旺角被捕者阻差控罪變暴動 稱旁觀遭警推撞 對峙片段網上熱傳

F1D1S1

【明報專訊】旺角年初二（9日）凌晨發生大衝突，事件持續至翌日清晨，36人於11日被送往法庭提堂並控以暴動罪。當中一名被告、32歲任職廚師的王世杰是旺角居民，清晨時分只想觀看事件發展，在街頭遇到警方時，「左邊的警察又喝我，拿盾撞我；前面的警察又喝我，拿盾撞我」，他氣憤之下責罵數句，一度與警方對峙，警方以阻差辦公為由拘捕他，但後來卻控以暴動罪，他說感到「無辜」。


明報記者 王丹麟

對被捕改控罪感無辜

王世杰的遭遇原來已被人拍了短片放上網，至今已有逾48萬人次看過。現場是洗衣街水務署對面位置，片段顯示王世杰與10多名警方的特別戰術小隊（速龍小隊）對峙，警員向王大叫「𠵱家請你向後退」，王顯得憤憤不平，向警方反駁﹕「你個女警鬧我喎……攞警盾撞我。」

警員多次大叫王離開，雙方一度僵持。其後速龍小隊換成軍裝警員，警告王「唔走就拉你」，又開始數數字，預備拘捕，王向後退作勢離開，並說「行緊啦」，軍裝警一直推前，突然一名警員衝向王，其餘警員尾隨，王遂拔足跑，多名軍裝將他包圍並說「阻差辦公」，將他拘捕。

拍攝者林先生說，自己只是普通市民，當時只想拍攝現場情况。他指事發時本在拍攝另一方向的場景，忽聽到身後有叫囂聲，便轉身拍攝，現場見到約有30名警員，氣氛已處於緊張狀態，他不清楚事發原因。

已保釋回家的王世杰昨日在旺角住所接受記者訪問，他強調自己只是在本月10日清晨前往事發地點「睇下佢哋（警方與示威者）做乜」，從沒光顧過旺角流動熟食小販，衝突當晚亦不在現場，又數度說感到「無辜」。王世杰稱，事件對其工作暫未有大影響，但擔心在案件進入審訊後會失去工作。

指衝突凌晨不在場 無政治立場

王憶述當日清晨警方未有封路，身處亞皆老街位置的他在觀看現場情况後正橫過馬路，「左邊的警察又喝我，拿盾撞我；前面的警察又喝我，拿盾撞我」，接着有警員扯其衣領，把他捉到水務署位置附近。王世杰說，當時感到「有點不滿」，因此回罵數句，他說，在警察警告其離開後，打算走時便被警員衝前拘捕。

王世杰聲稱，自己沒有任何政治立場，又說當時警方以阻差辦公為由拘捕他，但後來將控罪轉為暴動罪，「你無理由告我暴動」。他說，自事件發生後，對警察「更加失去信心」。

- See more at: http://m.mingpao.com/pns/dailyne ... thash.eBtOZvqW.dpuf

巴魯坦星人

如果當區居民都可以告得入, 就真係天方夜譚啦....

相信王生係心知肚明....  根本就係有恃無恐

谷村富郎

乜王生冇睇電視咩？
湯律師講，暴乱現場警察叫你離開，如你唔離開就有機會被控阻差辦公或暴動罪Y馬，此乃前朝遺下之法律，至於入不入罪由法官判。

巴魯坦星人

谷村富郎 發表於 2016-2-14 11:02
乜王生冇睇電視咩？
湯律師講，暴乱現場警察叫你離開，如你唔離開就有機會被控阻差辦公或暴動罪Y馬，此乃前朝遺下之法律，至於入不入罪由法官判。

睇完師兄一句 "乜王生冇睇電視咩？"

心中又笑.... 家吓有電視可睇咩 ???

atv ,  重播完又重播....算吧啦.....
tvv, 想睇新聞又唔想見有立場.....  想睇劇又唔想接觸膠
港台, 又唔係出字無聲有影....  我就無心情睇啦...
唔係人人都接受大公文匯tvv嫁
我都係第二日中午上4台睇帖先知少少.
依兩日上YOUTUBE搵片先知多少少

simontonysoup

當時暴動已經發生了幾小時，鎗都開埋，無數人入咗廠，被人拉咗。
仲有人在街睇熱鬧？
呃D白痴就會信。
如果唔夠證據告佢唔入，
只係「若然未報，時辰未到」。
話佢無辜？
哈哈！咪講笑😄

四台國際CEO

simontonysoup 發表於 2016-2-14 11:13
當時暴動已經發生了幾小時，鎗都開埋，無數人入咗廠，被人拉咗。
仲有人在街睇熱鬧？
呃D白痴就會信。

暴徙梗係話自己無辜架啦

谷村富郎

巴魯坦星人 發表於 2016-2-14 11:13
睇完師兄一句 "乜王生冇睇電視咩？"

心中又笑.... 家吓有電視可睇咩 ???

噢！原來巴兄日常是不睇電視新聞的，難怪叻過小弟咁多，不過唔睇新聞唔緊要，最緊要係要知法律，知道咩叫做犯法，果位王生就係唔知法，犯咗法都仲牙擦擦，好快就會蒙查查入埋册。
大公文匯我好似上個世纪有睇過，TvB唔系好似呀，只係冇請陶十九，癲狗等人做節目之嗎！都好過冇得睇，最少睇咗唔會被人抓，有好處架。

巴魯坦星人

谷村富郎 發表於 2016-2-14 11:40
噢！原來巴兄日常是不睇電視新聞的，難怪叻過小弟咁多，不過唔睇新聞唔緊要，最緊要係要知法律，知道咩叫 ...

依個先係問題....

1) 果位王生就係唔知法，犯咗法都仲牙擦擦
因為佢唔知犯法, 所以佢犯法....  
2) 好快就會蒙查查入埋册
因為佢唔睇電視新聞

一定要睇電視新聞 ?  唔睇TvB所以佢唔知犯法而被犯法又係理所當然 ???

今日谷村富郎兄回應, 有感不太似往日谷村富郎回文....  換了人 ?

F1D1S1

simontonysoup 發表於 2016-2-14 11:13
當時暴動已經發生了幾小時，鎗都開埋，無數人入咗廠，被人拉咗。
仲有人在街睇熱鬧？
呃D白痴就會信。

曰光日白，出街有乜問題，又手冇寸鐵。

問題係你個腦到

F1D1S1

四台國際CEO 發表於 2016-2-14 11:40
暴徙梗係話自己無辜架啦

黑警打完人可以當冇事發生過添

F1D1S1

谷村富郎 發表於 2016-2-14 11:40
噢！原來巴兄日常是不睇電視新聞的，難怪叻過小弟咁多，不過唔睇新聞唔緊要，最緊要係要知法律，知道咩叫 ...

又唔係戒嚴，手上又沒有武器，原來法律咁都唔比?

F1D1S1

谷村富郎 發表於 2016-2-14 11:02
乜王生冇睇電視咩？
湯律師講，暴乱現場警察叫你離開，如你唔離開就有機會被控阻差辦公或暴動罪Y馬，此乃前朝遺下之法律，至於入不入罪由法官判。

先生，睇左片先講啦

四台國際CEO

F1D1S1 發表於 2016-2-14 12:15
黑警打完人可以當冇事發生過添

俾d新意啦, 仲黑警

凸

巴魯坦星人 發表於 2016-2-14 12:00
依個先係問題....

1) 果位王生就係唔知法，犯咗法都仲牙擦擦

唔知, 唔係抗辨理由, 依個係最基本法律要知, 佢唔係睇緊拳賽, 坐係觀眾席, 當時環境咁亂, 有正常分識能力的人都走.
法律唔識, 都有讀過書, 君子不立危牆下.

F1D1S1

四台國際CEO 發表於 2016-2-14 12:30
俾d新意啦, 仲黑警

黑警就係黑警，甚麼叫法都只是黑警

巴魯坦星人

凸 發表於 2016-2-14 12:33
唔知, 唔係抗辨理由, 依個係最基本法律要知, 佢唔係睇緊拳賽, 坐係觀眾席, 當時環境咁亂, 有正常分識能力的人都走.
法律唔識, 都應有讀過書, 君子不立危牆下.

睇咗依段新聞, 我只係想.... 假如我係佢, 我一定反問警員.... : 呀蛇, 你叫我走, 咁你想我走去邊呢 ! 我都想住半山幾千呎, 我都唔想住旺角, 又細又嘈又多人.....你叫我走咪即係叫我搬.... 你想我搬, 賠幾多先.....

君子不立危牆下, 你估佢想咩.....  有半山住你會唔會住旺角

所以我先講佢係有恃無恐

旺角本身就係佢家, 佢落你叫佢走, 佢又可以走去邊.  想走返屋企就唔會出街啦...

如果出街就成為犯法, 即係點..... 就因為佢窮

四台國際CEO

F1D1S1 發表於 2016-2-14 12:39
黑警就係黑警，甚麼叫法都只是黑警

漢奸狗賊就係漢奸狗賊，甚麼叫法都只是漢奸狗賊

sexybody

明報咪又係cut走咗前面個段
王生都係特登拖延咗幾耐，係合作嘅就按咗警方指示方向走啦
大帽山結冰都照衝咩

凸

巴魯坦星人 發表於 2016-2-14 12:43
睇咗依段新聞, 我只係想.... 假如我係佢, 我一定反問警員.... : 呀蛇, 你叫我走, 咁你想我走去邊呢 ! 我 ...

巴兄, 你之前講無政治立場, 而家又代入個位人兄去說話!
佢話住旺角, 昨為路人甲, 見到當時環境係唔係為在自身安全離開, 佢可以返旺角的屋企或離開現場, 個位人兄係話觀看事件發展. 唔通佢屋企係旺角訓街? 你所指佢家就是這樣?

巴魯坦星人

凸 發表於 2016-2-14 13:09
巴兄, 你之前講無政治立場, 而家又代入個位人兄去說話!
佢話住旺角, 昨為路人甲, 見到當時環境係唔係為在 ...

師兄, 旺角居民, 有邊一位唔係旺角留連.  現實少少啦...
離開現場, 又可以去邊.....
咁你又知唔知佢地點解個個日常唔返屋企, 經常留連街上呢.....  

不論任何政治立場, 一樣可以講理.
我欣賞其他師兄有立場....
唔代表我會跟隨人家想法.

我要代入個位人兄去說話又如何, 旺角......我都留下唔少腳毛嫁


補充內容 (2016-2-14 13:30):
有時講多大家未必會明, 自己親身去住完先再講好過啦...