Samsung保養維修服務(朗豪坊）似有改進

ranger1646 · 發表於 2012-7-8 19:20:04

分享下尋日既個人經驗；
尋日約中午12點左右拎左部 i9003去維修，到朗豪坊10樓, 門口個服務員就同我講。
"有購買單，保養期內，無入水，無爆mon的話" 可上40樓特快收機服務。（10樓不知幾虛冚, d人多到企哂向門口）
上左去40樓，成個場未裝修，唔知係臨時場定會之後長開，一到步就填form。自己填個人資料,imei,咩問題. (全手寫)
人唔太多，真係幾快可以放抵部機。當日5點左右仲收到電話可以拎機。感覺維修時間快左好多，唔使等太耐！

不過拎機要向返 10樓. 今日去拎機, 一拎籌, 嘩!! 要等40個冧把~~~~

不過等左40分鐘就拎到機, 都唔算太耐... 唔使一粒鐘拎到.
其間有不斷留意d 冧把. (拎機同維修係分2組籌). 唔知係咪新開左個臨時收機場. 拎機果組籌就好快, 反而維修果組... 40分鐘內都去唔夠 10個.... 真係等得好耐!!!

所以""有購買單，保養期內，無入水，無爆mon"" 可直接上40樓特快收機.... 唔使等咁耐!!!