咖啡室碰著她︰邂逅CAFE 女侍應

奇小子

6094 發表於 2012-7-15 15:09
好有追劇感覺，因為樓主啲收筆位好正，好想追.......

多謝讚賞

奇小子

「唔係囉，我同緊d 網友講，轉左地點。」

Daisy︰「唓，睇你成班成日溝女啦」

我︰「哇，原來你成日偷聽我地講野」

Daisy︰「長頭髮果個女仔，幾靚丫，你女朋友呀？」

我︰「你講Sugar？佢係我partner 姐」



(Sugar樣子可愛，試過俾café 的其他顧客搭訕 )



結果等左大半個鐘，無人黎。我走去水吧附近搵Daisy ，

「陣間我會過隔離新果間，整張紙仔黎」

「咩紙呀，落單果d 得唔得」

我︰「寫到野就ok，我寫低個電話，

如果有人搵我Kino 或者Love Decode，

你就叫佢過去，或者打我電話」

Daisy︰「咩話？Kino，個名咁特別既！」

我︰「係呀，網名黎，廢事俾你尋仇」

Daisy︰「鬼得閒尋你仇」



我寫完個電話喺張紙度，跟手問佢︰

「係呢，我都未知你叫咩名？」

Daisy︰「Daisy」

我︰「你個名都幾特別」

我順手撕去張紙一角，同佢講︰

「你都留你你電話俾我，有咩call 你」

「你要呢度公司電話呀？」

我帶笑，認真講︰「你手提」



Daisy 很大聲的講︰「吓？要我電話？」

聲線很大，有點嚇親我，

但唔係反感，係有點興奮和驚喜，情不自禁的大聲了。



我把筆遞俾佢，輕聲一句︰「寫落去」

佢沒半點抗拒，把八個位的電話一個接一個寫上去。



我很興奮，很久未試過那麼興奮的交換一個電話，

有句話很對︰「期侍，會令人更珍惜一樣野」

我很刻意抑壓著溢於言表的興奮。



面對你心儀的女人，

你必須很刻意的，表現得不刻意。



「認真，你便輸了」

或許未必一定啱；

「表現得太認真，一定輸了」

應該更貼切。

奇小子

對愛情認真，唔一定要表現到好刻意，

咁樣，只會嚇怕女人。



女人永遠喜歡「自然咁喜歡一個人」，

佢無法明白，要咁多巧合發生，太難了。

比較易的，是創造機會。



由我跟她搭訕，到問佢電話，再拎支筆俾佢寫電話號碼。

對好多男人黎講，好唔自然。

有好多人竟然覺得，問個女同事拎電話，都好怪。問我點搞。

我只可以講，係佢地心態問題。



記住，先假設認識女人，係天經地義的事，

一切會好自然發生，只要你意願堅定。

仲有一點，帶領女人，而唔係請求女人，

保持容半帶命令的口吻，千祈唔好在重要位退讓。



如果我果刻退讓左，

今日只係對住張寫上café 公司電話的紙仔打飛機。

更加唔會有之後既故事發生。



喺睇落去之前，撫心自問，

有幾多次，係因為你無膽，

或者缺乏準備，而把一個又一個機會搞垮了。



拿到電話，又怎樣展開對話？

怎樣由陌生人，進入曖昧階段？

奇小子

何生亮 發表於 2012-7-13 19:30
浪蝶狂蜂只是人生的小插曲，一切看自己的造化...

凡事皆可有正面反面，關鍵是當局者怎樣運用

6094

期待期待....

FUNSEARCHER

楼主好口野！ 我继续等待新贴。。。

vip147

期待樓主更新~~

ckcsf

回復 vip147 #49 的帖子

好一个都市情缘! 忙忙人海中，偶都你

奇小子

前文講到，我費盡九牛二虎之力，

終於拎到Daisy 電話。

「得米啦！仲唔搞掂？」

也許，你會這樣想。



好多人都會咁諗，

尤其越少拍拖經驗的人。

就好似一個未搞個生意既人，

開口埋口成日講︰「如果我有第一桶金，我就會點點點。」



事實係，根據統計，

80% 的創業者，會喺頭幾年執笠。



好吧，看下去，我怎樣善用這「第一桶金」



跟據某某師大師的「短訊攻略」，

我先用whatsapp短訊來引她回應，再發圖。

咁做，一來比較令佢少點心理壓力，

二來，佢做緊野，唔方便聽電話。




第一句，先留自己署名，
都係我慣常開頭，

避免佢無入你電話落電話簿，

而有尷尬感覺。



點解係呢幅圖，

一來可以取笑下佢，

二來同有次在café 我戲言，叫佢參選港姐。

我仲話做佢提名人。

佢果刻即刻面紅紅，怕怕羞咁行開左。



間中拎返大家的共同笑話黎講，

係建立親切感一個有效方法。

啅號、暱稱，都係打情罵俏常用手段。



好男人就係太怕得罪「女神」，

結果求仁得仁，只可以做觀音兵，膜拜女神。

而當你覺得自己係「男神」時，反而再漂亮的女生，都會對你小鳥依人。




面對女人的質問，

「我唔靚咩？」「我無內在美嗎？」

好多男人就好驚青，

生怕會因為答錯問題，被女人拒絕。

結果回應一堆討好的話「你緊係靚啦/內外都美」

狗公的味道就出來了……



一句「未了解」，餘味無窮，

暗示了「可以了解」的空間。

好像給她打開了一扇窗，

讓她好好表現自己。



記著，戀愛高手的心態係︰

機會係我俾女人，唔係女人俾我。

係我因為佢表現好而選擇佢，唔係我在佢面前要爭取表現。



講返果日，其實有好多趣事發生……

奇小子

點解我會咁記得我識佢果日係5月20號？

甚至事後，Daisy 都驚訝我會記得果日係幾多號。

因為，果日的確很特別。

或者咁講，係我地令到件事咁特別。



因為520 代表「我愛你」，

我就諗到咩「國際我愛你日」。

慫恿學生打電話給女生，玩表白遊戲。



當然是玩笑性質，

先表白嚇她一跳，

到她以為是真時，

再講解果日係「國際我愛你日」。



你可能會質疑，

咁做咪即係太快展示興趣，

又或者無膽玩。



對，當我提出來時，

大部份的學員，

都唔敢打。



我唯有身先仕卒，

一邊開了免提，一邊打俾幾位女生。

第一位，「嘟嘟……」，無人聽



到第二位，我打去，

「Mandy, 我有一樣野同你講」

Mandy︰「咩事呀？！」

「你聽住落喎，好緊要」

我刻意語氣凝重，制造張力。

「嗯嗯。」

「我愛你呀。」

「吓？咁突然！」

「係呀，我愛你呀」很情深的劉華腔。

「你唔好玩啦，係咪玩整蠱電話呀？」佢笑到收唔到聲。

「今日係520，國際我愛你日，我要搵3 個好朋友講”我愛你”」



你以為就咁玩完？

好戲在後頭……

vip147

奇小子 發表於 2012-7-18 18:12
點解我會咁記得我識佢果日係5月20號？

甚至事後，Daisy 都驚訝我會記得果日係幾多號。

咁就要快D出啦~~

奇小子

Mandy︰「唓，仲以為你同我表白添。」
「哈哈。係喎，到你喇！同我講返我愛你。」

Mandy︰「吓！咁激動？唔講得唔得呀？」

我︰「根據傳統，如果你唔講返，咁下一個我愛你日之前，你會無人溝你，有男朋友都會分手。網上就話，由1957 年到而家，總共有幾十個人唔聽，結果，仲行左幾年衰運添。你都係講啦。」

Mandy︰「咁…我愛你~~」

我︰「哇，好sweet。我已經錄低左佢，遲下你得罪我，我放上網。」

Mandy︰「衰人，你試下丫」

我︰「你而家喺邊？」

Mandy︰「同屋企人食緊飯。」

我︰「我同班friend 喺café，頭先去左後樓梯，而都要搵返佢地。」



高位收線，

落水無水花。

難度9.9，

得分10分，完美表現。



經過我的示範，

學員們一個接一個的又玩整蠱電話。



某位學員，Kenny玩完，同我講︰

「哇！真係水溫高左。

本來條女都無乜反應，

而家救返生，好勁！

跟住點做好。」

我問左佢少少detail，

再俾左幾個建議。



整個聚會，

我間中間Daisy 在whatsapp 傾計。

都係講下聚會d 野，又講下d 無聊野。



趁12點前，我諗住打去同Daisy 講「我愛你」，

點知佢電話無人聽，

可能因為做緊野，

唔方便接電話。



當然，拎到個電話，

佢唔聽都有可能。

所以，我都唔放咁大期望。

奇小子

如是者，過左12pm，

我再發whatsapp 俾Daisy


我發左幅圖俾佢，話佢無幫我叫d 網友黎，

搞到有人摸門釘。

我咁做，唔係要怪責佢，

係迫佢反應，再趁機開下話題。


看得出打情罵俏的細位嗎？


開多幾個話題，讓大家互相了解一下



下回將講到怎樣由陌生人，傾談有趣話題，到邀約的實戰過程。

奇小子

跟住傾下D 無聊野，

再話幫佢畫左幅圖，

等佢有期待

心諗我一定係好宅男咁，

畫幅畫咁逗佢開心


但係見到隻豬，

佢當然係得淡笑。

畫乜都無所謂，但最緊要係得意。

否則，都會搞到件事好核突。


咁啱得咁橋，原來佢花名叫豬仔。

哈哈，天助我也

或者呢d 叫緣分啦。



緣分，一般人眼中，係等運到。

今年桃花旺就有拖拍，

幾多歲就有結婚運。



而我對緣份既定義係︰

「你必先學會主動，

當接觸到夠多既異性，

就自然會搵到幾個係投緣，

自然有適合既對象發展。」



傾左幾句，我又提到我隻狗仔。

可以展開新topic。

記住，一樣野唔好傾咁耐，

女人傾計，係喜歡成日轉topic。

當然，係要有趣既話題。



咩為之有趣？

男人同女人對「有趣」既定義，

就已經好唔同。

奇小子

男人「有趣」既topic︰

電腦、打機、運動、賭波、股票、前途

女人「有趣」既topic︰

潮流玩意、化妝、百掛野、娛樂新聞、動物、食物、小朋友



由原始時代開始，

男人的生存方式係，

搵足夠資源養家，

目的性好強。



而女人一樣有自己既生存方式，

就係養大d 仔女，

同埋同族群的成員打好關係。

要打好關係，一來係為左可以互相照顧幼兒，

一來，有咩事，個老公打獵瓜左，

仲可以搵人幫手照顧仔女。



當你明白男女生理、心理結構唔同，

你就唔會成日將自己鍾意既野，

強加於女人身上。

你鍾意講工作，以為好威威，

實質悶親個女仔都唔知。



根據研究統計，

一個貼心的短訊，比你請女人食餐飯，

更得女人心。



一個星期做五日野，得4分。


送野先得3分，WTF!!!


送張浪漫紙仔，都有4分。

咁我D 得意短訊都有2分掛。



小數怕長計，

每日諗下D 得意野。

好過你地又送iPhone, 又送花。

心諗，條女用你送部iPhone 唔知同邊條仔whatsapp 緊……

奇小子

之後我由同佢傾左我以前隻狗d 趣事，

又交換下近況。



過左2日，我就約佢見面。

佢好爽快咁答應左，放工見面



佢平時大約放10pm，

佢應承左我果日係放8-9pm，

至於點解會講到著打底褲？

因為我地已經不自覺的去到調情階段。

如果你令夠及早打開女生的性開關，

往往對你的感情開關會更快開啓。



好啦，貼返之前的對話圖，

你會易D 明。











約會果一日，

我照舊傾多d 計，

因為咁樣可以確保對方唔會買家後悔(buyer remorse)。

奇小子

好多人溝女，

總係以為，條女應承左出黎，

就得米啦。

咪傻啦，條女覺得唔舒服，一樣可以放飛機。



一、好多人係夾硬push 條女應承。

二、好多女人係一時之快應承左。

三、好多女人根本係果刻無野做，咪應承住先。



一字記之曰︰「feel」

有feel，咩都得。

你要俾佢覺得佢出黎係開心，

同時令佢覺得係安全。



你約完佢，然後唔搵佢，

因為心裏面怕︰

「死啦，咁難得約到女神，

如果我講多錯多，

咪搞砸左個機會。

都係唔好搵佢。」



無錯，講多錯多係壞事，

但你約完人，唔講野，

只會令對方的情緒跌落谷底。



你要令佢保持應承你果刻的心情，甚至推高，

對方先會對約會有所期待。



逃避問題沒用的，

你要學好的是，

如何變得有趣，

如何開展話題。



很多人會覺得戀愛高手，

或者叫壞男人，

只是漁翁撒網，

好彩就有人上釣。



Bullshit!!

你試下一個不修篇幅，滿口粗口，有體臭的男人，

試1000次溝女，

會不會溝到靚女？



醒醒吧！

這跟窮人見到李嘉誠有錢，

對其他人說︰「我因為不夠壞，才沒有李嘉誠般有錢。」



廢話，即使你夠壞，

你還要有李嘉誠的頭腦，

更要有李嘉誠的營商方法。



今天，我不要是你溝林志玲，

不也是溝章子怡，

只是溝一個身邊條件跟自己差不多的女生。

你不需要有IQ 200 的頭腦，更不需要有第一桶金。

你只需要方法。



下回預告︰第一次約會女生，應該怎樣安排，要注意甚麼？

我與Daisy 的故事又會怎樣發展？

酒店是我家

好有追看性既post 追追追 推推推!

奇小子

返黎故事主線，
呢日係我同Daisy 第一次約會的日子，
果日，我到了深水埗有點事辦，
就順道叫她來深水埗。

一來，我以往在這區讀書，
可以順手講下自己細個讀書的東西，
二來，我熟路，有咩事，
都有b 計劃。

咩叫b 計劃，就係應變措拖，
好天變落雨，你要知邊度有商場行，
否則周街行，有遮都濕晒，條女都無晒癮。
你約佢去食泰國野，講到好好好食，
點知果間咁啱無開，
你都要知附近有咩代替品。

如果你真係無咩地方熟，
咁先去open rice 睇下有咩好食，
但唔好信足，因為據行內人講，
好多係俾錢買正評，同刪劣評。
最好親身試一次先，或者問相熟朋友。

咁我到左夜晚7點左右，
Whatsapp Daicy，確認佢準時放工。
佢話問我去邊食，我就話自己在深水埗有d 野搞，
之後行下黃金高登，睇下d 電腦野。
叫佢收工過來深水埗，一齊食野。

好多男人約女仔，
一係去佢公司樓下接佢，
或者去佢屋企附近。
根本錯晒，因為你俾佢感覺係佢係主角。
好多仲犀利，由公司接送，
車去西貢或鯉魚門食海鮮，
再實返條女返屋企。
以為咁樣好威威。

佢地以為，要俾女人覺得你有誠意，
就會溝到女。
無計，俾個社會洗腦太多了。

不止一個讀者、網友問我呢類問題，
我只有咁回答︰

奇小子

你用誠意溝女，咪入左「追女mode」。
慢慢愛情長跑下，睇下溝n 個月先得手。
而我，長則一個月，短則幾日。
再極速果d，唔好講啦，講你都未必信。

好多人俾社會荼毒左，
相信「精誠所至，金石為開」，
佢誠意盡出，竟然感動唔到條女，
你同佢講，佢果套唔得，
佢會合理化自己︰「因為我的誠意未夠多，
堅持得未夠長時間，所以未感動到條女。」

我對於無得證明的東西，一概不理。
你講到幾勁都無用，
俾例子，俾實證我睇。

如果你睇完個POST，
都唔試下我以上的方法。
過左幾個月先試，小心會咁︰

(係某某讀者的對話紀錄)

可能高登太多巴打，
唔小心用左同一個招式，溝過你的女神，
結果，女神只會回應你︰「睇過啦」、「聽過啦」。

唔Work，因為俾日用到爛晒。
當然，我都幾欣慰，咁多人用我的創作，哈哈。

(唔明咩事？可以睇返我講短訊果幾篇blog︰
kinold.mysinablog.com/index.php?op=ViewArticle&articleId=3550208)