|
|
以往港人對緬甸的認知可能只限於朱玲玲與昂山淑姬，不過今後要預埋足球！今屆亞協盃有緬甸球隊加入戰團，港甲球隊公民早前到過當地，作客「緬甸首富」吳迪札掌舵的仰光聯，並揭開緬甸足球神秘一面。
與香港相似，緬甸足球曾在60、70年代盛極一時，奪得66及70年亞運足球金牌，亦是東南亞運動會足球項目5屆盟主，門將古甸昂於70年代入選亞洲足球明星隊，與同期的前精工馬來西亞門將林芳基分屬好友。緬甸足球其後急劇衰落，雖然續有本土賽事，但因軍政府禁止集會，不准人民入場觀戰，入場「球迷」都是官方安排，加上球員全是業餘性質，令足球發展停滯。
鐵籠球場防球迷生事
直至09年，政府將業餘足球改革為職業的緬甸全國聯賽，3年內由8隊增至14隊，引入外援及允許人民自由入場睇波，全國富商及財團各自組隊參賽，令球市活躍起來。一位緬甸球迷表示：「其實緬甸人好鍾意睇波，勁旅仰光聯每次比賽都有5,000人入場，普羅大眾平均月薪大約2,000港元，而本土賽事門票分為5及10港元兩種。」除了本地波，當地球迷亦喜歡英超及歐洲足球，外國足球雜誌隨處可見。
在富豪及財團支持下，緬甸球員的身價亦水漲船高，一般本土球員月薪為5,000港元，比當地公務員平均4,000港元要高，至於國腳級及球星級球員，月薪更高達30,000港元。外援薪酬亦拍得住其他亞洲地區，為4,000至6,000美元，大約30,000至50,000港元，因此吸引大批東歐、巴西及非洲球員前往當地搵食，追得上港甲水平。
儘管球市興旺，但球場配套很落後，睇波文化更有待改進，一名仰光聯相關人士指出：「球場看台都圍上鐵欄，就像一個鐵籠，因為球迷睇波經常有過激舉動，鐵籠可防止球迷生事。」
緬甸 Myanmar
全名：緬甸聯邦共和國
面績：676,580平方公里
人口：60,280,000人
首都：內比都
最大城市：仰光
緬甸全國足球聯賽
成立年份：2009年
上屆冠軍：仰光聯
參賽隊伍：14隊
一般球員薪酬：每月約5,000港元
星級球員薪酬：每月約3,0000港元
外援薪酬：每月約30,000-50,000港元 |
|
在線雷達
發表於 2012-5-24 23:23:51
廣播
置頂
推舊帖
收嗲鳥
油顏色