教育局哀口多 !?

Topvision

太陽報專訊
http://hk.news.yahoo.com/%E5%BB% ... D%B0-223510018.html

【專案組報道】廣東話竟不是本港的法定語言？教育局網站一篇專欄文章，把廣東話列為一種非本港法定語言的中國方言。教育局自貶廣東話遭網民「鬧爆」，有網民直指當局文章說法與本港一直倡導的兩文三語政策背道而馳；有網民怒斥該文章混淆視聽；有人更發起「一人一信」行動，要求教育局局長吳克儉作出交代。

備受網民批評的專欄文章，來自教育局有關中、小學教育語文學習支援的網頁，其中第一段提到本港需發展兩文三語，而「雖然基本法規定中英雙語為本港法定語言」，但近百分之九十七港人，都「以廣東話（一種不是法定語言的中國方言）作為家居及日常交際的常用語言」。文中更指普通話是中國的法定語言。

指違兩文三語政策

有關文章在網上迅速被轉載，單在facebook已有逾千分享。有網民指當局說法有違兩文三語政策，亦有混淆視聽之嫌。網民Joe Mok促當局「唔好貶低廣東話」；Samuel Lai更斥「弱志（智）的嗎教育局？」有關注者更發起一人一信行動，要求吳克儉交代事件並公開道歉。

記者翻查資料，根據立法會秘書處一份「在訴訟程序中使用中文」的文件，內容列出司法機構的立場：「就中文此法定語文而言，口頭語通常是指廣東話，但亦包括普通話。」

香港家長聯會會長李偲嫣坦言，當局文章的字眼會引起混亂，令人懷疑「到底喺學校學廣東話係咪有問題」，建議當局刪去有關內容，關注者發起「一人一信」行動促教育局交代事件。就有關廣東話的爭議，教育局未有正面回應。

到底係佢講錯 ?  定係廣東話今日, 已經成為'非合法語言'呢 ?

文崇儒

廣東人講廣東話，聽唔明請你返鄉下。

假如吳克儉龜縮唔出黎解畫，明顯身有屎。

jj99

D 潛伏在 教育高局的 英美間諜  想攪事攪些議題，分化下社會者！

廣州講廣州話、 上海講上海話、 山東講山東話，咁都要管？

逗利是佛

回復 Topvision #1 的帖子

咁又上綱上線得滯,唔係''法定''語言啫,又無去到''非合法語言''咁誇

咁官方文件又確係唔會寫廣東話既.....例如''咁誇''.....官方中文都要寫''那麼誇張''喇

我哋廣東話特色係特別多口語,咁官式文件又確係唔會用那一類說法的咧

Topvision

逗利是佛 發表於 2014-2-2 10:27
回復 Topvision #1 的帖子

咁又上綱上線得滯,唔係''法定''語言啫,又無去到''非合法語言''咁誇

我明你想講咩...
所以我先至用'非合法'


因為講係非合法, 唔代表非法, 但已經係非合法

易服小天后

Topvision 發表於 2014-2-2 10:35
我明你想講咩...
所以我先至用'非合法'

係「非法定」而唔係「非合法」，講到廣東話好似踩鋼線咁

ke2006

So it means all the judges cannot speak Cantonese in court.
Stupid.

Topvision

易服小天后 發表於 2014-2-2 14:10
係「非法定」而唔係「非合法」，講到廣東話好似踩鋼線咁

咁要各人點去界定'法定語言'點解啦.....  只係單單四個字, 全無含意呀.... 就無問題

但係如果'法定語言'有代表著'合法性'意義呢呢 ?

假如'法定語言' 係存在'合法性'意義

咁不列入'合法性'語言, 又不至為犯法, 算唔算非合法呢 ?

Topvision

易服小天后 發表於 2014-2-2 14:10
係「非法定」而唔係「非合法」，講到廣東話好似踩鋼線咁

我就有多一個疑問啦....

如果廣東話今天已不在香港法定語言之內....  
法庭內證供, 係唔係需要請人先翻譯成法定語言呢 ?

mcjan

回復 Topvision #10 的帖子

內地政府一直想同化香港文化，第一件事係消滅廣東話文化！

Topvision

回復 mcjan #11 的帖子

個人睇法

根本無必要急住做依樣嘢....
時日過去, 自自會同化嫁啦....

mcjan

回復 Topvision #12 的帖子

師兄！吾係同化，係滅絕廣東文化，我從99年10年係內地工作，佢哋認為講廣東話全部係詐騙犯！

大聖

依家內地多人都講廣東話(內地叫白話,佢地話廣東唔係得一種話,我無咩所謂)
好多地方都有自己講開嘅用語,只係香港特別d,俾人標籤化
我識有d廣州朋友,佢地反而白話好過普通話

Topvision

回復 mcjan #13 的帖子

點滅 !?  你上上海, 又唔係大部份人講上海話 邊可能滅到

mcjan

回復 Topvision #15 的帖子

學校入面吾可以講，如果小朋友講，要家長去罰款，先可以接返屋企，D大人為咗怕罰款，以屋企全部講國語，以家有好多廿五六歲以下，都吾係好識講啦！

易服小天后

Topvision 發表於 2014-2-2 18:22
咁要各人點去界定'法定語言'點解啦.....  只係單單四個字, 全無含意呀.... 就無問題

但係如果'法定語言' ...

你要明白「法定語言」有絕對定義，唔係相對。

法定語言係指政府以該語言作公布法令，解釋法律；並且普遍通用。

法定語言會孖埋文字，法定語文。中國咁多方言，但以白話文為通用。

易服小天后

mcjan 發表於 2014-2-2 19:36
回復 Topvision #12 的帖子

師兄！吾係同化，係滅絕廣東文化，我從99年10年係內地工作，佢哋認為講廣東話全部係詐騙犯！

非法定語言不代表使用該語言者有罪，只係該語言無法律地位，你冷靜d啦。

易服小天后

Topvision 發表於 2014-2-2 19:55
回復 mcjan #13 的帖子

點滅 !?  你上上海, 又唔係大部份人講上海話 邊可能滅到

今時今日根本無可能消滅一個語言，你話好似琉球人比日本用軍事征服成百幾年，當時d人仲要純品到任人捽，今日先有9成幾人唔識琉球話；今日d人仲會任你魚肉？

即刻插爆政府啦

hkpkboy

   回復 Topvision #1 的帖子

教育局已收回有關言論及道歉