保育~肥嘟嘟~~唔笨拙~~~海牛~> 3<"

hk8668 · 發表於 2012-7-4 03:12:49

本帖最後由 hk8668 於 2012-7-4 03:19 編輯

背景3.jpg

海牛目（Sirenia）係海洋哺乳動物中係相當特殊嘅一群，所屬物種都係食草嘅，主要以海草同其他水生植物為食。。現存有四種海牛目，分為兩個科：海牛科(Trichechidae)嘅3種海牛(manatee)，同儒艮科(Dugongidae)嘅儒艮(dugong)。儒艮科嘅另一物種史德拉海牛(Steller's Sea Cow，又叫大海牛)曾經生存到近代，但已經喺18世紀時經唔起人類嘅捕獵壓力，絕晒種。
背景.jpg

外形特徵

　　海牛目動物相當適應水中生活，牠們有流線形嘅身體，無後肢同背鰭，身上毛髮稀疏，前肢呈槳狀方便游水。儒艮同海牛嘅體型好似，但可以喺尾部明顯分辨出嚟：海牛嘅尾巴寬大而略呈圓形，儒艮則為V形尾，好似海豚嘅尾鰭咁。

　　海牛目有厚而可以郁嘅嘴唇，表面覆有濃密嘅短毛，可咬住海草送落口度。佢哋進化出特殊嘅牙齒替換系統，以因應食用多纖維食物造成嘅牙齒磨損。海牛只得臼齒，更新方式並唔係一顆掉了後再重新長出新牙，而係整列牙齒由顎嘅末端水平地往前移動，當牙齒移動至顎嘅最前端時，牙根會逐漸被吸收終至脫落，跟象牙有啲似。儒艮嘅上下顎各有三對臼齒同前臼齒，隨著年齡增長，佢哋前臼齒同第一對臼齒會甩，剩低嘅臼齒就會一直生長。雄性有兩顆大型門齒，喺青春期時會突出嘴邊，但當嘴巴閉埋時會被嘴脣蓋住。無外耳殼，只喺頭部兩側各有1個好細嘅耳孔；2個鼻孔皆位於吻部嘅頂端，潛水時會被皮膜掩蓋住。雌性有1對乳房，乳頭位於前肢基部處。

　　牠們的肺好大，係浮力嘅主要來源；橫隔膜嘅位置相當特殊，唔似人類咁同肩膀平行，而係大致同背、腹部平行，推測可能同浮力嘅調節有關。骨架非常厚重，尤其係肋骨，除咗有鉛垂咁幫助下潛嘅功能外，對於鯊魚等天敵嘅衝撞亦有一定嘅抵禦能力。皮膚相當厚，體內儲存有好多脂肪，但脂肪厚度通常唔及鯨類嘅鯨脂咁多。

　　雄性海牛目生殖器並唔外露，隱藏於腹部中段；雌性生殖器接近肛門，喺尾柄前方。懷孕期一般大約1年左右，1胎只產1胎。

進化歷程
打哈欠.jpg

　　已知最早嘅化石大約喺距今5千萬年前嘅始新世(Eocene)早期，到咗漸新世(Oligocene)同中新世(Miocene)時期係海牛目嘅全盛時期，之後就逐漸衰退，原因可能係氣候寒冷化、海洋環境變動，或是係古代人類開始捉佢哋嚟食等造成。最早嘅海牛目動物大小同豬差唔多，有四隻腳，住喺岸邊濕地。儒艮科大約喺始新世末期出現，外型相當接近今日嘅儒艮，而出土嘅化石都唔少；海牛科可能喺漸新世初期進化出來，但現有化石數量較少。目前對於海牛目嘅演化分歧情形仍有好多疑問，各科分歧嘅時間點也尚有爭議，但關於“由陸棲至海生”嘅演化途徑由於化石充足已有完整理論提出。
雖然外型上有相當大嘅差異，不過由考古學同比較解剖學上嘅證據顯示，現生哺乳動物中同海牛目親緣關係最接近嘅係長鼻目（Proboscidea，即係象）。

保育現狀
　　近幾世紀以嚟，海牛目嘅族群都明顯下降，喺好多地方都開始絕種。族群減少嘅主要因素係由於受到人類活動嘅干擾，雖然已受保護，但喺佢嘅棲息地內仍然成日遭到獵殺，喺某些地區嘅市場上甚至仍公開買賣海牛肉。
肉.jpg

未出世就死掉的小海牛....

　　海牛嘅死亡威脅仲包括遭到運河水門夾傷同陷於漁網中導致窒息。儒艮也成日死喺漁業拖網、捉鯊魚同海龜網，其他仲包括炸魚、海面原油污染、龍旋風同暴風侵襲、寄生蟲、殺人鯨同鯊魚嘅捕食等。
食用被污染海藻而死亡的海牛.jpg

食物中毒而死亡的海牛

海牛的分類
儒艮科 Dugongidae
儒艮科.jpg

儒艮 Dugong dugon
儒艮.jpg

史德拉海牛 Hydrodamalis gigas （已絕種）
史德拉海牛.jpg

海牛科 Trichechidae
海牛科.jpg

西印度海牛 Trichechus manatus
西印度海牛.jpg

西非海牛 Trichechus senegalensis
西非海牛.jpg

亞馬遜海牛 Trichechus inunguis
亞馬遜海牛.jpg

其實由此可見海牛的家族已經不算大，其中史德拉海牛已經絕種，如果保育的工作未有大的成效，恐怕剩下的也快要消失了...

今次為大家帶來海牛，希望各位喜歡～

謝謝觀賞～

henry1328 · 發表於 2012-7-4 03:40:42

Dugongs

以上影片乃youtube提供,與本站無關; 若無法觀看,可查看原網址。

Manatee - The Gentle Giant

以上影片乃youtube提供,與本站無關; 若無法觀看,可查看原網址。

Florida Manatee (Crystal River)

以上影片乃youtube提供,與本站無關; 若無法觀看,可查看原網址。

補充內容 (2012-7-4 03:42):
The dugong (Dugong dugon) is a large marine mammal which, together with the manatees, is one of four living species of the order Sirenia. It is the only living representative of the once-diverse family Dugongidae; its closest modern relative, Steller's sea cow (Hydrodamalis gigas), was hunted to extinction in the 18th century. It is also the only sirenian in its range, which spans the waters of at least 37 countries throughout the Indo-Pacific, though the majority of dugongs live in the northern waters of Australia between Shark Bay and Moreton Bay. The dugong is the only strictly-marine herbivorous mammal, as all species of manatee utilise fresh water to some degree.