佔領真係阻開工？工聯會大話一一踢爆。

iamboyboy

689政府繼警察，黑社會，愛字頭藍綠絲帶之後，新一輪攻勢是動用工會勢力。

連續幾日，小巴商會，運輸業商會，建造業總工會等等都輪流踩場。他們的共通點都是主發言人都表現得相當氣憤，用的口號都是同一句︰「阻人揾食，罪大惡極」，而且，它們都是工聯會屬下的分會，不約而同都威脅如果學生不撤路障，他們的「會員」會在星 - 期 - 三「出手」拆路障。 至於為何都是星期三……或者因為立法會星期三復會？反正建制派做事永遠鬼鬼祟祟，猜想他們所有行動背後都有hidden agenda就應該雖不中亦不遠。

其他的行業我不敢說什麼，但一看到「建造業」的周聯僑 (*1)這等人物出場就知道有古怪。果然周生一出場，就聲稱「佔中」影響幾千工人上班，返工要多花個多兩個小時。「佔中」亦令地盤出入受阻要停工，更影響中環灣仔繞道工程五百名工人返工，云云。外行聽到當然搖頭嘆息，但內行的，甚至乎細心一點的，聽罷都應該難以忍笑。

建制的人似乎永遠學不乖，上次阿Sir由金鐘去旺角用四十分鐘還末被恥笑夠，今次又來「一兩個鐘」？你是要去皇崗還是羅湖去返工啊？至於「中環灣仔繞道工 程五百名工人」也是相當有嫌疑。這不是遊行示威動輒上萬人，一個基建工程一天用上五百工人可真是不得了。中環灣仔繞道工程已經尾聲，只餘下港灣道至維園一 段，一天能否用上五百人實在成疑。就算真的有五百人好了，工程地段完全是在佔領區外啊！？又怎影響上班？又當你真的影響上班影響進度，日薪工人的人工可是一樣要支付的，要為工人遲到而煩惱的應該是承判商吧？

要衡量佔領活動對建造業的影響，看海富旁的工地就好。由佔領第一天始地盤就沒有停過工，大車照樣由金鐘道出入，影響你條鐵！再講，現在全行都嚴重缺乏工人，若有工人長期開工不足，恐怕是工作態度有問題或慣性騙取工傷之流。周生，有云「若要人不知，莫要太低B」，大聲喊話前要多做功課你懂不懂？

本來佔領運動的理論和罷工相似，根本就是要令到社會上大部分人都因為受到影響而要正視事件，從而運用羣衆關注而向權力施壓。一個有同理心而成熟的社會自會明白，總有一天輪到自己受壓迫，所以通常都傾向支持示威或罷工一方。但香港一般市民（最近被戲稱為村民實在沒錯）卻總是奴性地認為「總之邊個搞亂就唔啱啦！」，鎗口的default position永遠是先指向抗爭一方。喂，村民們，那裡有壓迫那裡就有反抗，經歷兩年多的和平爭取，結果還是要以擾民方式抗命，真是要追究，問題的源頭也在壓迫一方呀！

政府肯對話，肯讓步，民眾自會散去。各位建制的工友，做個精明市民，要聲討也應該聲討政府。你現在針對學生和市民，卻又不記得以前紮鐵工人罷工 (*2) 時學生怎樣支援你們了 (*3)？地盤佬的雷氣還在嗎？

至於那位聲稱失去二千四蚊工錢的泥水伙計，見你咁緊張，咁你好應該計一計。高鐵超支六十九億，除開約一百二十萬份交稅人口，即當日支持興建的建制派議員令每個完稅市民要多俾五千七蚊。可笑的是，你做一年收幾十萬人工就交幾萬蚊稅，然而你親愛的行政長官梁振英，卻直接收五千萬不用納一毫子稅。哎？佔領運動直接 令你收入減少，但它卻幫你向令你間接損失的政府追數，一加一減 （五千七蚊 - 二千四蚊 = 三千三百五十蚊），塞錢入你袋添啦朋友。

我這種要返工顧家的離地中產雖無法全情參與雨傘革命，但我還是可以做鍵盤戰士匡正除奸。希望身處其他職業的朋友也一起來做個勇敢的鍵盤戰士，用文字把建制的垃圾文宣逐個擊破。

Remarks:
(*1) 周聯僑這件蛋散是工聯會扶植的建造業代表，曾經打算參選立法會議員。他經常以建造業總工會之名到各公司和會議發言。令我印象最深的是有一次參加某機構舉辦 的職安講座，他帶同一位女士到場，聲稱她是半年前某事故身亡工友之遺孀。席間該女士說得聲淚俱下，如何至今夜未能寢之類。其時已覺甚為不妥︰怎可以要飽受情緒困擾的人一而再的在人前揭開痛處？果然座談會一散場，該女士在地下入口已經笑語盈盈，轉個街角已經和另一男子手挽手走去。

我們建造業工人竟然是被這種賣假的粉皮來代表，何嘗不是一種侮辱。

(*2) 有趣的是，當年紮鐵工潮中，工聯會附屬的紮鐵已經被指秘密談判，出賣工人利益、、、

Source：香港紮鐵工會抗爭新聞三則
http://www.coolloud.org.tw/node/6848



http://www.inmediahk.net/node/1027227

furama

為咗維穩費的『蒙面西人』五毛賊！次次都咁樣衰肉酸，丢中共，國安部，左派，CY的架，但反而証明我哋香港人係「 光明磊落 」既！

furama

版主係邊？點解又加吾到分比樓主？

Topvision

有報導講, 2000人無辦法開工呀....

不過, 有係當區出入, 特別係大字頭係金鐘工作過員工一定知.....
一早, 當區地盆佬, 半山區裝修佬....  日日開工前, 都去食早餐嫁啦....
幾多人, 數都數到啦.....

DICTATOR

為左「搞亂費」，部份人亦無所不用其極！

巴塞3冠王

furama 發表於 2014-10-14 11:06
版主係邊？點解又加吾到分比樓主？

關板主咩樹
你只加過3次分比同一個人，就要再加分比另外7或8個人系統先會比你再加分比佢

furama

回復 巴塞3冠王 #6 的帖子

明白！吾該師兄！

iamboyboy

furama 發表於 2014-10-14 11:00
為咗維穩費的『蒙面西人』五毛賊！次次都咁樣衰肉酸，丢中共，國安部，左派，CY的架，但反而証明我哋香港人係「 光明磊落 」既！

才能與道德有關係的, 所以古時的人都係將才與德相提並論, 一些四字詞例如:才德兼備, 何德何能, 無德無能.........等等.

689肯定係無德無能.

tomyhk141

佔中已使社會分化，撕裂情况愈來嚴重，及早清場符合大眾利益!

iamboyboy

Topvision 發表於 2014-10-14 11:08
有報導講, 2000人無辦法開工呀....

不過, 有係當區出入, 特別係大字頭係金鐘工作過員工一定知.....

呢排好多報導都系假的, 例如, 689講過佔中搞到救傷車救唔到人, 連報紙都係咁講(夾定), 但有救護員出嚟講, 根本無其事.

有報導講唔一定係真的, 你知唔知前一排各大傳媒老闆上過大陸聽吩咐?

大眾傳媒已經俾人收買哂, cctvb在佔中的報道上, 亦被人向廣管局投訴.

furama

回復 iamboyboy #8 的帖子

689應該係缺德敗能，佢有能力，但全用在任何言語偽術，在UGL交易中收受收益，但走灰色地帶！我從來以爲無恥係中文課，但今日先知係數學課，如果要我比個級數佢，689係一萬級！

iamboyboy

tomyhk141 發表於 2014-10-14 13:10
佔中已使社會分化，撕裂情况愈來嚴重，及早清場符合大眾利益!

社會本來就分化, 貧富兩極化, 香港堅尼系數不斷創新高.

點可以推落學生身上?

清場社會有冇分化?

請問九七前 香港堅尼系數有無咁高?

根本係政治制度出了問題丫嘛!

呢個就係學生這次運動的原因.

請不要倒果為因.

iamboyboy

tomyhk141 發表於 2014-10-14 13:10
佔中已使社會分化，撕裂情况愈來嚴重，及早清場符合大眾利益!

社會本來就分化, 係政府的政策造成, 不要推落學生身上.

iamboyboy

furama 發表於 2014-10-14 13:16
回復 iamboyboy #8 的帖子

689應該係缺德敗能，佢有能力，但全用在任何言語偽術，在UGL交易中收受收益，但 ...

透過與買家的枱底交易, 出賣股東的利益.

香港方面, 如果戴德梁行的前股東唔方便追究, 唯有問英國及澳洲的受損的公司, 會否採取法律行動.

simontonysoup

http://cablenews.i-cable.com/web ... .php?news_id=443110
每當有消息指佔中帶來負面影響時，
佔中者的反應就如樓主一樣：
話人講大話，
而不是去反思。
大律師公會一向不賣政府賬，是其是，非其非。
是極具公信力的團體，
連他們也指佔中行動已對市民造成過度損害與不便
一路蒙著眼話「無影響，無影響」的人，包括樓主，
又可如何回應呢?

巨大狗大

iamboyboy 發表於 2014-10-14 13:11
呢排好多報導都系假的, 例如, 689講過佔中搞到救傷車救唔到人, 連報紙都係咁講(夾定), 但有救護員出嚟講, ...

報導偏頗的 cctvb，不看也罷，睇 NOW 或 CableTV 會好 D。

yk8686

simontonysoup 發表於 2014-10-14 13:52
http://cablenews.i-cable.com/webapps/news_video/index.php?news_id=443110
每當有消息指佔中帶來負面影 ...

同佢講多都晒氣....選擇性失明....答唔到咪又開過新帖再吹過

build.gates

回復 simontonysoup #14 的帖子

師兄真係熱心....
我已經冇興趣再去理呢D無謂人喇,
總之一句講晒, 你話自己冇錯就唔好停,
繼續坐, 乜野事都千祈唔好影響你, 差佬拉人都唔好走,
殺埋班差佬佢, 飛機大炮原子彈炸到黎都千祈唔好走呀,
橫掂佢地呢D人就算留喺度只會阻礙香港同中國關係嘅發展, 唔死都冇用...
死幾多都唔大問題, 反而我覺得今日留呢班人喺香港係種下禍根.....     

各位無謂再袋錢入人地個袋喇, 等佢地自生自滅好過啦~~     

四台國際CEO

simontonysoup 發表於 2014-10-14 13:52
http://cablenews.i-cable.com/webapps/news_video/index.php?news_id=443110
每當有消息指佔中帶來負面影 ...

選擇性失明， 失聰

tuicho

四台國際CEO 發表於 2014-10-14 15:43
選擇性失明， 失聰

頂你個肺,我加simontonysoup兄既分就係講呢d

加完分行落d就見到你既回應

諗既野使唔使咁一致呀