一世一阿仙奴俱樂部

pinball

原帖由 任初九 於 2009-3-12 06:43 發表
傻馬真係搞笑，射中間仲要無力：人地射中間就大力抽，佢就射地波中間無力 抵出局

佢想扮施丹 chip 高楣底入,
簡直係邯鄲學步

pinball

原帖由 任初九 於 2009-3-12 06:47 發表



果球12碼 唔吹 已經 係阿仙奴彩

我很贊同

pinball

原帖由 Tommy232 於 2009-3-12 12:35 發表
踢到不知所謂.進攻完全無力。
D角球根本無用。如果球証嚴D.
基歷治個球可以12碼。
賓特拿-無需要再多講。
伊保- 上半場有一半時間透明。
丹尼臣- 努力不過無質素。
云佩斯 -死左腳，腳腳控失波。
拿斯利- 有排訓練。 ...

我都一路睇一路吊 .... 但係而家已經原諒哂佢地嘞

pinball

原帖由 任初九 於 2009-3-12 16:59 發表


傻馬真係無料到，如果對住另外 big 3，九成比人 炒~~

不過如果阿仙奴對住 Big 3 又會係 another story ，未必會輸

阿仙奴e家好彩，8強 分分鐘 抽到 對 波圖 or 維拉x爾 ...

我都覺得呢個階段打得唔好唔係太緊要,
最緊要晉到級就夠
好似 ac, 身體好呢 d 決賽常客,
往常分組賽以至頭果一兩 round 都唔會太 sharp,
一樣試過頭一 round 要加時甚至 pk 先晉到級,
佢地好識將 d 狀態慢慢谷上嚟到準決賽/決賽
先達到頂點

睇番我地情況, 嚟緊幾個主力尤其
法比仔可以出番嚟, 中場組織會唔同哂,
同埋佢地抖左咁耐夠哂 fresh,
我反為覺得今年真係有機會入到決賽

pinball

原帖由 Jermaine 於 2009-3-12 17:55 發表
尋晚12碼 2個龍門都腳軟唔識撲

唔好彩買錯大細啫

pinball

原帖由 Jermaine 於 2009-3-12 17:57 發表

話左基歷治係後防炸彈,一味得速度,防守功夫唔掂,
再咁搞又多個伊保

太早失左一球, 覺得佢有 d 壓力

pinball

原帖由 Jermaine 於 2009-3-12 17:59 發表

兩場歐聯210分鐘入唔到波,睇到艾迪巴約真係好重要

係架, 喺後備席搖旗吶喊,
鼓舞士氣, 埸上 d 隊友都踢得好 d

pinball

原帖由 Jermaine 於 2009-3-12 18:02 發表

呢場迪亞比係中場掃唔少波
丹尼臣呢場盯托迪真係成為笑柄

迪亞比雖然進攻冇乜貢獻,
但真係搶甩好多波,
丹尼臣幾次無端端俾人迫甩
打快速反擊, 差 d 做左罪人
仲有雲佩斯開場失左個半單刀機會,
之後成場都唔知踢乜,
係食蛋 o既重要原因

joeiemok

原帖由 pinball 於 2009-3-12 20:39 發表

我都一路睇一路吊 .... 但係而家已經原諒哂佢地嘞

贏呢場波真係好很好彩！首先雲加真係有d回塘！又用番丹尼臣喺中場... 如果唔係迪亞比今場回勇幫佢係前中後場係咁唔停咁樣破壞同掃盪羅馬既進攻後果真係不堪設想！羅馬入果一球睇番慢鏡居然係加拿斯大漏所至！條友跟住有十多分鐘驚慌過度係度游魂令到球隊後防有一定危險！好彩本場出番嚟冇晒事！伊保條仆街就已經對佢冇乜期望！點知條柒頭係呢d大戰又想出位！佢果兩記施射如果我係雲加入番更衣室就一定一巴星死佢！後來佢同雲佩斯係前場一記傳送失誤跟住重互相埋怨！認真失禮！E9我作為球迷並不會怪他表現不好射失果記十二碼的！因為你雲加到最後果七分鐘至放佢落場一搏你可以要球佢做到d乜野？只怪你係消極態度諗住加時作賽了！當然一到加時兩方都會大仿守戰...十二碼係射硬喇！真係睇到眼都突埋！最後兵工廠贏了！贏在最後射十二碼果兩位：突然死亡！心理壓力超大！迪亞比！沙格拿！射得靚！點都好啦！下場重整旗鼓！

Tommy232

原帖由 pinball 於 2009-3-12 20:39 發表

我都一路睇一路吊 .... 但係而家已經原諒哂佢地嘞

本來贏波(12碼)仲吊乜.但是真係好唔明雲加點樣需要D球員在比賽做D乜。
前季買艾迪巴約， 是希望角球有一個比較高大球員能制造入球。
但是都無變化。 其他的球隊有角球就有机會入波。
阿仙奴有角球等于和對手解圍。 出波速度和落點和普通香港球隊無差別。
本來真不想講賓特拿，但是睇見佢對羅馬表現。
我唔明佢點解時時需要走左邊。是雲加要求？
左邊有拿斯利和基歷治是否需要3個人在左邊制造攻勢。
就算左邊出到波， 中間邊一個接應。
他帶波推回中間， 以他腳法10球失9球。
他想模仿Henry踢波風格。 以他質素.....
Henry未去阿仙奴前是踢翼出身。有速度和保護皮球能力。
我從未見過打翼出色好似賓特拿高大身材。
點解唔好好係中間等待机會。接應隊友出波攻門。
當我睇完上半場心都涼左一節。
伊保和對羅馬有份出場其他的球員表現。 我唔想

[ 本帖最後由 Tommy232 於 2009-3-13 11:43 編輯 ]

Tommy232

原帖由 joeiemok 於 2009-3-12 21:26 發表


贏呢場波真係好很好彩！首先雲加真係有d回塘！又用番丹尼臣喺中場... 如果唔係迪亞比今場回勇幫佢係前中後場係咁唔停咁樣破壞同掃盪羅馬既進攻後果真係不堪設想！羅馬入果一球睇番慢鏡居然係加拿斯大漏所至！條友跟住有十 ...

Joeiemok兄， 你講雲加真係有d回塘， 我好有感覺。
首先我對雲加下半場換人好有商确。
換人太遲。 上半場用高波無用。點解唔嘗試用拿手地波進攻。
不是E9射失12碼我有意見。 E9是技術形前鋒，加上復出不久。面對羅馬后防未必有太大作用。
早D下半場65分鐘， 換出伊保，賓特拿，換入禾确特，韋拿。改用速度和地波去進攻羅馬。
羅馬球員第一回合， 暴露下半場尾段体力有問題情況. 未必可以防御禾确特，韋拿速度。
但是雲加好似係度等加時， 等射12碼。星期六需要踢聯賽爭分。點解唔變通希望可以90分鐘解決羅馬。
這是我最不明白雲加處理手法


[ 本帖最後由 Tommy232 於 2009-3-13 14:50 編輯 ]

Jermaine

原帖由 Tommy232 於 2009-3-13 11:26 發表

本來贏波(12碼)仲吊乜.但是真係好唔明雲加點樣需要D球員在比賽做D乜。
前季買艾迪巴約， 是希望角球有一個比較高大球員能制造入球。
但是都無變化。 其他的球隊有角球就有机會入波。
阿仙奴有角球等于和對手解圍。 出 ...

因為賓特拿係前場唯一高點,好多時艾蒙開死球都係傳比佢再跣後比雲佩斯
至於放佢係左中場明顯係雲加意思,原意係放生拿斯尼嘅活動範圍,雲佩斯做終結者

Jermaine

原帖由 Tommy232 於 2009-3-13 14:31 發表

Joeiemok兄， 你講雲加真係有d回塘， 我好有感覺。
首先我對雲加下半場換人好有商确。
換人太遲。 上半場用高波無用。點解唔嘗試用拿手地波進攻。
不是E9射失12碼我有意見。 E9是技術形前鋒，加上復出不久。面對羅馬后防 ...

其實明顯雲加係想悶和0比0,但一次後防失誤打亂陣腳,
及後球隊仍然打返賽前部署,捱到亙射12碼,加上人地個懷斯真係上哂身,
好多機會都比佢化解,拿斯尼真係有排執,成場波隱形

Tommy232

原帖由 Jermaine 於 2009-3-13 16:58 發表

其實明顯雲加係想悶和0比0,但一次後防失誤打亂陣腳,
及後球隊仍然打返賽前部署,捱到亙射12碼,加上人地個懷斯真係上哂身,
好多機會都比佢化解,拿斯尼真係有排執,成場波隱形 ...

謝謝你的解釋。但是上半場9分鐘都輸一球。是否需要改變賽前部署。
爭取一個作客入球？？半場是否需要重新調整。如果羅馬入多一球，雲加會點部署
捱到亙射12碼,一定射贏。

joeiemok

原帖由 Tommy232 於 2009-3-13 14:31 發表

Joeiemok兄， 你講雲加真係有d回塘， 我好有感覺。
首先我對雲加下半場換人好有商确。
換人太遲。 上半場用高波無用。點解唔嘗試用拿手地波進攻。
不是E9射失12碼我有意見。 E9是技術形前鋒，加上復出不久。面對羅馬后防 ...

Tommy兄你既分析都好中肯！以下所講的都只是我個人諗法，大家當噏吓啦！因為我地都唔係雲加！哈哈！
我其實覺得雲加呢一段時間係超聯真係有 d 和到怕 同 輸到怕！今場佢調兵譴將真係好保守！係人都睇到上本場班友真係踢得好差！又係好似近年既老毛病：贏咗形勢但係輸緊波！咁樣冇用㗎大佬！就算比全世界所有人都認為阿仙奴係英超踢進攻足球係踢得最漂亮既球隊！但有前冇後場場波都踢到險象橫生咁有鬼用咩！你雲加要行年青化我地同意！起球場冇多餘錢入頂級球員都唔係問題！因為我信佢用人既哲學：好似 伊度亞度達施華！卡路士韋拿！沙格拿同迪亞比等等...全部初初買入都身價唔高但係係好有質素既球員！球隊係咁既情況下重整喺舊年已經漸見隊形！可以再有機會同列強爭一日的長短！但係新人未成熟既同時舊年E9被重創之後球隊就開始出現問題！
到今年：形勢重惡劣！差不多大本隊主力做咗十字軍！淨番落嚟有得落場既又唔生性！講雲佩斯先：以為自己係最資深既前鋒！成日個人英雄主義！帶住個波引到兩至三個後衛埋身！理應揾機會張個波傳比更有機會射門的隊友！但每一次都要死樓難樓！樓到係前場真係無晒機會同角度就硬射！今季好多時都係咁！原全冇合作既！
所以我好同意點解下本場唔係六十左右就同時間放E9 + V12同時落場去砌：E9 係康復期間踢預備組同 V12 已經建立一定默啟！這隻翼+前鋒我唔夠膽講一定贏！但當時既形勢理應一博！但雲加就係可能驚 V12 太嫩！會有壓力啩？
所以只係喺同一位置換出賓特拿 + 伊保！用 E9 + W14! 但係對隊波冇幫助！依然係冇合作！各有各踢就真係要贏都難！結果莫講話贏，和都唔得！你估射十二碼真係你贏硬既咩？羅馬都唔係小野㗎嘛！今次可以贏真係走運的！
以兵工廠過去咁多年既戰積係英超聯就算得唔到冠軍都一定係榜眼或者係探花！但係自亨利時代既終結...球隊真的在這幾年一路走緊下波！今年重要比維拉班粉腸一路 head 住前四！依家要期望對方失分同己隊全勝至有機會打來屆歐聯！（三分其實唔易追㗎！）當然球隊能夠贏今年歐聯就另當別論！但如果進入八強都重係踢成咁....就真係死很硬！

joeiemok

原帖由 Jermaine 於 2009-3-13 16:58 發表

其實明顯雲加係想悶和0比0,但一次後防失誤打亂陣腳,
及後球隊仍然打返賽前部署,捱到亙射12碼,加上人地個懷斯真係上哂身,
好多機會都比佢化解,拿斯尼真係有排執,成場波隱形 ...

Jermaine 既諗法都係正確既！
悶和都係Tactics既一種！但中場同後防都有漏洞！形勢就真係好兇險！昨晚就係最佳示範！你主場喺對手未回魂同人馬唔齊既情況之下都唔能夠盡數對手！贏一球係唔穩陣既！大家都知係打主客制！你唔能夠保証你去到對方地頭都有好表現！因為你隊波最大問題係唔穩定！呢樣好重要! 結果...大家睇到啦！羅馬係衰唔夠運！阿仙奴唔係乾趣解決對手！呢一點係有d唔高興!

拿斯尼係有Talent！但太走精面喇！佢有d似車仔既林柏特！大部份時間做隱形人！唔敢同對手去拍因為怕受創！唔敢去搶波！佢重要冇身形！雲加真係要好好調教！

joeiemok

Arsenal vs Blackburn
4 : 0

B26 : Rubbish!

A23: 2 Good Goal!
E27: 1 Goal (Good transpassing from A23) & 1 Penalty!

GOOD WORK GUNNERS!

黃賭獨

阿仙奴終於番來嘞!!!

艾沙雲好活躍, 不過賓特拿就   , 把握能力唔多掂.. 將佢外借啦, 而家都有達斯華

應該找回尹佩斯上場, 不過, 好高興呢隊波復甦, 希望keyman 法比加斯回來...

無有他分波, 戰績差好多...

小魚兒

丹尼臣 - 今仗明顯有改善,無論在進攻、長傳、護球，值得一讚!!
桑治 - 表現持續向上。:) :)
艾沙雲 - 不斷為隊友作出傳送，也成功的射入加盟阿仙奴後的第一個入球!

小魚兒

原帖由 joeiemok 於 2009-3-15 06:12 發表
Arsenal vs Blackburn
4 : 0

B26 : Rubbish!

A23: 2 Good Goal!
E27: 1 Goal (Good transpassing from A23) & 1 Penalty!

GOOD WORK GUNNERS!

其實賓特拿表現已算不錯，在中場的制空力、推進力。 (如果不計把握力)