200高鐵地盤工人罷工

hkpkboy

200高鐵地盤工人罷工
  
葵涌昌榮路高鐵地盤承建商禮頓發出通告，工人遲到5分鐘將扣半小時人工，遲到15分鐘將扣一小時人工，而提早出閘亦會被扣除一小時人工，工人不滿承建商做法，今早7時發起罷工。現場約有200名工人參與。

有工人指地盤新任主管強逼工人在工作地下管道內用膳，又強行要工人加班。

高鐵走線在荃灣區區界內，將經過油麻磡村、打磚砰村、上葵涌村、象山邨、三棟屋村等區域的地層；在葵青區，走線主要經過青山公路地底，高鐵項目將於永業街興建通風設施。

7k7k

x頓...9乜工程呀

首石頭

回復 hkpkboy #1 的帖子

全數户外工人有幾多?佔百分幾呀?

patrickchui2001

咁樣做只會揾到勞資雙方關係惡劣，最後兩敗俱傷。對解決整件事，毫無幫助。
姑勿論誰是誰非，千祈唔好再揾李X仁插手！拜託！

dingdum

hkpkboy 發表於 2013-8-26 18:18
200高鐵地盤工人罷工
  
葵涌昌榮路高鐵地盤承建商禮頓發出通告，工人遲到5分鐘將扣半小時人工，遲到15分鐘 ...

迫工人走上罷工之路. 有咩好處喎, 工程公司及承建商要反思及改善啦.

winner20099

回復 hkpkboy #1 的帖子

世界上冇有公理,只有單方面指責,資方應盡旱講清楚發生什麽事情,讓大家釋除疑慮

bbarying

兩睇啦

打工仔都認為
遲到係應該既
做乜要扣錢

老板們都認為
叫人加班係應該既
衣家無補水比你咩

hkpkboy

ninetenfortytwo 發表於 2013-8-27 00:19
兩睇？做騎牆派呀？扮中立你就最叻！不分是非，助紂為虐，就係你嘅本質！
根據勞工法例，遲到扣錢只可以 ...

葵涌高鐵地盤於晚上結束罷工，工人代表、資方及勞工署談判後，工人接受資方開出條件，夜間工人現已進入隧道工作、日間工人將於明早復工

資方回應工人訴求：
（一）公司將取消不合法的遲到罰則
（二）工人享有一小時上地面膳食，並能彈性上地面休息
（三）公司承諾改善地盤設施，如冷氣貨櫃
（四）公司表示將來按工種實況加薪，由5%-10%不等
（五）資方承諾把不尊重工人的管理層調走

罷工過程：
今早罷工爆發，全日的談判有兩次，下午資方開出的條件為調走外籍高層、取消遲到罰則及提出加薪方案，工人拒絕。到了第二次談判，資方提出讓工人能返回地面吃飯及改善設施，工人最終接受，同意復工。

罷工性質：
今次的罷工並非被動的追討欠薪，而是主動爭取，要求撤回不合理不合法的罰款條文，以及爭取改善職安健，要求擁有人道的工作環境。在與師傅溝通之中，不難聽到要重奪尊嚴的看法，他們大多要求改善工作環境，是一種意識提升。今天到來聲援的團體包括街工、社會主義行動、土地正義聯盟、中大左翼學會、左翼廿一、菜園村村民及個別市民，晚上有碼頭兄弟表示欲明晚將到場聲援，短時間內獲得的互相支援實屬不少。

bbarying

ninetenfortytwo 發表於 2013-8-27 00:19
兩睇？做騎牆派呀？扮中立你就最叻！不分是非，助紂為虐，就係你嘅本質！
根據勞工法例，遲到扣錢只可以 ...

我擺到明不分是非，助紂為虐

而家資方開出的條件，工人接受，同意復工
咁有冇工人作出承諾
返工唔會遲到？

有冇？

我就在這裡

回復 hkpkboy #1 的帖子

白痴人事部.....勞工法例指明...缺勤只能按時間比例計算...
咁ge手法....抵炒!
咁都得....第日勞工無咁緊張時...米遲一分鐘扣半日人工都得

watsons

2015年無法通車
你唔讓工人出來透氣
都唔會加快

四台國際CEO

hkpkboy 發表於 2013-8-26 18:18
200高鐵地盤工人罷工
  
葵涌昌榮路高鐵地盤承建商禮頓發出通告，工人遲到5分鐘將扣半小時人工，遲到15分鐘 ...

今次我幫工人啦,
係隧道裹面食飯,
都痴痴地,
叫個老闆落0黎食返3,5,7餐體驗吓先啦

Bippwin

bbarying 發表於 2013-8-27 04:08
我擺到明不分是非，助紂為虐

而家資方開出的條件，工人接受，同意復工

返工係有權遲到嘅．
老細有權跟比例扣人工，但係唔可以扣突．
亦可以因為佢成日遲到，影響工作進度而炒佢．
工人係有權唔加班嘅．
老細冇權因為工人拒絕加班而炒佢，不過，求祈搵個其它理由好應該好容易啫．

oc1234

香港地，MTR 判給x頓，不知道D工人重有冇再判上判？

bbarying

Bippwin 發表於 2013-8-27 10:21
返工係有權遲到嘅．
老細有權跟比例扣人工，但係唔可以扣突．
亦可以因為佢成日遲到，影響工作進度而炒佢 ...

1.口頭警告
2.書面警告
3.三張警告信後請你自動消失

唔駛扣人工，唔駛補你通知金
不用一個星期，那些返工日日都遲到的人個個準時返工

Bippwin

bbarying 發表於 2013-8-27 13:02
1.口頭警告
2.書面警告
3.三張警告信後請你自動消失

講笑咋啩？
警告信代替代通知金？
合唔合法架？
遲到係人權嚟架！
代通知金係勞工法？
有邊條勞工法唔俾工人遲到？
有邊條勞工法話丁以因為遲到唔俾代通知金即炒？
ｂｂ兄緊係做慣管工，唔習慣睇勞工法例．

denniscys

我幫工人 also

bbarying

Bippwin 發表於 2013-8-27 13:12
講笑咋啩？
警告信代替代通知金？
合唔合法架？

講得啱,法例並無唔比人遲到
但勞工法也表明員工犯錯令到公司有損失是可以給予警告或解僱的

一個經常遲到嘅人
令公司營運受到影響
甘算唔算令公司有損失？
對於那些盡忠職守返工準時的員工
有一個經常遲到嘅人而令到團隊士氣受損怨聲載道減低工作效率
甘算唔算令公司有損失？
若一個口頭警告加三次書面警告
都仍沒改善衣然故我
證明此人無視自己的行為給公司所帶來的影響
咁你話炒唔炒得？

如果師兄仍認為遲到係應份既
同埋一間公司應容許每一位員工都遲到既
咁我都係返火星好了

Bippwin

遲到係可以扣人工，唔會直接令公司有損失，公司係冇權向遲到員工索償嘅．
唔滿意員工表現，可以依足勞工法例炒佢，法例係一個月通知或補水．
冇任何法例話公司可以將損失入遲到員工數，可以唔補水即炒遲到員工．
冇針對性法例嘅話，就要依一般勞工法例做．

記住，遲到係員工嘅自由，跟勞工法例做嘢係老細嘅責任．
警告信又點啫？出律師信都係咁話！都係要跟勞工法例做嘢嘅啦．
唔想員工遲到引致損失？問吓保險公司受唔受？

員工遲到？冇人叫你忍，補水炒佢囉．
仲有，試用期內係可以唔補水即炒嘅．
唔滿意，咪打工囉，可以遲到架．
做老細？返火星都冇用，全宇宙都係咁嘅法例．

對準時返工嘅員工唔公平？
你唔識加啲表現好嘅員工嘅人工嘅咩？
表現咁好都冇人工加，咁至真係唔公平．
幫你搵咁多錢都冇啲獎勵，唔怪得啲員工冇心機返工，成日遲到．
幫你賺少咗就話損失，賺到嗰陣，你係咪同啲員工對分？