一世一阿仙奴俱樂部

joeiemok

原帖由 小魚兒 於 2009-3-15 12:25 發表


其實賓特拿表現已算不錯，在中場的制空力、推進力。 (如果不計把握力)   

把握力: is the most important element for being a Striker! (see E9!)  If B26 keeps on WASTING chances..... he is not capable for this position!

RX-93

其實今仗丹尼臣表現好,佢既助攻同中場的制球能力不錯 係贏波既原因之一
(可見有法比加斯對球隊既重要性~~)

艾沙雲今仗既表現,正好給拿斯尼(平時應該要做的工作)既最佳示範

九記

原帖由 RX-93 於 2009-3-15 15:14 發表
其實今仗丹尼臣表現好,佢既助攻同中場的制球能力不錯 係贏波既原因之一
(可見有法比加斯對球隊既重要性~~)

艾沙雲今仗既表現,正好給拿斯尼(平時應該要做的工作)既最佳示範 ...

同意到極 !  拿斯尼好似仲未適應到英超重体力對抗既踢法，情況甚似皮里斯初到阿仙奴時...

希望儘快適應啦

Jermaine

賓特拿下季可以外借

Ericng.

Arsenal 4 : 0 Blackburn Rovers

joeiemok

Aston Villia 1 : 2 Tottingham Hotspur

太好喇！阿仙奴正式騎番住奧尼爾呢班粉腸！
今場其實雲加應該錄起佢慢慢睇：睇吓列納點樣破奧尼爾既快速反擊！同成功箝制維拉兩隻翼既 tactics !
今場 spurs 真係打得好！我心都涼哂！

lemonhead

好野！ 阿仙奴贏波， 阿士東維拉輪波！  
想入前四踢歐聯?！ 發夢冇咁早， 連歐協都踢唔掂， 就咪咁大想頭啦！ 就算比佢入到前四， 都會好似愛華頓有年踢歐聯咁，踢到兩頭唔岸， 比佢咪盞害佢， 疊埋心水做5，6，7 算罷啦！
阿仙奴傷疲盡起，發力再上！！

Tommy232

原帖由 joeiemok 於 2009-3-13 19:36 發表


Tommy兄你既分析都好中肯！以下所講的都只是我個人諗法，大家當噏吓啦！因為我地都唔係雲加！哈哈！
我其實覺得雲加呢一段時間係超聯真係有 d 和到怕 同 輸到怕！今場佢調兵譴將真係好保守！係人都睇到上本場班友真係踢得好差！又 ...

Joeiemok兄,同意， 我們都唔係雲加！大家都只希望阿仙奴今年能保住前4。上网交換大家意見。
對羅馬射12碼時， 我自己個心差D跳左出黎,突然有一個念頭，會唔會16強出局。
直到贏左先比較安樂。 踢成o甘贏左都不覺得有太多開心。
昨晚賓特拿表現。阿仙奴迷有乜野睇法。 單刀射門好似回傳給龍門，
他射術好D。下半場頭10分鐘早早入到2:0啦. 阿仙奴迷可以安心D。
明晚對候城。 表現好D，足總杯入4強和車路士爭入決賽。
好似都有一段時間未試過有机會爭標。努力D。

joeiemok

原帖由 Tommy232 於 2009-3-16 12:43 發表

Joeiemok兄,同意， 我們都唔係雲加！大家都只希望阿仙奴今年能保住前4。上网交換大家意見。
對羅馬射12碼時， 我自己個心差D跳左出黎,突然有一個念頭，會唔會16強出局。
直到贏左先比較安樂。 踢成o甘贏左都不覺得有太多開 ...

其實最近對賓特拿同伊保既嚴厲批評係因為佢哋係球隊早輪喺水深火熱既情況之下：毫無建樹反而不斷犯錯而令球隊身處險境！但係要講既係：雲加其實已經做咗一個領隊應該要做既野：就係重係不斷比機會佢地！你第四前鋒 B26 喺今季黑鬼同 E9 都倦勤而雲佩斯又唔可以場場獨力對抗既情況下：B26 喺今季上陣其實已經超過 25 場！聯同係上季中旬佢已經有份上陣！所以你 B26 跟本就已經唔係新仔！今季無疑算係一隊既一份子了！但係喺對布力般的超聯比賽佢三番四次浪費隊友為他製造的機會就怎樣都說不過去！尤其是有三個必勝入球機會佢都把握唔到：要知道艾沙雲喺今場踢左面入低線攻擊真係充份盡顯身價！睇佢不斷喺同一位置係咁泡制住保羅羅賓遜：搾位衝網頂射入一粒！而第二粒佢本有機會自己處理埋！但佢見到你 B26 喺伏兵門前有更佳機會：佢第一時間作出無私既傳送嚟做就你賓特拿入波！呢d就係小弟之前都有提過的：（球隊整體戰及立體戰 Tactics!） 但係條死仔喺離門兩碼有兩次同一機會之下都射失！第三個機會係佢喺禁區空哂施射但一飛沖天！事已至始雲加亦都無辦法：要將佢換出！至於 E27 : 雲加指定第一個 12 碼由你主踢就係為你恢復信心既最佳証明！証明領隊無論做任何決定都一定係為咗球隊本身既利益為出發點！唔通你 B26 同 E27 都唔掂雲加會好過咩？事實亦証明只要雲加將你帶到阿仙奴：你一定有機會落場而唔會坐喺冷板櫈！連未夠秤既韋舒亞同新秀艾朗藍斯都時有機會落場磨練！所以你 B26 同 E27 打得唔好只能怪你兩個自己！再遲d 成隊一隊就會再次成形！希望季尾球隊喺聯賽同盃賽都會有好成績！

九記

阿記最終乜成績点個人吾太 care，最緊要打番出水銀瀉地進攻足球

pinball

原帖由 Tommy232 於 2009-3-13 11:26 發表

本來贏波(12碼)仲吊乜.但是真係好唔明雲加點樣需要D球員在比賽做D乜。
前季買艾迪巴約， 是希望角球有一個比較高大球員能制造入球。
但是都無變化。 其他的球隊有角球就有机會入波。
阿仙奴有角球等于和對手解圍。 出 ...

係雲加要求佢踢中場幫助防守,
其實今場同首回合個陣一樣,
問題係主客互易, 人地又盡地一煲,
一開波連前鋒都癲狗咁嚟壓迫你,
我地班係靚仔, 應變慢左都係意料中事,
加上雲佩斯呢幾場又交唔到貨 ....

pinball

原帖由 Tommy232 於 2009-3-13 14:31 發表

Joeiemok兄， 你講雲加真係有d回塘， 我好有感覺。
首先我對雲加下半場換人好有商确。
換人太遲。 上半場用高波無用。點解唔嘗試用拿手地波進攻。
不是E9射失12碼我有意見。 E9是技術形前鋒，加上復出不久。面對羅馬后防 ...

換 e9 主要都係想佢射十二碼
點知傷埋

pinball

原帖由 Jermaine 於 2009-3-13 16:58 發表

其實明顯雲加係想悶和0比0,但一次後防失誤打亂陣腳,
及後球隊仍然打返賽前部署,捱到亙射12碼,加上人地個懷斯真係上哂身,
好多機會都比佢化解,拿斯尼真係有排執,成場波隱形 ...

睇嚟拿斯利體力真係有問題,
一週兩賽對佢嚟講要求太高

pinball

原帖由 Tommy232 於 2009-3-13 17:17 發表

謝謝你的解釋。但是上半場9分鐘都輸一球。是否需要改變賽前部署。
爭取一個作客入球？？半場是否需要重新調整。如果羅馬入多一球，雲加會點部署
捱到亙射12碼,一定射贏。 ...

喺人地個埸, 穩陣 d 都無錯 o既,
禾確特大家都知佢防守意識 = 0
太早放佢出嚟, 仲難捱到完場
唔好忘記車仔都輸 1:3
講真唔係巴迪斯達念舊 ... 輸左咯

pinball

原帖由 joeiemok 於 2009-3-16 22:12 發表


其實最近對賓特拿同伊保既嚴厲批評係因為佢哋係球隊早輪喺水深火熱既情況之下：毫無建樹反而不斷犯錯而令球隊身處險境！但係要講既係：雲加其實已經做咗一個領隊應該要做既野：就係重係不斷比機會佢地！你第四前鋒 B26 喺今 ...

b26 從來都唔係禁區之狐果類型,
大家細心數吓佢今季踢過 o既位置,
左右中場, front man, 2nd striker...
差唔多場場都唔同, 以一個靚仔嚟講,
有咁表現唔係太差架啦,
當然我唔係幫佢搵藉口,
佢 d 把握能力係遠遠未及水準,
但呢 d 係好多年青球員都有 o既問題,
當累積左足夠經驗, 一定會有改善.

我覺得一個前鋒, 尤其係喺阿仙奴,
淨係識入波唔夠, 隊波打 o既係控球在腳,
當失左控球權, 就要由前鋒開始向對方壓迫,
否則只會撲死班中場,
而攞番控球權之後, 要盡快組織攻勢向前推,
迫對手犯錯, 唔係吓吓 hold 定等隊友嚟幫拖,
隊友嚟到人地都 set 好哂個陣地啦.
喺呢幾方面佢今季不斷在進步中.

講番布力般呢場, 上半場嚟講,
我會俾佢 MOTM, 佢俾禾確特突破果吓,
搶波 ... 轉身 ... 第一時間彈前,
四個前鋒之中, 雲佩斯 fit 果陣可以做到,
就算係 e9, 因為身型所限, 第一個動作已經未必能夠完成.
跟住再比較吓禾確特較後時差不多位置俾沙格拿果球,
可以睇得到賓特拿果吓唔係咁易做得到架.

最後, 大家要記住呢件平嘢嚟架咋,
佢人工我諗唔會超過萬五鎊,
真係大件夾抵食架

pinball

原帖由 黃賭獨 於 2009-3-15 10:38 發表
阿仙奴終於番來嘞!!!

艾沙雲好活躍, 不過賓特拿就   , 把握能力唔多掂.. 將佢外借啦, 而家都有達斯華

應該找回尹佩斯上場, 不過, 好高興呢隊波復甦, 希望keyman 法比加斯回來...

無有他分波, 戰 ...

下季加埋韋拿都係得五個前鋒,
雲佩斯 ... 今季先見少 d 傷, 但呢幾場勁跌 watt
e9 ... 仲未顯示身體完全恢復, 仲係踢一次傷一次
黑柴 ... 今季 so far 未投入過, 下季點只有佢自己先知
韋拿 ... 天賦不用置疑, 但好似仲未証明過夠實力/體力/技術喺英超打正選

咁送走 b26 會唔會冒險左 d ?
如果搵番一個, 咁要出幾多錢 ?
肯唔肯定夠班踢 big four ?
人地肯唔肯做後備 ?  ..... 嘩好大串問題

pinball

原帖由 RX-93 於 2009-3-15 15:14 發表
其實今仗丹尼臣表現好,佢既助攻同中場的制球能力不錯 係贏波既原因之一
(可見有法比加斯對球隊既重要性~~)

艾沙雲今仗既表現,正好給拿斯尼(平時應該要做的工作)既最佳示範 ...

拿斯利俾 d 時間佢啦,
當年皮利斯都要用差不多一
季先適應到

pinball

原帖由 joeiemok 於 2009-3-16 02:05 發表
Aston Villia 1 : 2 Tottingham Hotspur

太好喇！阿仙奴正式騎番住奧尼爾呢班粉腸！
今場其實雲加應該錄起佢慢慢睇：睇吓列納點樣破奧尼爾既快速反擊！同成功箝制維拉兩隻翼既 tactics !
今場 spurs 真係打得好！我心都涼哂 ...

有人統計過維拉今季只係用過19名球員,
其中仲有卡維, 希斯基呢 d 耆英,
都係時候啦

好彩熱刺仲要搶分護級,
如果係季尾打風流波,
個結局係點我唔敢講

pinball

原帖由 lemonhead 於 2009-3-16 02:26 發表
好野！ 阿仙奴贏波， 阿士東維拉輪波！  
想入前四踢歐聯?！ 發夢冇咁早， 連歐協都踢唔掂， 就咪咁大想頭啦！ 就算比佢入到前四， 都會好似愛華頓有年踢歐聯咁，踢到兩頭唔岸， 比佢咪盞害佢， 疊埋心水做5，6，7 算罷啦！
阿仙奴傷疲盡 ...

咪就係, 歐協都自動棄權,
仲話踢歐聯 ?
外圍賽就 foul 出局啦

joeiemok

原帖由 pinball 於 2009-3-16 23:22 發表

b26 從來都唔係禁區之狐果類型,
大家細心數吓佢今季踢過 o既位置,
左右中場, front man, 2nd striker...
差唔多場場都唔同, 以一個靚仔嚟講,
有咁表現唔係太差架啦,
當然我唔係幫佢搵藉口,
佢 d 把握能力係遠遠未及 ...

希望如pinball兄所講的一樣：賓特拿唔會變成球隊負資產！呢樣佢真係要靠自己了！試問昨晚你對布力般如果所有chance 屎 都把握得到！球隊能夠大大炒對手七、八粒！到最後埋單擋你真係衰到要計得失球差呢d就係籌碼！