應否有資産查?

op1b · 發表於 2012-11-3 21:59:48

本帖最後由 op1b 於 2012-11-3 22:05 編輯

回復野狐狸 #24 的帖子

重複25樓

唔固執, 會申報果班, 都食緊綜援啦.... 多2000蚊用, 咪係锦上添花

勁固執, 死都唔申報, 咪依然食自己.  綜援都唔伸請啦, 又何會去申請依2000

如果成個project都係為咗锦上添花, 而唔想雪中送炭.  不如唔好搞啦......

如果有需要, 但係性格又硬係要鑚牛角尖咁係個人問題 <--- 當然係佢個人問題啦, 但依樣都係正正係老人問題所在囉..... 佢係佢地有問題, 佢地又無迫政府去幫佢地喎 !!!!

唔可以事事都係怪政府, 講到自己一D責任都冇 <---  無人會怪政府喎, 唔想幫, 咪唔好幫囉,  何必要去扮善長人翁, 講到會點會點去幫老人家呢?

補充內容 (2012-11-3 22:59):
回金翅怒的鳥 : 我係想講, 如果只係為咗锦上添花, 不如唔好搞啦...  完全無講不能錦上添花就不要搞!?

LUCLK · 發表於 2012-11-3 22:19:03

回復 op1b #20 的帖子

師兄提到　老人唔拎綜援係有骨氣　唔係乞丐　所以呢？？
所以咪有老人家唔去申請綜援, 依然自食其力, 拾紙皮菜頭菜尾過活囉....

大家咪有需要咪申請ＬＯ　唔通學生門應該受恥？？
所以依然有老人申請ＬＯ綜援囉....
咁你講黎做咩先得嫁？　

長者生活津貼, 目的為咩先???　　政府話幫助有經濟困難既老人家
如果只係幫助有經濟困難既老人家, 同綜援係唔係重疊咗呢 ?
２個方案既申請要求都唔一樣　而且呢個係專ＦＯＲ長者　唔係所有人
不過都係用金錢援姐　重疊既地方係一定有　但是否完全重疊或唔洗要都得　就唔認同

但因為佢主觀情感而唔拎, 到底係邊個既問題？
當然係老人家有問題啦..... 這正正就係老人問題囉.....
正正係佢地因為覺得無尊嚴既問題
唔通免審咁去拎呢筆津貼就會拎佢地有尊嚴既感覺？

一係幫一係就唔好幫
都話一個政策係幫到部份既人　另一半可能幫唔到
但唔等如唔應該實行　跳落水你可以９一個人　但９唔到另一個
唔通就唔９？　扮唔扮係你地講政府既

如果推出一個政府係幫到部份老人家　我都覺得呢個政策係可以推行
如果政府係要扮好人　就一次過派哂比所有老人家啦

一個政策係需要有針對性
如果樣樣野都好似你咁話比多少少　無所謂啦
你一係唔搞　一係就比哂　咁針對性既政策唔洗要啦

令真正有需要而又因為要伸報審查得唔到幫助
呢Ｄ係需要社會既努力　如果一個老人家係需要幫肋　但因面子問題
而令政府幫唔到佢　呢個係好遺憾既事　但呢個問題唔係政府所能解決
唔設資審　會令佢地拎得更有尊嚴？？

如果係因為尊嚴問題而唔去拎
我覺得唔係因為個資審　如你上個貼去講　係因為唔想拎政府錢好似乞丐咁　因為仲有能力
所以資審唔係令到佢地　唔拎既重點　

哈佬Hello · 發表於 2012-11-3 22:25:58

本帖最後由金翅怒的鳥於 2012-11-3 22:40 編輯

op1b 發表於 2012-11-3 21:51
回復 henryyu #21 的帖子

唔固執, 會申報果班, 都食緊綜援啦.... 多2000蚊用, 咪係锦上添花

你呢句: 會申報果班, 都食緊綜援啦! 係大錯特錯~ 與事實完全不符!

以現時65-69歲果班為例:
有15%拎綜緩.
有30%拎生果金. <<唔固執
有55%無拎任何東西. <<少部分係勁固執 (估計1%~5%,明明夠資格,都唔去攞生果金)

勁固執而又夠資格果d,係需要子女朋友去說服佢,可以搵社工幫手.
都唔係呢個制度要考慮的因素!
無理由因為1%~5%的老人家因為固執,而令到全民派糖.或者取消整個計劃,害30%老人少咗應有的福利.

你講的錦上添花係另一個project,係之後搞的全民退休保障,無二三年都頃唔掂.
3-11-2012 20-23-04.png

(p.s.上面這圖只是當時一個建議,不是承諾,要搞清楚.唔係咁易推行的!)

peter2011 · 發表於 2012-11-3 22:47:23

贊成資產審查, 但上限可訂高一D, 如果冇審查, 不單你, 我現在要付鈔, 隨着本地人口老化, 下一代仲大劑!

op1b · 發表於 2012-11-3 22:54:05

回復 LUCLK #27 的帖子

咁你講黎做咩先得嫁？
因為情況係咁, 咪照直講囉.....

重疊既地方係一定有　但是否完全重疊或唔洗要都得　就唔認同
[答] 我只係覺得錦上添花計劃, 沒迫切性.... 有無都得.....

唔通免審咁去拎呢筆津貼就會拎佢地有尊嚴既感覺？
唔審查唔代表果一部份人會去攞, 但有審查係好明顯係佢地一定唔去攞...

都話一個政策係幫到部份既人　另一半可能幫唔到
[回]你都覺得依個計劃, 主要係想幫人咩 ???
http://141hongkong.com/forum.php ... 0&fromuid=94076
如果推出一個政府係幫到部份老人家　我都覺得呢個政策係可以推行
[答] http://141hongkong.com/forum.php ... 0&fromuid=94076
一個政策係需要有針對性
如果樣樣野都好似你咁話比多少少　無所謂啦
你一係唔搞　一係就比哂　咁針對性既政策唔洗要啦
[答] 我從來無講過要比多少少無所謂喎

你唔好估就當係喎.... 我只會覺得, 依個咩計劃, 根本係雷聲大雨點少. 講就好似大恩大惠, 實質根本幫唔到真正有需要老人, 最多係豪2200比部份人, 作錦上添花. 而有些存在問題老人係需要幫忙, 就因為佢地有老人問題, 而得唔到真正幫忙.

令真正有需要而又因為要伸報審查得唔到幫助
呢Ｄ係需要社會既努力　如果一個老人家係需要幫肋　但因面子問題
而令政府幫唔到佢　呢個係好遺憾既事　但呢個問題唔係政府所能解決
唔設資審　會令佢地拎得更有尊嚴？？
[答]repeat ..... 當然唔會令佢地拎得更有尊嚴啦.... 我相反會問, 你去申請綜援/類似援助, 不論有否資審, 你會唔會特別覺得會有尊嚴呢 ? 如果你都唔會覺得向政府伸手係會特別有尊嚴, 敢問為何你會覺得人老咗, 相反會有尊嚴？？

如果係因為尊嚴問題而唔去拎
我覺得唔係因為個資審　如你上個貼去講　係因為唔想拎政府錢好似乞丐咁　因為仲有能力
所以資審唔係令到佢地　唔拎既重點　
[答] 資審只會係唔拎原因之一, 一定唔會係重點....

op1b · 發表於 2012-11-3 23:03:43

回復金翅怒的鳥 #28 的帖子

我無講要因為5%~10%的老人家因為固執而令到全民派糖喎, 我一直都係講, 大家可以睇住佢地死嫁.... 照你數字, 又唔係得果5%~10%的老人家.......

補充內容 (2012-11-4 21:35):
[回金翅怒的鳥]如果只係想錦上添花取消有何不可?

紅辣椒 · 發表於 2012-11-4 00:24:15

作為一個長遠政策梗係要申報啦，假如唔駛申報，
就算今日政府仲頂得順，過多廿年人口老化比例加重，
到時都唔知邊到變錢出黎.....
咪講話到時先修訂呢D ON9野，福利既野比咗出黎，
要收番就難過登天！

紅辣椒 · 發表於 2012-11-4 00:29:16

op1b 發表於 2012-11-3 21:44
回復 henryyu #21 的帖子

有部份老人就會多幾份固執, 部份更加會反老還童, 千奇佰怪都有. 有些你問多佢幾 ...

根據閣下論點，既然果班人咁固執，有冇資產審查佢地都唔會申請去拎架啦，
呢樣野已經變成唔關呢班人事，冇佢地份！
要審查，佢地唔會申請；唔審查，佢地一樣唔會申請，
所以呢個唔可以算係反對資產審查既POINT........

chiolo · 發表於 2012-11-4 01:47:10

當然要伸報，不過限額要放寬一d, 如自住物業不計。

哈佬Hello · 發表於 2012-11-4 02:20:37

我計條數大家睇.
2011年人口普查的常住居民中,70歲以上有538693人 65-69歲有223563人 60-64歲有390638人,55-59歲有492002人,
60以上合共1152894人 (65~69佔60以上人口的19.39%, 70以上佔60以上人口的46.72%)
按這比例估算2012年的常住居民,70歲以上約有556693人 65-69歲有256978人 60-64歲有410910人
60以上合共約1224581人 (65~69佔60以上人口的20.98%, 70以上佔60以上人口的45.46%)
按社會福利處2012年9月計  81188人拎要審查生果金  449295 拎高齡生果金
60歲以上拎綜援185140人其中65~69組別20.87%,就是38639人; 其中70以上組別45.46%就是84164人拎綜援 (此數據待修正)

65-69歲有256978人  38639人(15.0%)拎綜援  81188人(31.6%)拎要審查生果金 137151人(53.4%)無申報資產
70歲以上有556693人  84164人(15.1%)拎綜援  449295人(80.7%)拎生果金 , 23234人(4.2%)無拎生果金或綜援

到底這449295拎開生果金的70歲以上老人,有多少會申報資產和入息,然後去拎2200?
範圍最少是556693人的31.6%=175915人(按政府公佈是19萬已曾經申報), 最多是80.7%即449295人

按照常理來推測, 初期會有40%~70%會願意申報, 即是22萬~39萬人.
每人每年多用13320元, 即是每年要多花30億~52億 (現時高齡生果金開支是72.8億)

估計明年實施之後,得到一個準確數據,
就可以把整體生果金計算的18.6萬限額,決定提高多少.令到更多人受惠.
又或者把所派金額提高到3000元,等同綜援水平,令到綜援和生果金合拼.唔駛人再簽衰仔紙.

補充內容 (2012-11-4 22:21):
長期以來,政府安排老人福利,無一個方法去分開這80%拎高齡生果金的老人,想多派一些給較貧窮的,都係無可能.
以2010年為例,政府是每人派3000元及額外2個月高齡生果金, 當中未能夠按貧窮線去因應派到較貧窮的老人手裏. 浪費不少庫房開支.