可否向法庭申請禁制令，禁制樓上住戶及管業處嘅滋擾﹖

luxembourg

事緣樓上住戶近排時常向管業處投訴我家工人朝早做家務時發出嘅聲音滋擾到他們(最初佢地係自己直接來我家按鐘投訴)，後來經我報警話佢滋擾我之後，佢改向管業處投訴，現在管業處就不定時上我家要求我工人做家務時輕聲一點。就以上無理嘅投訴，我可否以下列幾點去法庭申禁制令，禁制管業處及樓上住戶嘅滋擾呢﹖

1/ 佢地無証據証明呢啲聲音係由我一方發出。而且一般人做家務時發出嘅聲音，是否足以達到噪音程度呢﹖我已多次表明，樓上住戶或管業處可向環保署反映問題，由環保署派人上門量度我工人做家務時發出嘅聲音是否達到噪音嘅程度，但佢地又唔做呢個步驟，只係不停投訴，管業處又受理呢種不合理嘅投訴喎!!不停地滋擾我。

2/ 一般人在自己家內進行正常活動時發出嘅聲響(唔係吹喇叭，打band等等)，別人有無權去干涉呢﹖我自己就以上事情曾經問過我嘅隔離鄰舍，問他們覺唔覺得我屋企工人朝早做家務時發出嘅聲音嘈到佢地，他們都表示沒有。我再問他們有否管業處人員上門問過佢地相同問題，他們話無。原來管業處在處理投訴時並無查清楚事情，就聽投訴人嘅片面之詞，呢點先係我最憤怒嘅地方。

望有識之士幫忙解答，謝謝!!

靚爆鏡

luxembourg 發表於 2012-5-21 08:38
事緣樓上住戶近排時常向管業處投訴我家工人朝早做家務時發出嘅聲音滋擾到他們(最初佢地係自己直接來我家按 ...

我讀得書少,唔比意見,精神上支持你.

Dlock亞樂

luxembourg 發表於 2012-5-21 08:38
事緣樓上住戶近排時常向管業處投訴我家工人朝早做家務時發出嘅聲音滋擾到他們(最初佢地係自己直接來我家按 ...

做家務既聲音都滋擾到佢地?? 做咩家務呀??

henry1328

精神上支持你 ! 典解吾揾法援資訊下呢 ?

luxembourg

Dlock亞樂 發表於 2012-5-21 08:50
做家務既聲音都滋擾到佢地?? 做咩家務呀??

普通洗衫(用洗衣機)，拖地，洗廁所果啲。

Dlock亞樂

luxembourg 發表於 2012-5-21 08:55
普通洗衫(用洗衣機)，拖地，洗廁所果啲。

嘩~~~ 呢d家家戶戶日日都要做架啦~~

luxembourg

henry1328 發表於 2012-5-21 08:51
精神上支持你 ! 典解吾揾法援資訊下呢 ?

要返工唔得閒，不過如果情況持續，我睇都要請假搵律師傾下。
我已去信物業管理公司嘅總公司及業主立案法團主席投訴，佢地仲未回覆。

luxembourg

Dlock亞樂 發表於 2012-5-21 08:58
嘩~~~ 呢d家家戶戶日日都要做架啦~~

就係咁樣都投訴先激氣
管理公司又受理呢種投訴先更可惡

Dlock亞樂

luxembourg 發表於 2012-5-21 09:03
就係咁樣都投訴先激氣
管理公司又受理呢種投訴先更可惡

你係咪得罪左佢, 佢同你玩野呀??

luxembourg

Dlock亞樂 發表於 2012-5-21 09:06
你係咪得罪左佢, 佢同你玩野呀??

上年佢地部冷氣機滴水，我曾經向管業處投訴佢地，初時佢地唔認，後來經管業處查證後，証明佢地部冷氣機嘅去水喉脫落導致滴水，後來佢地才死死地氣搵人整，唔知關唔關事﹖

Dlock亞樂

luxembourg 發表於 2012-5-21 09:11
上年佢地部冷氣機滴水，我曾經向管業處投訴佢地，初時佢地唔認，後來經管業處查證後，証明佢地部冷氣機嘅 ...

可能關事喎

有仇口, 真係有排煩~~~~

assusys

我相信要等管業處白紙黑字回信, 再作處理. 你亦要不時催促回信. 呢啲係長期作戰嚟嘅

luxembourg

Dlock亞樂 發表於 2012-5-21 09:19
可能關事喎

有仇口, 真係有排煩~~~~

佢咁小氣都無計

luxembourg

assusys 發表於 2012-5-21 09:29
我相信要等管業處白紙黑字回信, 再作處理. 你亦要不時催促回信. 呢啲係長期作戰嚟嘅 ...

唯有係咁

Dlock亞樂

luxembourg 發表於 2012-5-21 09:45
唯有係咁

遇到d咁小氣既鄰居, 真係黑仔啊!!

唯有自己睇開d, 唔好勞氣, 慢慢作戰啦!! 加油啊!!

luxembourg

Dlock亞樂 發表於 2012-5-21 09:52
遇到d咁小氣既鄰居, 真係黑仔啊!!

唯有自己睇開d, 唔好勞氣, 慢慢作戰啦!! 加油啊!! ...

我媽媽比較勞氣，佢血壓高，驚佢有事。

Dlock亞樂

luxembourg 發表於 2012-5-21 10:10
我媽媽比較勞氣，佢血壓高，驚佢有事。

千祈唔好勞氣!!  要eq高d, 慢慢作戰!!

luxembourg

Dlock亞樂 發表於 2012-5-21 10:13
千祈唔好勞氣!!  要eq高d, 慢慢作戰!!

最衰佢又唔搵環保署上來量度聲音分貝，查清楚咪一了百了。

lawson.

luxembourg 發表於 2012-5-21 08:38
事緣樓上住戶近排時常向管業處投訴我家工人朝早做家務時發出嘅聲音滋擾到他們(最初佢地係自己直接來我家按 ...

首先講下, 香港相關的法例係噪音管制條例
而主要係第4同5 條
第4條
(1) 任何人於下午11時至翌日上午7時，或於公眾假日的任何時間，在住用處所或公眾地方發出或促使發出噪音，而該噪音對任何人而言是其煩擾的根源，即屬犯罪。
(2) 任何住用處所的業主、租戶、佔用人或掌管人，於下午11時至翌日上午7時，或於公眾假日的任何時間，明知而准許或任由噪音由該住用處所發出，而該噪音對任何人而言是其煩擾的根源，即屬犯罪。
(3) 任何人犯本條所訂的罪行，可處罰款$10000。

第5 條
(1) 任何人於任何時間，在住用處所或公眾地方因進行以下活動而發出噪音，而該噪音對任何人而言是其煩擾的根源，即屬犯罪─

            (a) 奏玩或操作任何樂器或其他器具，包括唱機、錄音機、收音機或電視機；
            (b) 使用揚聲器、傳聲筒或其他擴音裝置或器具；
            (c) 進行任何遊戲或消遣活動；或
            (d) 經營生意或業務。

(2) 任何人於任何時間，在住用處所內操作，或促使或准許操作，任何空氣調節或通風系統、或空氣調節或通風系統的任何部分，而發出的噪音對任何人而言是其煩擾的根源，即屬犯罪。
(3) 任何人於任何時間，在住用處所或公眾地方畜養動物或雀鳥，而該動物或雀鳥發出的噪音對任何人而言是其煩擾的根源，即屬犯罪。
(4) 任何人於任何時間，在任何公眾地方之內或附近，為吸引他人注意其貨物、商品或生意而發出噪音，而該噪音對任何人而言是其煩擾的根源，即屬犯罪。
(5) 任何人犯本條所訂的罪行，可處罰款$10000。

就以上咁睇, 第5條應該唔適用, 而第4條適用與否在於時間上
即係咪下午11時至翌日上午7時, 如果唔係都唔關事

初步聽你講, 噪聲都唔應該係好大聲
坦白講, 要証明音量來自你單位, 問題唔難
至於管業處, 佢都係手續要上你度, 唔係佢又會俾人話唔理
所以唔好太過責怪佢

簡單d講, 你去信管理公司係岩的, 等佢覆, 唔覆就變投訴佢唔覆
同時, 可以係io開會時提出, 等有個record
如果你想申請禁制令唔係唔得, 但都幾貴
同埋你要去信管理處, 要佢full set的投訴紀錄
當法庭評定有關投訴係過量的話先會考慮, 所以唔易架
希望以上幫到你啦

p.s., 係自己屋企內理論係做咩都得, 但當然唔可以影響到其他人/住戶啦

Dlock亞樂

luxembourg 發表於 2012-5-21 10:23
最衰佢又唔搵環保署上來量度聲音分貝，查清楚咪一了百了。

查乜鬼~~ 佢有心玩野啦~~

唔好理佢, 希望過一排佢無引就唔玩啦~~~