有問必答帖

kingkow

回應 巴拉飛 #56 的帖子

其實貴唔貴並不由投資者於IPO時決定。最終必須要經過自由市場買賣先可以得出真正的內在家值。

到現在為止，1339比上市價還高出30%左右，貴還可以再貴。

kingkow

Fxxku141 發表於 2013-2-27 17:21
Ching 992聯想集團 長揸點睇？仲有力上嗎?

992畢竟係數一數2的龍頭股（如果撇除tablet計）。我們還不可以將所有tasks轉化在tablet上。長揸必有SO，但當然有大調整先可以入貨。不要忘記佢有中國政府的支持和還未開發的外國市場噢

kingkow

Fxxku141 發表於 2013-2-27 17:21
Ching 992聯想集團 長揸點睇？仲有力上嗎?

992畢竟係數一數2的龍頭股（如果撇除tablet計）。我們還不可以將所有tasks轉化在tablet上。長揸必有SO，但當然有大調整先可以入貨。不要忘記佢有中國政府的支持和還未開發的外國市場噢

kingkow

回應 Fxxku141 #59 的帖子

2600畢竟還是在恆生指數裡，有一定程度的炒賣用途。我建議（如果識用期權的話，如果不懂就算了）開short call出貨，如果出不了貨就當作收息計。如果不懂期權，又怕沽出後開車，那可以先行減倉再買2800，收息和capital gain回本。管理層質素....無言

至於2038，我諗求其一隻名家股份都會比佢好。內地廠一間往外國銷售，fixed margin，人仔升值，fixed customer，冇bargaining power都係呢間公司未來幾年的死穴。仲要係無機會再炒上因已經不屬於恆生指數內。

Fxxku141

1055 & 670 點睇？仲有力上嗎?

見性成佛

回應 Fxxku141 #58 的帖子

八字波，992 聯想乃雞肋

非少看中國人在 PC 巿場拿了第一的能力，只是鄙人懷疑 992 是否在眾先行者轉身時它卻奮進正在衰退的產品

先不講 992 早些年買 IBM 個人電腦業務，拖垮自己幾年利潤的笨實行為

就講這幾年 992 努力實現多元化巨頭，想成為中國 Sony 的失敗

開發其他產品卻雞過人，如多媒體電視，籮 pad (Lepad)，仲有個 Lephone，更有似是而非的綠動機，R&D 高企卻研出個鳥來，最後還是吃老本靠本土 PC 銷售

遺憾的是，PC 銷售毛利越低而 992 未能成功擴展其他業務，故鄙人看其只是明日黃花而已

King Sir 講中國政府支持是對的，那是這隻肥腫難分的怪物能存在的原因，那一天 992 電腦賣唔去，國務院來個一學生一電腦計劃，隻野分分鐘火箭發射射死淡友啦

呢隻野鄙人心目中只值 HK$4，HK$2 有閒錢才買黎坐，但決不沽空不和阿爺對著幹

補充內容 (2013-3-2 13:19):
閣下如果用 Samsung tab 同 macbook 都唔考慮用更平價錢買入 Lenovo，亦不發現 Lenovo 有何優勢，那根本不用考慮它

投資點子從生活找，何需複雜呢？

kingkow

Fxxku141 發表於 2013-3-1 11:54
1055 & 670 點睇？仲有力上嗎?

我一直都唔睇好任何航空股。經濟好油價高企，經濟差物流生意差。高資本開資，人工上漲速度快。用期貨保障油價係唯一出路，但一子錯，滿盤皆落索。

1050/670/753一直都係國內航空業的霸王，並唔係因為佢地有過人之處，而係政府一直都不給予外資分一杯羹。股價大波好玩，但並不真正反映公司狀況。

kingkow

kazafbui 發表於 2013-3-3 21:28
買金買咩金好?
邊間行 ..有保證?

買金要買實金／白金，唔好買銀行嗰啲黃金紙，仲衰過窩輪。

我地全世界由70年代開始已經充斥着通貨膨脹的紙幣。以前嘅一蚊已經唔可以再代表現在的一蚊。所以資產組合裡必須有黃金的成份。

金有幾樣好。唔可以複製，世界流通，可以等價交易，易於分割，便於攜帶，不易變質。

去邊買？可以去金行買金幣或金條。

Yim

kingkow 發表於 2013-3-3 22:52
買金要買實金／白金，唔好買銀行嗰啲黃金紙，仲衰過窩輪。

我地全世界由70年代開始已經充斥着通貨膨脹的 ...

師兄建議如果買金要實金, 而不要買紙黄金. 小弟想知道所謂紙黄金不是做孖展那種, 而是真金白銀買了放在戶口裏, 其實和實金有甚麼分別.
記得白銀在美金10幾元的時候, 孫柏文也建議買白銀, 後來白銀果然升到最高40多元, 他也是建議要實銀, 而不要買紙白銀, 小弟當時也有問何解, 他祇是支吾以答, 到現在小弟還是不明其中道理, 希望師兄為小弟觧答疑難.

kingkow

回應 Yim #71 的帖子

唔可以複製，世界流通，可以等價交易，易於分割，便於攜帶，不易變質。

呢啲都係由古代開始到而家金嘅優勢

講一個舊屎嘅故仔，聽完之後你應該會有衝動去將成副身家買哂金。

很狗很狗以前，島上有個好狗嘅金庫主人，佢負責看守一個金庫。金庫嘅存貨都係客人嘅deposit。每有客人想deposit金，佢就會將金存放在金庫內而開出存款收據。佢所發出嘅存款收據就理應係等如佢今庫嘅存貨。佢嘅收入本身就應該等如custodian fee。

有一日佢見都好多人想借錢但苦無出路，突然諗到無可能大家都同一時間攞金走，所以就印多咗存款收據借出去比人週轉。呢條絕世好橋又唔使錢，自己信譽又好，又可以收返多啲借款利息，何樂而不為？

之後貸款生意越開越多，開始越多人唔信點解有咁多deposit slip但好似金存貨無咁多，紛紛去金庫睇下自己存貨有冇少到。當然自己啲貨梗係無問題啦。於是，貸款生意越做越大，錢嘅流通量越黎越勁。

有啲醒目仔知道中間原因，就自己又照板煮碗咁開分店。越開越多間。出面唔係金庫嘅industry都可以接納deposit slip呢種工具而因為佢並唔稀有，所以商品價格以deposit slip黎結算也一路上升。政府開始知道問題嘅嚴重性，所以勒令所有金店要聽政府支笛，唔可以濫發 deposit slip。自己就開一間叫中央金庫control市面留通量。

到了當經濟不景氣，政府就整個deposit slip QE出黎振興經濟，當經濟好嘅時候，政府就印多啲deposit slip出黎比存款利息黎抑制流通。

成個故仔，金庫數目，存款都上升，但唯一無變嘅係金嘅數量。咁呢覺唔覺得銀行根本係現實中嘅合法騙子，而呃緊你嘅工具就係萬惡嘅貨幣？你仲會用銀紙嗎？

PS 見佛兄如果你路過，比下comment。我唔係太識講故仔

kingkow

回應 kingkow #78 的帖子

紙黃金／白金同貨幣都係同一樣野。前者正係銀行發行嘅deposit slip，後者只係政府發行嘅。同一個騙案，但只是不同的騙子

lim20042011

PLS COMMENT THE FINAL RESULT OF 410

見性成佛

回應 Yim #1 的帖子

Yim 兄,

若看好一件東西，閣下會考慮買實實在在的貨？還是一紙票據？這就是實金和紙金的分別

買實金有一定門鑑限制，而其炒味亦不如紙金高

至於紙金，那是銀行發的一紙票據，如銀行發票據而沒有因應買家增加作出實金增持，那是看空黃金的所為，在黃金狂升時，銀行可能真會輸到破產，那時將如 King Sir 所言

不過，黃金能否抬頭，除了看銀紙泛濫，亦要看息口，地緣政治等問題，更重要是歐美政府這班大莊家，看看曾炒爆白銀的亨特兄弟下場就略知一二了

鑑於經濟回暖而息口有上調跡象，加上股巿重新估值，鄙人在早兩個月已盡平實金投資，近日友人好心睇圖分享，和鄙人得出結論如下

之前最炒得係因為央行印錢，局勢又動盪

上次北韓射個衛星上去唔升我已經覺得有個細頂

跟著股市氣氛回暖，又引左錢入去，又覺得經濟同政治開始見底無咁動盪，所以在 163x 沽左手實金

你睇佢幅圖係隻慢牛黎既，呢種走勢唔應該大跌，往後一輪應在 1500 +/-100 左右波動，如果到千三入得過的，到一千買黎長渣，但幾年內應跑輸其他野，尤其係美央行帶頭加息時

至於股巿，則是

專注股市算

一加息，唔少樓同貴金屬都要悶 / 跌

成個股市 PE 會變低，變相睇少 d 恒指股，專心找一二三線股

補充內容 (2013-3-6 23:21):
因金牽涉因素太廣，故只能和友人用萬能的技術分析講解一二，對面高手們見拙了，莫怪﹗

Yim

回應 見性成佛 #75 的帖子

首先多謝Kingkow兄和成佛兄對小弟的疑問作出詳細的解釋.
其實小弟對於金或銀的投資興趣一向不大, 在過去30多年來, 曾經有段時間更相信"10年黄金变斕銅". 但在金融海嘯之後, 各國大印銀紙, 所有資產都变得更有價值, 尤其是貴金屬. 如果撇開銀行和政府的騙子行為不談, 祇要銀行和政府不消失, 我相信實金和紙黄金的價值是均等的, 更何况在現實世界裏, 我們也很難回到以物易物, 或以黄金作本位的年代.
至於對黄金的看法, 小弟認為黄金始終是一種週期性產品, 尤其在通漲時期發揮作用, 在沒有第二樣代替品之前,是有一定存在價值.