斯諾登獲得瑞典提名和平獎

谷村富郎

在雅虎讀到的原文:美國中央情報局前僱員斯諾登敢於揭露美國政府的大規模監控計劃，獲得瑞典于默奧大學（Umea University）社會學教授斯瓦爾福什（Stefan Svallfors）讚賞，認為他勇氣可嘉，已去信挪威諾貝爾委員會，提名他競逐明年的諾貝爾和平獎。如果30歲的斯諾登獲頒和平獎，將是最年輕的得獎人。

斯瓦爾福什日前致信挪威諾貝爾委員會，信件內容隨後刊登在瑞典報章《Vasterbottens-Kuriren》上。信件讚揚斯諾登犧牲小我，捍衛公義，令世界變得更安全及更和平。

斯瓦爾福什同時指出，提名他是為了表揚捍衛基本權利和自由的個別人士，並希望挽回和平獎因2009年頒給美國總統奧巴馬而失去的一些尊重。

不過，由於斯瓦爾福什在今年2月1日後才提名斯諾登，已過了今年度諾貝爾獎項的提名期，因此他只能競逐明年和平獎。

但由於挪威計劃拒絕斯諾登提出的政治庇護申請，相信即使他獲獎，亦不可能親自前往奧斯陸領獎。

作為于默奧大學教授，斯瓦爾福什有資格向諾貝爾委員會作出提名。
記得之前斯仔案件剛爆,此間兄弟熱烈討論,當時佛兄有戲言謂:如果頒個獎俾佢,美政府就很難再捉拿他了。想不到果然是料事如神,暫雖未成事,但有西歐國家提出,無疑再在美國政府面上再打一響亮的耳光,越來越難搞。美國竊聽西歐盟國,令當地官民反感,到此地步;看來華府最好求神拜佛望斯仔平安大吉,身壯力健,萬一他出事,最大嫌疑犯是美國佬,到時跳落密西西比河都洗唔清。

bigfatdog

若斯諾登真的獲得諾貝爾和平獎
真真正正打左尾角一大巴

lawson.

爆料咁少事
根本唔值攞
如果佢都攞我
我會覺得之前的得奬者好唔抵

谷村富郎

bigfatdog 發表於 2013-7-15 18:37
若斯諾登真的獲得諾貝爾和平獎
真真正正打左尾角一大巴

俄國佬向以奸狡出名,現普京揸住隻好牌,可能會用到盡,謀最大之外交利益,美國佬頭癢。

補充內容 (2013-7-15 19:06):
話時話;我平時都覺得和平獎都係搞笑多過實際,連奧巴馬都得,而家搞搞吓搞到自己友,都算公平,不過等佢真正得獎先講啦！

tuicho

未必會比呢個獎佢
因為佢地可能會怕得罪美國
就算比斯仔攞到又點丫
美國佬係唔會理其他人甚至唔放其他國家在眼內
美國一樣要拉斯仔,唔會理佢所謂既公義
美國只會識指控其他國家既人權
美國就算侵犯人權都係正確
呢個就係美國既所謂人權

逗利是佛

回應 谷村富郎 #1 的帖子

十劃都未有一撇,米國一定會發功阻止的,祝佢好運啊

谷村富郎

tuicho 發表於 2013-7-15 19:07
未必會比呢個獎佢
因為佢地可能會怕得罪美國
就算比斯仔攞到又點丫

瑞典提出的此事,其意義我看並不在斯仔得不得到獎,而是將美國佬一軍，在國際上將此事件提升到一個更高境界，等於中國的維權份子一樣，當權者想動他也比較有所顧慮。

tuicho

谷村富郎 發表於 2013-7-15 20:35
瑞典提出的此事,其意義我看並不在斯仔得不得到獎,而是將美國佬一軍，在國際上將此事件提升到一個更高境界 ...

斯仔仲有更大鑊既野未爆出來
斯仔講到明如果美國暗中隊林佢或者拉左佢
佢就會引爆令美國更大既危機

你估下係乜?

winner20099

回應 谷村富郎 #1 的帖子

斯諾登先生應受各國人民敬重,拿和平獎是實至名歸

watsons

唔駛想
奧巴馬都有
就知和平獎買美國佬怕

谷村富郎

henryyu 發表於 2013-7-15 20:44
諾貝爾獎淪落到此？

或者您用淪落一詞都未嘗不可。因為它早就淪為一種國際間之政治鬥爭工具。

made_in_HK

回應 谷村富郎 #1 的帖子

值唔值不是問題, 主要的一點是事實美國地位在世人面前越來越低.  瑞典提名斯諾登僅僅是一些和平方式叫美國食蕉.

tor524e

其實教授只是想上報紙

tuicho

ninetenfortytwo 發表於 2013-7-15 22:31
回應谷村富郎：你似撩交嗌多過討論。

你自己道理說不過人，講嘢自相矛盾，不能自圓其說，畀人窒到口都啞， ...

谷村富郎邊一句係鬧你,點解我仲未搵到佢鬧你果句?我都想知邊一句,請告之
如果有,我會向這區版主投訴谷村富郎並要求處罰谷村富郎

1000year

回應 谷村富郎 #1 的帖子

其实就算斯诺登意外死亡又如何？政治的黑暗往往是超出一般人想象的。而且美国人的窃听，早就不是新闻了

逗利是佛

ninetenfortytwo 發表於 2013-7-15 20:56
你唔係反對人犯法咩？點解你咁想斯諾登攞和平奬？自相矛盾！

點解閣下會將犯法同攞和平奬掛鈎??

之前有過咁多和平奬得主都犯過法、坐過監,點解閣下認為犯法同提名、攞奬要混為一談呢??

點解他人的了解會令閣下困惑呢??

點解他人的明白會令閣下不解呢??

點解閣下認為交流務必要以''窒人''為本??

閣下總是問完又問,本座不會認為閣下的所有問題都是 non-sense 的, 但這種不斷問長問短的手法這裡很多人都懂,但大家都唔會做這樣的事,如果閣下覺得這是有意思的話,請也不吝回答一下本座上面的問題,慢慢打,唔使急。

yankwong

美國侵犯人權,雙重標準,和平獎有利走佬特工安全,
對提供保護佢國家站在道德高位減少美國壓力,
提名佢已經幫到佢證明國際社會企佢一邊,

谷村富郎

made_in_HK 發表於 2013-7-15 23:11
回應 谷村富郎 #1 的帖子

值唔值不是問題, 主要的一點是事實美國地位在世人面前越來越低.  瑞典提名斯諾登 ...

又一次証明住玻璃房子的人不要亂扔石頭。
美國最終嘗到了類似中國反政府份子"保外就醫"那種苦頭。