沒罪者請先擲石

shotgun

新.東方 發表於 2013-11-13 14:10
我覺得...
公眾有無認為HKTV及其老闆是神明, 唔可以肯定, 但亦唔可以否定
但係唔係全心同單純只想要一個有創意免費電視娛樂, 我認為更加難以評定

即使有,起碼我不認為用基督徒的Level作比喻是恰當的.
市民亦没理由對一個免費電視台作金錢上的奉獻.
而原因還是因為政府的一個不透明兼理據不明確的决定.
如果政府能拿出証據説明做得有理,根本不容牛鬼蛇神說三道四.
我相信大部份香港市民還是精明講理的.亦不會引起這場無謂的風波.

新.東方

shotgun 發表於 2013-11-13 15:02
即使有,起碼我不認為用基督徒的Level作比喻是恰當的.
市民亦没理由對一個免費電視台作金錢上的奉獻.
而原 ...

逐句回...

"沒罪者請先擲石"雖然係聖經故事, 但其實係講緊一個道理...
就係你去指控其他人之前, 要先諗下自己有冇過失同責任...
我唔覺得筆者係要刻意同宗教拉上關係...

市民當然沒理由對一個免費電視台作出實際金錢奉獻
但我覺得筆者既意思唔係實際金錢奉獻
而係唔好一邊自己不停以盜版去打擊創意工業既同時, 又大喊別人打擊創意工業...

政府今次係唔係一個不透明兼理據不明確的决定,
同呢篇文章既主要內容無直接關係,
重覆, 我覺得筆者既主旨係講緊
當去指控其他人之前, 要先諗下自己有冇過失同責任...
亦即係我開首所指
"究竟電視質素無提升, 係邊個既責任??
電視台當然責無旁貸, 咁受眾又如何呢? 咁市民又如何呢? 咁你又係如何呢..."

至於牛鬼蛇神說三道四...
可悲既係, 現時既香港, 反對派係無所不用其極, 不論政府講咩做咩, 都一定要反對...

唔...大部份香港市民受過教育,
我都相信係精明講理...
不過有時已經某D人同傳媒耳濡目染,
連呢場風波是否無謂, 都已經不去弄清楚/不分黑白了...

Bippwin

Kick Off 發表於 2013-11-13 14:55
鄭生果台撐得好辛苦, 希望多啲人肯俾錢支持網上電台

撐？
咪即係冇市場？
咪即係浪費有限資源？
咪即係唔應該發牌俾佢？

人哋呃飯食，你就驚佢唔夠飽．
叫小市民將啲血汗錢，奉獻俾呢啲大鱷？

收到五百萬捐款，就使足五百萬？
佢哋咁清高，點解冇律師行免費幫佢打官師？
仲要差唔多啱啱好使哂．

我真係唔知啲捐款者諗緊乜？唔通佢哋嘅生活質素真係好得咁緊要？
自己駛唔哂，要送啲俾大班使？

谷村富郎

Bippwin 發表於 2013-11-13 15:30
撐？
咪即係冇市場？
咪即係浪費有限資源？

只要您係名咀又肯狂吠政府,瘋插狗官,罵出個名堂來,就自自然然大把港人送錢來撐您,仲要勸埋其它人來撐您。
撐港府或中央冇錢收,就算有都係只得五毛錢,呢！呢！罵就唔同啦,有五百多萬,發達啦！

Kick Off

Bippwin 發表於 2013-11-13 15:30
撐？
咪即係冇市場？
咪即係浪費有限資源？

鄭大班由有牌電台結果變成網上電台冇收入, 來龍去脈係點, 成件事已經上晒枱, 唔使我再解釋
大家可以用自己對耳去感受吓值唔值得支持, 事情就係咁簡單

你話佢呃飯食, 你有証據就登出黎
乜野叫做我驚佢唔夠飽, 叫小市民將啲血汗錢，奉獻俾呢啲大鱷,
你係咪認為我喺到呃人錢, 如果你有証據的話, 唔該攞埋出黎
否則請你收番你所講既野

天機

沒辦法....昨是今非

shotgun

新.東方 發表於 2013-11-13 15:17
逐句回...

"沒罪者請先擲石"雖然係聖經故事, 但其實係講緊一個道理...

1.政府今次係唔係一個不透明兼理據不明確的决定同呢篇文章既主要內容無直接關係...
没錯,勞先生不是想講這個,我只是回覆你十九樓,順便發表意見而巳...

2.呢篇文章想說的是...沒罪者請先擲石...其實係講緊一個道理....没錯
你去指控其他人之前, 要先諗下自己有冇過失同責任...
唔好一邊自己不停以盜版去打擊創意工業既同時, 又大喊別人打擊創意工業...
是在説明同一件事...道理亦是對的.

但勞先生是引用這個聖經的說法,要求五萬名聚集政府總部及立法會外的群眾「盜版」基督徒的十一奉獻，每月拿十分一收入繳付收費電視費用，為「香港電視」融資搞收費電視.....

那五萬人 全是 不停以盜版去打擊創意工業既同時, 又大喊別人打擊創意工業的人?
說公義的人 就是指控其他人之前, 冇諗自己有過失同責任的人?

用基督徒的十一奉獻 "一竹打哂""大哂" 所有人我就覺得不太恰當了..
况且這次支持免費的創意電視台以外,最重要抗爭的不是發牌与否,不是説政府打擊創意工業与否.
而是發牌的依據不明才會有這麼多人出來吧!!!!!!
有港視員工,有影視創作從業員,有守法熱心市民吧!!!
或是他們全是牛鬼蛇神或全部儍仔受着牛鬼蛇神擺弄才出現的?

umemaro3d

其實都係想多一個免費娛樂選擇啫....

新.東方

shotgun 發表於 2013-11-13 17:30
1.政府今次係唔係一個不透明兼理據不明確的决定同呢篇文章既主要內容無直接關係...
没錯,勞先生不是想講 ...

算了吧...
但講真, 我都真係唔信係香港地, 有邊個中年以下人士無做盜版行為...
簡單如上YOUTUBE睇返D舊電影都已經係以盜版去打擊創意工業

shotgun

新.東方 發表於 2013-11-13 18:08
算了吧...
但講真, 我都真係唔信係香港地, 有邊個中年以下人士無做盜版行為...
簡單如上YOUTUBE睇返D舊電影都已經係以盜版去打擊創意工業

有既梗系算啦!我都系今日得閒呻下討論下姐

kinsoncc

shotgun 發表於 2013-11-13 17:30
1.政府今次係唔係一個不透明兼理據不明確的决定同呢篇文章既主要內容無直接關係...
没錯,勞先生不是想講 ...

社會上總有一班人喜歡以混淆視聽, 或者偷換概念的方式去替政府護航.

shotgun

kinsoncc 發表於 2013-11-13 18:19
社會上總有一班人喜歡以混淆視聽, 或者偷換概念的方式去替政府護航.

一樣米養百樣人,何况香港貢多種米

谷村富郎

之所以有這班替政府護航之人,就是因為:
社會上有一班人平時總喜歡以;不問對錯,斷章取義,抹黑做假的方式來阻撓政府正常施政。

Bippwin

Kick Off 發表於 2013-11-13 17:05
鄭大班由有牌電台結果變成網上電台冇收入, 來龍去脈係點, 成件事已經上晒枱, 唔使我再解釋
大家可以用自 ...

值唔值得支持就見人見智，問我嘅話，就答唔值得。
係咪呃飯食又係見人見智，你覺得值，你咪覺得佢唔係囉。
証據？乜你講嘅嘢又有證據咩？

你嫌你自己嘅錢多得滯，要分啲俾大班使，係你嘅權利。
係香港，冇申請係唔可以募捐嘅，你勸人捐就已經係唔啱。

賬面籌到五百幾萬，就使哂五百幾萬，呢個係事實。
如果係公義？律師行點解收咁貴？
以大班嘅人面，以電台嘅知名度，點解冇律師免費幫佢出手？

大班係呢個電台賺咗幾多？做乜佢唔係自己出錢打官師？
自認值得捐嘅，我講嘅嘢亦聽唔入耳。
睇哂前因後果，覺得唔抵嘢，我講唔講都會覺得唔抵。

呢個電台，我從來冇聽過。
覺得呢個電台有存在價值嘅，自己成日聽嘅，冇咗佢唔得嘅。
就應該捐。
覺得個電台冇料到嘅，呃飯食嘅，嫌佢嘈住哂嘅。
就緊係唔應該捐啦。
望都望佢早啲執添呀。

乜呀？你叫人捐就得？我叫人唔好捐就唔得？
香港地，呃飯食係冇罪嘅，有邊個唔係呃兩餐飯食？
但係，佢大魚大肉仲要向啲小市民募捐？
你咪自己捐到夠囉。

shotgun

谷村富郎 發表於 2013-11-13 18:43
之所以有這班替政府護航之人,就是因為:
社會上有一班人平時總喜歡以;不問對錯,斷章取義,抹黑做假的方式來阻撓政府正常施政。

谷村兄long time no see
不問對錯,斷章取義,抹黑做假的方式來阻撓政府正常施政..
不問對錯,斷章取義,抹黑做假的方式來替政府護航...
兩種都有啦.

bigfatdog

香港乜嘢都政治化
政治化已經演變成為香港的核心價值兼本土文化

Bippwin

係香港，
一個政棍指住個政府官員話，
你哋邊個覺得佢有罪，就出聲罵佢啦。
有邊個政棍敢唔出聲罵？
一個唔覺意，罵遲咗，罵得輕咗。
都即時會俾其它政棍圍政，罵佢同流合污，罵佢係狗，罵佢都有罪。

好彩依家仲係罵吓啫，如果係擲石？
多多政府官員都唔夠死呀。

manhung

香港人....認真..就輸了

porter69

真係集資到幾億又點？依家係正苦唔發牌，收費定免費都冇份。

pang1100

Bippwin 發表於 2013-11-13 19:08
係香港，
一個政棍指住個政府官員話，
你哋邊個覺得佢有罪，就出聲罵佢啦。

現今已經唔係啦----好彩依家仲係罵吓啫，如果係擲石？多多政府官員都唔夠死呀。
如撞船事件, 已上升到要海事處的相關人士, 負刑事責任
遲D, 撞車死人, 一概車廠相關人士, 人/車牌照相關人士, 起路相關人士, 驗車相關人士, 都要入去'踎'
政棍指住邊個相關人士, 相關人士就要'一死以謝天下'