
        家庭人數         每月家庭總收入限額
(港幣)          家庭總資產值限額
(港幣）
        1人         11,500元         240,000元
        2-5人         23,000元         480,000元
        6人         23,000元         500,000元
        7人         23,000元         540,000元
        8人         23,000元         560,000元
        9人         23,400元         620,000元
        10人或以上         25,000元         680,000元

申請人及名列申請書內的家庭成員，在遞交申請書日期前的24個月內，直至獲發《原則上批准書》後而簽訂樓宇臨時買賣協議或買賣協議(以較早者為準)之前的期間，必須在香港並無以任何形式：
                 
                直接或間接擁有或轉售或出讓任何香港住宅物業；或

                持有一間擁有住宅樓宇的公司一半以上的股權；及

                簽署任何買賣樓宇協議。




http://www.housingauthority.gov.hk/b5/residential/shos/whiteform/0,,,00.html

entry1

煩惱 發表於 2011-9-1 15:29
2) 香港地 ... 有幾多呢類不屬於綠表類別嘅單身人士 ... 入息唔超過11,500元  ? ...

煩惱兄你無少睇新聞/電視啦, 好多大學靚仔, 未畢業就申請公屋, 出黎工作係咁上下人工咪買得囉, 更有人因申緊公屋, 叫老闆唔好加佢人工同升職, 資產wor, 亞媽比囉

entry1

煩惱 發表於 2011-9-1 16:03
呢個係重點 .... 依家我再答返你之前個回覆 ...

煩惱兄你咁講都有道理, 但如果拆開左個家庭, 用收入低既名義去買, 上會實唔夠額, 咁買居屋比唔比加返擔保人呢?

entry1

煩惱 發表於 2011-9-1 16:21
其實以 1 人計 ... 佢 set 得 11500 ... 的確好難上會 .... 買居屋比唔比加返擔保 ? 呢個問題 ... 我真係 ...

唔止1人, 2-5人都係啦, 買間大少少既2.xM, 照足規舉比完首期都要借>2M, 無擔保真係好大機會爆,

但係都好既, 太多人合格私樓就係死得囉

entry1

煩惱 發表於 2011-9-1 16:40
如果銀行肯做 .... 呢 d 限額又係多餘 ....

可惜我屋企3個人都無個合格

要搵返幾個二,三奶幫下手先得

entry1

煩惱 發表於 2011-9-1 16:46
個個都搵咁多 ?

就係搵幾個低收入既二,三奶嘛, 收入高既睬我都傻啦

entry1

煩惱 發表於 2011-9-1 16:54
唔怕佢地走佬咩 ?

買返間呢d

筲箕灣         愛蝶灣         «住宅 居屋»   海景三房、綠表未補地價         693 呎         $388 萬        

幫佢寫定遺囑, 走佬扑瓜佢 hehehehe

....................................................................
.............................................................
............................................

發下夢好喇

entry1

煩惱 發表於 2011-9-1 17:05
現時 under 2m 都有好多選擇架 ... 3 房 693 呎好似好迫 ...

佢呢隻係貴, 同康山果d一樣係居屋王, 全海景, 係逸濤,嘉亨隔離, 幾正架