Moka小櫻 拋波試水溫

庹宗康

夏天是o靚模搵食全盛期，眼見香港o靚模出寫真賺個滿堂紅，陳靜（DaDa）兩位國產師妹Moka及小櫻決意踩場搵食，日前結伴去淺水灣來個泳衣真人騷，睇得成群「餓狼」口水直流！



已成功「上岸」的「百果園咪神」陳靜（DaDa）今年棄出寫真，反而升呢親自往上海揀蟀，最後睇中同擁C Cup上圍的Moka及小櫻，兩女今夏將推出寫真跟港模瓜分宅男市場。

為測試在港人氣，她們日前結伴往淺水灣曬太陽，谷行上圍引誘一眾港男！她們揀好靚位落腳後，九秒九脫下外衣，露出惹火比堅尼，深長事業線頓時引來附近港男射喱眼喪(目及)。兩位上海美女皮膚白皙勝雪，為防曬黑，當眾互塗太陽油，互摸心口、腰間及大腿等位置，場面活色生香。





口水駁口水
搽完太陽油，她們拿出一個未吹氣的沙灘波，Moka用盡氣力吹了良久仍未吹得脹，惟有叫小櫻接力，她不理食Moka口水尾頂上繼續吹，不一會終於可以正式開波。兩女將沙灘波拋來拋去，上演一場真人「熱浪球愛戰」，看得附近的港男心癢癢！突然一陣怪風來襲，將沙灘波吹出大海，眼見沙灘波愈吹愈遠，她們急得直跺腳，此時一名男客上演「英雄救球」，跳落海為靚女執波，兩女見狀即齊聲打氣，男泳客當然不負所望，不過兩女一句多謝後，就繼續玩自拍，擺明打完齋唔要男泳客！

白羊座o穆o

波瀾壯闊

long1083

我都想係現場,不過唔想上鏡