應否有資産查?

哈佬Hello

大家認為,政府應否通過 長者生活津貼 的申報制度?

歡迎大家辯論.

klmok1

既然是津貼，當然要申請，既然要申請，當然要符合要求，要求就是資產申報。

come1234

要求資產申報

B.Ban

回復 come1234 #5 的帖子

讚成資產申報！
如增加至五十萬會否少D人反對呢！

LUCLK

既然話係扶貧
自然要有個方法去分邊d人係貧

Vitokylam

讚成資產申報.

op1b

好多長者, 窮都窮得好有骨氣唔會去攞綜援.   佢地唔攞綜援原因係佢地覺得自己唔係乞丐, 佢地覺得有手有腳可以自食其力, 無必要同人伸手, 因為佢地窮, 都要窮得好要尊嚴, 佢地係街拾紙皮菜頭菜尾, 一樣可以過活.  


長者生活津貼, 目的為咩先???  你要佢申報, 係老一套想法, 即係查三代, 人地從來無想過要同你伸手嫁.  要伸手, 佢地都去攞綜援啦, 會唔會同你乞果二千, 二千賣佢地所餘下一份尊嚴呢?  

政府如果真係怕比部份有能力長者著數少少, 而令真正有需要而又因為要伸報審查得唔到幫助, 不如唔好扮好政府啦.......

s63703399

金翅怒的鳥 發表於 2012-11-3 02:59
大家認為,政府應否通過 長者生活津貼 的申報制度?

歡迎大家辯論.

支持資產申報

adamscheung

不能亂用公帑...

op1b

回復 henryyu #12 的帖子

好難解比過你知....

你不如買包橙, 分別比兩位某一類長者老人家食睇過.  

一個係無條件請佢食, 另一個係講明要佢答咗你問題先可以食.....

哈佬Hello

審查 肯定不是 查三代!
只是用返原來65-69歲申報果套申報機制.上限和入息都係一模一樣.
有無聽過有新聞話 65-69歲老人呃生果金丫? 真係聞所未聞
其實各種case都已經有既定處理方法.

按照舊記錄,大概已有19萬長者都曾經申報過65-69歲的生果金,
已有個database記住晒呢19萬長者的資產.
這批人首年不用再申報,直接過戶.唔駛好複雜.

至於有其他從未申報過65-69歲的,
我認為政府原本就無預佢地一份,
所以計出大約只有30%老人家會得到雙糧.

不過亦唔排除有原本都有些少積畜的老人家用晒d錢,或者抄股票輸晒,之後要走去申報.
所以就要預大個額.由原本20萬擴大預算至40萬長者有機會受惠.

至於說成要查三代,有點無稽!

呢個問題,係睇大家接唔接受政府針對果30%老人加大生活津貼.

關鍵係大家係咪願意比多d洗用呢一班執紙皮維生的老人!

LUCLK

回復 op1b #9 的帖子

師兄提到　老人唔拎綜援係有骨氣　唔係乞丐　所以呢？？
每個人都有自己既選擇　佢覺得有能力咪唔拎　一Ｄ無能力既咪拎ＬＯ
唔好講到　拎既好似係一種侮辱咁．．．　學生資助都係要資審嫁啦
大家咪有需要咪申請ＬＯ　唔通學生門應該受恥？？

長者生活津貼, 目的為咩先???　　政府話幫助有經濟困難既老人家
以解燃（味）之急　咁點分　邊Ｄ有需要邊Ｄ無丫．．．
咁無資產既人係咪比起有資產既人有需要Ｄ？　如果唔係個個都比　呢Ｄ唔係扶貧
係派糖，　老一代想錯左　查３代既想法　唔代表要比個問題繼續落去　
政府應該加深宣傳　話比老人知係點資審
如果佢係唔需要２２００　亦都可以繼續拎本身果一千
如果照師兄話到佢地認為拎綜援似乞丐　拎津貼無遵嚴
咁你咩措施推出　點都要申請　政府比錢出黎既　佢都會有呢種感覺嫁

你話令真正有需要而又因為要伸報審查得唔到幫助
佢有需要又合乎資審　但因為佢主觀情感而唔拎
到底係邊個既問題？　如果佢係有資產但唔想用到果筆資產先既
又係邊個既問題？　無一個政策係可以照顧到百樣人既
呢個政策係ＦＯＲ　無咩資產　生活有困難既人
大家唔通唔認為呢Ｄ人需要幫助先咩？
慢必所講既　返份保安每個月拎７０００蚊　既老人家　或許佢地都好可憐
都應該拎到果２２００　但果Ｄ連７０００蚊一個月　又無咩資產既人
邊Ｄ需要幫助Ｄ？　

拎唔代表無尊嚴　唔拎都唔代表有骨氣
如果我地由得呢種　拎政府津貼就等如乞丐既思想風氣繼續
無論咩扶貧政策都無可能推出或幫到你所講既老一代

無資審就等如個個都可以有
呢Ｄ唔係叫針對貧窮　呢Ｄ叫派糖
派糖都係一次性　好Ｄ　長期對政府既負擔太大

五叔公

讚成資產申報

op1b

回復 henryyu #14 的帖子

我想講, 有d老一輩想法, 就係怪嫁啦.....  9樓我都講咗, 政府如果真係怕比部份有能力長者著數少少, 而令真正有需要而又因為要伸報審查得唔到幫助, 不如唔好扮好政府啦.......

補充內容 (2012-11-3 22:21):
我唔係想加個罪名比政府, 只係請佢唔好扮一個好政府.  推一個特惠金, 只會錦上添花, 而唔係雪中送炭.  講出黎好似大恩大惠.  依種門面嘢, 搞黎做咩呀

補充內容 (2012-11-3 22:23):
與其花精神做花巧嘢門面功夫, 不如花精神去做其他實際嘢好過啦.....

野狐狸

當然要申報啦.
現在係講緊額外津貼. 唔係政府錢多過頭對老人家分紅.
一件事還一件事, 如果要加大常規生果金, 請另開議題審議.

op1b

回復 LUCLK #16 的帖子

師兄提到　老人唔拎綜援係有骨氣　唔係乞丐　所以呢？？
所以咪有老人家唔去申請綜援, 依然自食其力, 拾紙皮菜頭菜尾過活囉....

大家咪有需要咪申請ＬＯ　唔通學生門應該受恥？？
所以依然有老人申請ＬＯ綜援囉....

長者生活津貼, 目的為咩先???　　政府話幫助有經濟困難既老人家
如果只係幫助有經濟困難既老人家, 同綜援係唔係重疊咗呢 ?

但因為佢主觀情感而唔拎, 到底係邊個既問題？
當然係老人家有問題啦..... 這正正就係老人問題囉.....  

無一個政策係可以照顧到百樣人既, 呢個政策係ＦＯＲ　無咩資產　生活有困難既人, 大家唔通唔認為呢Ｄ人需要幫助先咩？
所以我講, 一係幫, 就一係唔好幫.  唔好扮.....

慢必所講既　返份保安每個月拎７０００蚊　既老人家　或許佢地都好可憐
都應該拎到果２２００　但果Ｄ連７０００蚊一個月　又無咩資產既人
邊Ｄ需要幫助Ｄ？　
[答] 再講多次我睇法啦, 政府如果真係怕比部份有能力長者著數少少, 而令真正有需要而又因為要伸報審查得唔到幫助, 不如唔好扮好政府啦.......

op1b

回復 金翅怒的鳥 #15 的帖子

我講查三代, 當唔政府唔會真係查三代啦......

但係人老咗, 有部份老人就會多幾份固執, 部份更加會反老還童, 千奇佰怪都有.  有些你問多佢幾句, 部份都可能回句'你想查我三代呀'.  當然, 唔會全數都係, 依然有好多醒目公公, 同醒目婆婆啦.....  

補充內容 (2012-11-3 22:26):
回金翅怒的鳥 :  人老一定多病痛嫁啦...  無人迫佢地生存喎, 大家可以睇住佢地死嫁.....  

補充內容 (2012-11-3 23:07):
回金翅怒的鳥 :社工一定幫到佢只怕你個人想法.  最怕連社工自己本人, 都唔擔保實幫到每一個個案.

op1b

回復 henryyu #21 的帖子

有部份老人就會多幾份固執, 部份更加會反老還童, 千奇佰怪都有.  有些你問多佢幾句, 部份都可能回句'你想查我三代呀'.  當然, 唔會全數都係, 依然有好多醒目公公, 同醒目婆婆啦.....  

野狐狸

op1b 發表於 2012-11-3 21:22
回復 henryyu #14 的帖子

我想講, 有d老一輩想法, 就係怪嫁啦.....  9樓我都講咗, 政府如果真係怕比部份有 ...

政府唔係話怕左邊個, 亦冇話要扮好希望人人拍手掌.
否則只要好似上年度咁人人派6000咁就個個歡喜.
呢個計劃只係為有特別需要的人提供協助.
如果有需要, 但係性格又硬係要鑚牛角尖咁係個人問題, 唔可以事事都係怪政府, 講到自己一D責任都冇.

op1b

回復 henryyu #21 的帖子

唔固執, 會申報果班, 都食緊綜援啦.... 多2000蚊用, 咪係锦上添花

勁固執, 死都唔申報, 咪依然食自己.  綜援都唔伸請啦, 又何會去申請依2000

如果成個project都係為咗锦上添花, 而唔想雪中送炭.  不如唔好搞啦......