挪威有種 無懼中共報復

intermezzo

儘管中國政府過去幾年頻頻向挪威政府施壓，還拿出中挪關係作威脅，但挪威諾貝爾委員會一於少理，決定頒和平獎給劉曉波，敢於做別人不敢做的事情。挪威敢於捋東方巨龍的龍鬚，一來是要捍衞天賦人權，二來是中挪貿易金額不高，無懼中國經濟報復。中國副外長傅瑩今年 6月，曾警告挪威不要把和平獎頒給中國異見人士。挪威首相斯托爾滕貝格（ Jens Stoltenberg）坦承，挪威與中國一直有討論人權問題，更「多次向中國提到劉曉波個案」，但中國沒理會，假如北京因此報復，只「會影響中國在國際上的聲譽」。諾貝爾委員會主席亞格蘭（ Thorbjoern Jagland）昨日強調：「我們有責任為其他人無法或不想說的人發言。」

即召挪威大使抗議

亞格蘭頒和平獎給劉曉波，是秉承諾貝爾（ Alfred Nobel）的遺願──和平獎不受任何勢力影響。和平獎是由諾貝爾委員會五成員決定，儘管他們都是前國會議員，但他們的決定是不受政府影響。這並非諾貝爾委員會首次跟北京對着幹， 1989年曾頒和平獎給流亡西藏精神領袖達賴喇嘛。即使中國作出報復，挪威政府也沒有太多顧忌，因中挪貿易額去年僅 447億港元，中國出口佔 208億港元，賣的都是紡織品、鞋；中國從挪威進口的 238.6億港元貨物，則是原油、鋼材、機械設備。不過，挪威正與中國談判自由貿易協議，若成事將是歐洲首個與中國簽訂自由貿易協議的國家，分析家相信中國除了傳召挪威大使抗議，還可能讓談判押後或中止來懲罰挪威，起殺一儆百作用。

intermezzo

蘋果論壇漫畫

intermezzo

挪威早已經多次勸中共放劉曉波﹐渠唔止唔聽﹐重恐嚇返人地轉頭﹐o甘你話挪威點會唔畀個獎劉教授呢﹖連博彩公司都一早估到﹐封渠做第一熱門啦﹗

係中共呢種草包爛仔政權先至會o甘搞法﹗而家唔止偷雞唔到蝕把米﹐重畀人踢爆大出洋相﹐又一次露出食人生番o既真面目畀全世界見到喇﹗

[ 本帖最後由 intermezzo 於 2010-10-9 01:00 編輯 ]

老牛食嫩草

我去過挪威好多次， 挪威真系一個社會主義個富有國家， 人民富有， 政府就麻麻地有錢。
挪威老國王二十幾年前， 成日偷偷地夜晚八九點由王宮后門溜出黎， 去酒吧飲酒， 佢以為人地唔認得佢， 鬼咁開心， 因為人地被啤酒佢， 要即刻收錢。 其實人人都知道佢係國王， 保鏢都哩埋一二角汲住。
佢老人家樂在其中， 大家都冇督爆。
十幾年前， 佢個仔重同條夜總會女郎拍拖， 后來重結婚， 國民都接受佢， 有一次我去探我朋友， 佢係一間日本餐廳打工， 食食下佢問我， 知唔知后面食緊野兩條大漢乜野人， 我更系唔知啦， 原來係王子嘅保鏢兼司機。 王子就系房內食野， 就系同未來王后啦。 食食下突然日式房間門有人輕輕彈左兩下， 其中一條大漢就出去攞車， 第二條大漢就立即埋單。 兩分鐘後， 趟門拉開， 果然係王子同兩個女士， 重同大家點頭笑笑添。
挪威真系一個好國家， 我有幾十個好友， 去左果邊， 都唔想返香港， 65歲退休， 一個月可以攞到大概八九千港幣， 返大陸住， 唔使憂心生活費啦。
諾貝爾其他四個獎都系瑞典宣布， 凈系和平獎留比挪威決定， 不失為高明嘅抉擇， 基本上挪威系可以自給自足嘅國家， 人口得490萬， 屬于地大物博， 人民安居樂業，生活安定， 對我地香港人黎講， 真系世外桃源呀。

intermezzo

幹得好  尊子

午餐獄

原帖由 minotaurus 於 2010-10-9 19:57 發表
我去過挪威好多次， 挪威真系一個社會主義個富有國家， 人民富有， 政府就麻麻地有錢。
挪威老國王二十幾年前， 成日偷偷地夜晚八九點由王宮后門溜出黎， 去酒吧飲酒， 佢以為人地唔認得佢， 鬼咁開心， 因為人地被啤酒佢， 要即刻收錢 ...

若果香港有石油出口,有三文魚,鯨魚任捉就好啦

fraternity

今次佢地個委員會都精啲, 起碼唔會拿拿臨頒俾仲未有乜功績的新上任總統...

intermezzo

馬龍

郎君

諾貝爾和平獎.已政治化了,美國奧巴馬無理頭又有獎,依家外國佬玩野,要中國尷尬.

intermezzo

原帖由 郎君 於 2010-10-11 11:23 發表
諾貝爾和平獎.已政治化了,美國奧巴馬無理頭又有獎,依家外國佬玩野,要中國尷尬.

數十年來，和平獎多頒給極權國家的良心犯，劉曉波不過是其中之一。中共要是不搞文字獄，又怎會「尷尬」？   

[ 本帖最後由 intermezzo 於 2010-10-11 18:22 編輯 ]

op1b

原帖由 郎君 於 2010-10-12 03:23 發表
諾貝爾和平獎.已政治化了,美國奧巴馬無理頭又有獎,依家外國佬玩野,要中國尷尬.

我唔覺得係玩嘢要中國尷尬    只不過相方係不同睇法

相反, 一個獎被炒作, 加入政治色彩

t_w

眾所周知：凡是同共產黨作對都是冇好下場的！

郎君

原帖由 t_w 於 2010-10-12 22:06 發表
眾所周知：凡是同共產黨作對都是冇好下場的！

係同中國共產黨作對都是冇好下場的>

jitsukannin

原帖由 t_w 於 2010-10-12 22:06 發表
眾所周知：凡是同共產黨作對都是冇好下場的！

咁李祿呢！

午餐獄

原帖由 jitsukannin 於 2010-10-13 07:18 發表



咁李祿呢！

乜你覺得佢去左美國後仲有為民主出力咩,我只見到佢為美金出力咋播

Raptor

我就认为挪威级之没有GUTS啦。有GUTS就应该与中共断交，继而与民主的民国政府建交。如果不敢与中共断交，还继续与她有外交、贸易等关系就是助纣为虐。环顾当今世界大部分的国家都是如此的没有GUTS。

jitsukannin

原帖由 午餐獄 於 2010-10-13 08:56 發表

乜你覺得佢去左美國後仲有為民主出力咩,我只見到佢為美金出力咋播

而家係講緊反共產黨有無好下塲呀！關民主什麽事？

午餐獄

原帖由 jitsukannin 於 2010-10-13 09:45 發表


而家係講緊反共產黨有無好下塲呀！關民主什麽事？

佢都矛去反共啦,仲有美國佬橕腰,會有乜野事呀

wck0816

中國不是一國獨大，總有人不賣你的賬