|
|
樓主 |
發表於 2012-10-11 17:00:56
|
顯示全部樓層
本帖最後由 奇小子 於 2012-10-11 17:07 編輯
上到去，中伏！！
因為個時間剛剛午時尾段，
坐滿晒人，只有幾個位空出來。
我們只好搭枱。
估不到，開展了一段小插曲。
四人位，對面是一對男女，
我和Daisy 坐另一邊。
一開頭，我還猜對方是情侶。
再聽一聽他們的對話，原來是同事，在附近賣衫的。
那男的是新同事，女的比較senior。
我無特別理佢，就同Daisy 商量點餐。
我通常會心中諗定幾樣想食既野，
然後等女方先點。
點解？
因為可以等佢點左，
我再講一樣唔太同類既食物，
就可以一齊share 來食。
Share 黎食，一來可以一次食幾樣，無咁dry，
二來，可以快速增加「情侶」的感覺。
有機會可以參考我在《禁書》裏面的約會故事。
當然，我點了我至愛的牛肉茄通
點完野食，我地又講起我最近學生的趣事，
同埋佢離開舊café，farewell 的事。
這邊廂，我們在談天說天；
那邊廂，對面變了職場訓話指導。
「你唔可以咁直接叫個客俾錢，
你要試下用唔同方法令個客試上身，
佢地先會易d 買件衫！」那女售貨員在教男的銷售技巧。
「等我試下，呢幾衫幾襯你，不如著上身試下……」男的戰戰兢兢的回答。
女︰「唔得，呢句我教你，你要自己諗多三句」
男︰「既…諗唔到喎」
女︰「你要多d 用腦諗先會真係理解。」
男︰「一係咁喇。Xyzabc….」
女︰「呢句唔得！」
擾攘左成分鐘，個男既都俾人ban 左幾個idea。
我同Daisy 都俾佢地呢個話題吸引住，
我有點忍不住想插咀玩呢個問答遊戲。
我對Daisy 輕聲耳語︰「你介唔介意我同佢地搭訕？」
「吓……唔好啦……」Daisy 一副怕事的樣子。
但我不理她，反正她不是很抗拒。
「其實可唔可以俾我試試，」
我一說完，對面兩個男女呆左。
「其實我之前都做過下sales。我諗到一句。」
我繼續說話，大家的目光也集中在我身上。
「其實可以同個客講，『你平時鐘意著鬆身d 定緊身d 既衫？』
對方答鬆，咪俾大一個碼既佢試；
對方答緊，咪俾個fit size 佢試。
因為係二選一，佢答咩都可以俾個option 佢，
佢無得reject，因為好似佢有份做呢個決定咁。」
我一邊講，對面個男女都點頭稱是。
其實我只係用返平時上堂教人開話題、搭訕的小技巧去做。
女︰「呢個係一個唔錯既方向，你都要快d 諗返幾個，
俾個功課你，聽日返工諗10 個idea 要令個客試身」
男︰「咁多！可唔可以少d」
女︰「無得傾！」
我順手插咀，「咦，你地係附近賣衫架？」
女︰「喺海港成賣levis 牛仔褲」
我︰「都幾好喎。下次去開，有無得揼下你心口，拎discount？」
女︰「好啊。」
全程Daisy 無搭嘴，可能佢唔慣同陌生人講野掛。
我地一路食，一邊細聲各自傾計，
食到中途，對面對sales 男女都食完走先，
臨走仲同我地講bye bye。
呢個時間，Daisy 先大聲講返野，
「乜你咁大膽架，一定成日咁搭枱識女仔啦！」
「哇，你咪老屈！我只不過係技癢姐，以前做過sales」
我虛應Daisy 幾句就算。
你地可能覺得咁樣搭訕好唐突，
只係當我這樣做完，Daisy 對我的眼神多了幾分佩服。
這是社交認證(social proof) 的方法，
透過與其他人的社交互動，表現出你雄性魅力的吸引力。
現場做一次，比你自吹自擂有用百倍。
學好溝通技巧，在任何社交場合都有用。 |
|
樓主: 奇小子
在線雷達
發表於 2012-9-28 11:54:22
