梁振英 不會壓樓價解決住屋問題

ctedjack

候任特首梁振英表示，新政府不會透過壓低樓價來遷就購買力，主要政策是加建居屋和公屋，亦會開放考慮其他資助房屋模式，以解決市民住屋問題。

梁振英接受報章訪問時說，本港人均生產總值排名全球首20位，但有一半私樓住戶的居住面積少於490平方呎，形容是「完全不匹配」，亦影響香港吸引人才。

他說，上任後會從速檢討市民住屋需求，包括提高地積比率及釋放更多新界土地等，又批評現時興建一幢公屋需時7年的做法是絕對不可接受。

轉自: 香港電台
仲有約半個月梁生就大權在握, 希望佢真係不會好心地推低樓市來幫市民上車。
當然我都想香港, 人人住大屋, 不用頭撞牆時, 腳尖又撐住牆, 但始終香港地少人多, 除左不停將樓向高空發展外, 難以用其他方式大幅增加市民居住面積, 這是供求問題, 難以解決。
梁生不滿七年上公屋慢, 除左政府行政效率欠佳外, 亦涉及財政投入問題, 3-4年起座公屋, 我相信都實際可行, 但建築成本因施工速度提高肯定因而上升, 而且起左座公屋, 你又不是賣左佢冇手尾跟, 而係收少少租, 要包齊保安, 清潔及維修等日常開支, 租項抵銷不了開支, 到頭來又要加稅, 中產又要上街抗議梁生搞福利主義

entry1

ctedjack 發表於 2012-6-13 23:20
候任特首梁振英表示，新政府不會透過壓低樓價來遷就購買力，主要政策是加建居屋和公屋，亦會開放考慮其他資 ...

港人高GDP住細樓唔匹配

【本報訊】候任特首梁振英指出，香港人均生產總值排名全球頭二十位之內，但有一半私樓住戶的居住面積少於四百九十平方呎，「完全唔匹配」，影響香港吸引人才。他強調香港並非缺乏土地，上任會從速檢討港人的住屋需求，希望可改善市民的居住環境，方向包括提高地積比率及釋放更多新界土地，但同時要平衡市民對屏風樓、填海及保育方面的訴求，取得全民共識。
改善居住加快建公屋

梁振英接受東方報業集團獨家專訪時指出，香港並非缺乏土地，只是土地開發緩慢及不平均。他引述其「愛將」發展局局長林鄭月娥的說法，指「香港七百萬人居住於百分之七嘅土地，即百分之一土地住了一百萬人」，即使扣除佔四成面積的郊野公園，新界仍有很多綠油油的土地，新一屆政府除了要加快土地開發，最重要是全面檢討港人的住屋需求，是否滿足於現有的擠迫居住環境，還是希望長遠可以有所改善。

梁振英表示，香港約有一百萬戶私樓，有一半、即約五十萬的實用面積低於四百九十呎，遠低於經濟發展程度相若的歐美國家和新加坡：「香港人均GDP（生產總值）喺全球排頭二十，但一半私樓住戶嘅居住面積少過四百九十呎，係完全唔匹配嘅。」他又說，居住環境過於擠迫，不但影響中基層市民，亦嚴重削弱香港對海內外人才的吸引力，他認識的一對醫生夫婦，更因住屋理由決定轉往新加坡發展，問題急須解決。

梁振英說：「五十萬戶住喺細過四百九十呎嘅，我哋想佢可以住大幾多呢？之後乘番建築面積，再乘埋地積比率，係五倍定係六倍呢？可唔可以起樓再起密啲、起高啲呢？我哋就可以得出到底需要多幾多地。」

http://the-sun.on.cc/cnt/news/20120613/00407_016.html

佢講野真係UP得就UP, 有點不負責任, CHING你呢個報導就話唔會"透過壓低樓價來遷就購買力",

另一個報導就話港人唔應住咁細既樓, 仲指明係私樓, 咁我想知, 佢有咩本事令原本住開細樓既業主一下子間屋變大?

人人住大屋就個個都想, 咁現存細屋點處理? 拆晒起過? 你批多D地, 起多左樓, 都唔見得我間屋會大左架WOR

除非政府起D大屋黎同原有業主換樓啦, 咁又係$$既問題. 好似CHING講咁, 到時中產津貼公屋大大間,

中產間屋又比你梁生話細間, 貧富間矛盾更大, 好X憎呢D見人講人話既PK

肥叔叔

要福利好, 好食好住, 加家用俾阿媽, 好應該丫

jj99

香港要解決既住屋問題係低收入人仕或家庭的居住問題，樓價高低，政苦不應亦不可干預，你壓低樓價，有樓既就閙你，同時無樓既亦未必買得起，除非壓到好低，但壓到好低，又有投資者炒家入市，同時已有樓既仲唔閙到政苦反艇！所以狼震鷹再狼都唔會咁激去壓低樓價。

至於中產置業係一個比較複雜既問題，中產未必買唔起樓，但是未必買到合佢心水之樓！只要樓價有秩序慢慢升，中產自然會調節心態，買入天水圍，到時機合適他們就會換樓。

加快起多D 公屋  應該，但也要抽出公屋富戶，加加加倍租金到市價以上！
居屋也應該起，但不可太多，同時亦不可放得太寬，如果個人月入3萬、家庭月入5、6萬 都可申請就一定影響私樓同對納稅人不公平！

CHING 話會唔個同時做成福利主義， 好難講，視乎政策規則點樣定！

ctedjack

回應 entry1 #3 的帖子

梁生宜家講野變得似香港民X派一樣, 講好多理想, 但有冇諗下是否可以落實執行呢? 正如人人都想成為下一個香港李生, 化為傳奇, 但想和做係兩樣野來

ctedjack

回應 煩惱 #4 的帖子

對, 認同版大, 住套房家庭真係要優先考慮分配公屋, 因萬一大吉利是燒起來又好多人被政府間接害死。
用'人均居住面積'來與國際平均數值作比較, 會相對客觀科學及有意義。
梁生真係一個政治人才, 睇大勢市民都幾buy佢, 希望佢不是一個只有口才魅力, 沒有實幹能力的人, 未咁分分鐘又會禍港十年, 我當佢連任硬, 因佢咁派福利法, 好難民望低

entry1

煩惱 發表於 2012-6-14 10:53
佢會爭民望就緊係咁架啦 ... 等佢上任先再鬧佢刀未遲 ...

上左都係得把口

entry1

ctedjack 發表於 2012-6-14 21:06
回應 entry1 #3 的帖子

梁生宜家講野變得似香港民X派一樣, 講好多理想, 但有冇諗下是否可以落實執行呢? 正 ...

能夠實行既好事, 盡管只得一件半件,

都總比滿口空談來得實際