新嘗試-光波孜然火雞翼

alexGTR · 發表於 2014-1-6 01:38:51

本帖最後由 alexGTR 於 2014-1-6 12:31 編輯

各位師兄好，又係我，今日會做個新嘗試，因為前幾日係凍肉舖買咗幾隻火雞翼，頭痛緊點煮嘅時候，忽然俾我諗到土匪雞翼嘅做法，當然，整好後土匪雞翼緊係唔會咁大隻啦！

材料：
火雞翼3隻

調味料：
雞粉，胡椒粉，廚酒，麻油，糖，生粉，孜然粉，蒜鹽，椒鹽，老抽，芝麻。

做法：
好簡單，先揾一個大嘅兜，將火雞翼放入，然後將調味料適量加入，因為有兩種鹽嘅關係，所以要落返多少少糖，最後將老抽加入（較色用，不須太多），除芝麻及孜然粉外，調味大概半個鐘，就可以入光波爐。

先放一個蒸架喺爐底，再放火雞翼上去，當放咗入光波爐後，就要落多2樣調味料，就係芝麻同孜然粉，因為加埋呢兩樣調味料，就可以開始焗，每邊焗20分鐘，要反轉焗。如圖。

當焗起上碟嘅嘅時候，孜然粉獨特嘅香味係好香，好似喺大陸食羊肉串嘅香，當然，呢個火雞翼當然皮堅肉硬，如圖。

所以下次唔好亂試新嘢，用返普通雞翼穩陣D！

不過都可以當做一個新嘗試，希望各位中意！