議員說,他們代表大多數人

哈佬Hello

經常聽到他們說功能組別議員所代表的選民是少數，而他們絕大部分是保皇黨，以議員人數而輪，保皇黨是多數，但以議員所代表的選民人數而輪，民主派是代表大多數，法案如果只是由保皇黨的議員贊成通過，那是違反了大多數選民的意願，特區政府如果只求夠票，保皇黨可控制一切，但卻是一個完全不公平的議會制度，所以「拉布」是無奈的抵抗。 (以上引用某會員的話)

其實,今次拉布,
他們爭取的到底是不是大多數人的意願?
他們到底有咩資格說自己代表大多數人?

---

老實講,你地班人,只不過係比較討d村民歡心之嘛!
又話幫公屋村民起扶手電梯,
又話幫村民向九巴爭取多d班次,
又話起多個郵筒,
又話整d有蓋行人道,
選舉前又例牌有的平價下午茶聚,點心任食...連蛇宴都有!
過時過節又送野食,搞旅行, 等等,等等,講都講唔晒.....
不過最緊要都係 個個星期印海報,貼係大廈告示板,不斷宣傳....

你地的票,都係咁樣得返來之嘛.
但到底係咪你的選民叫你去反對替補機制?

---

明明自己不民主,就叫自己民主派!
你地唔承認功能組別, 其實只不過因為你地無辦法取得功能組別的議員支持啫~
又唔見早十年民主黨拎唔到功能界組的選票?

點解會搞成咁? 唔通真係中央干預?
只不過係人地專業人士,唔支持你班政治小丑,提出既所謂道理之嘛~

唔通人地專業人士的分析能力,真係比支持你果班村民差勁?
要聽你擺佈,就係為咗香港好?

你地唔尊重香港選舉制度.
係都要話全民投票.
到時選出的只不過係較能夠討村民歡心的狗雄(或者正妹~)
香港的前途,就係白白段送係呢d搞民主既初哥!

---

去年民意調查 http://hkupop.hku.hk/chinese/report/appledaily11/index.html其實支持立法同反對立法的人,只不過是勢均力敵.雙方都唔夠半數.
(而且第2題比第4題的結果更加表示支持立法佔大多數)
亦即係話, 你地現在係同緊大多數市民作對! 你哋以後唔好話自己係代表大多數!

拉布,真係唔係問題,
但係你地選擇係呢個蹄補機制道拉布?

班 假民主派, 搞民主派, 仲要支持拉布.....

你地要為今次事件負上嚴重的政治責任.
9月9日大家真係要諗清楚係咪投你地一票.

逗利是佛

Good points!!

補充多兩點:

1) 這次的拉布就是不想從道理上去討論,因為道理上他們自己知道是講不過去的。"自己辭職自己選返"這是香港市民最不滿的,所以他們一直想將個焦點轉去其他地方,所以請大家保持清晰。

2) "議會人數少就是拉布的理由".....如果認同這個講法以後那邊少人就那邊拉布,咁死得啦.....吓吓都係敵我兩分而唔係議事論事,咁好難有前途(這話是對保皇與反皇一齊講的,兩邊都唔應該有咁既諗法!)

ieop1234

Let's kick them out in September ...

wmhk

金翅怒的鳥 發表於 2012-5-14 01:08
經常聽到他們說功能組別議員所代表的選民是少數，而他們絕大部分是保皇黨，以議員人數而輪，保皇黨是多數，但以議員所代表的選民人數而輪，民主派是代表大多數， ...

最趣緻就係曾特首呼籲大多數要服從少數, 咁佢係想話邊一邊呢!

wmhk

逗利是佛 發表於 2012-5-14 02:54
因為道理上他們自己知道是講不過去的。 "自己辭職自己選返"這是香港市民最不滿的

補充多兩點:

真係最唔明白就係2003年50萬人(相信最少有三份一都唔係選民, 因為好多係婦孺)上街就被視為大數, 董伯伯就要腳痛落台; 點解五區重選有五十萬選民投票竟然會被視為少數, 更點可以講"道理上他們自己知道是講不過去的",  全港每次選舉幾十候選人都係得二百萬人左右去投票, 而重選五個人就有五十萬人去投佢地, 平均一個人得十萬票, 咁點可以講係"道理上他們自己知道是講不過去的".  重有, 如果講"自己辭職自己選返"令香港市民最不滿, 咁就真係唔尊重投票嗰五十萬選民啦.

wmhk

金翅怒的鳥 發表於 2012-5-14 01:08
經常聽到他們說功能組別議員所代表的選民是少數，而他們絕大部分是保皇黨，以議員人數而輪，保皇黨是多數， ...

替補機制奪取我們選民的投票權, 破壞孫中山先生的三民主義中的人人擁有的投票權, 當然要反對.  尸位素餐而且腐敗的建制派加上腐敗的特區政府意圖用立法局大多數去奪取我們的投票權, 身為選民的當然支持拉布.

逗利是佛

wmhk 發表於 2012-5-14 08:46
真係最唔明白就係2003年50萬人(相信最少有三份一都唔係選民, 因為好多係婦孺)上街就被視為大數, 董伯伯就 ...

在下又試下從閣下所提出的數字拆解一下,眾所周知,在那個五軀腫臍運動阿爺果邊採取冷對待的方法呼籲唔好去投票,這邊廂出盡力去催票都係催得五十萬票出來,而兄說五人平均得票十萬,咁唔打折扣嘞,當晒呢五十萬有份投票的都係支持佢地既,好未?

兄又說每次選舉均有約二百萬人投票,以扮民主派一直相信的六四黃金比例,扮民主派的支持者約為一百二十萬人,現在得五十萬人出來投票,即這一百二十萬的一半也未有,那幾十萬票又去了哪裡?

香港人一講到錢就理性的,無端端要使咁多錢落一場意義不清而且不大認同的"運動"之上,當時的民調,以及如今的賽果已經反映,不管他們的政治立場是如何,他們都是對這場所謂"運動"是反應冷淡的(本來想說是"不支持",但最後都係決定用較溫和的字眼"反應冷淡"算了,希望較易令你接受吧。)

wmhk

逗利是佛 發表於 2012-5-14 09:29
在下又試下從閣下所提出的數字拆解一下,眾所周知,在那個五軀腫臍運動阿爺果邊採取冷對待的方法呼籲唔好去 ...

立法局五區有成二十個民選議員, 每個議員有其固有的選民, 所以民主派的支持者約為一百二十萬人, 平均每人固有的選民就有六萬個左右, 五區重選每人平均有十萬票已經比六萬票超多出66%, 雖然同是民主派, 比如師兄係支持李柱銘的大多唔會去選黃毓民, 或師兄支持鄭家富的唔一定去投陳淑莊, 所以五個人只有五十萬投票已經係比平均超高的了, 所以五區重選係成功的而唔係好似特區政府話少人支持.

筷子

金翅怒的鳥 發表於 2012-5-14 01:08
經常聽到他們說功能組別議員所代表的選民是少數，而他們絕大部分是保皇黨，以議員人數而輪，保皇黨是多數， ...

嗯,
多謝你提我, 我9月9日一定會投返俾佢地 :)

逗利是佛

sing92633 發表於 2012-5-14 11:04
其實選民於五區總辭中再投票，並下是讚成浪費金錢，而是不滿政制，如果議員無足夠理夠理據而玩辭職，選民是 ...

在下則由始至終都係認為主動辭職者唔可以即刻又走嚟參選,同時亦唔贊成政府最初提的甚麼替補方案。

佢地夠膽就辭職讓個位出來俾同黨中另一賢能出選,又或者讓後生一輩出選也可,咁樣雖然未必可以完全堵塞所有漏洞,但至少可以遏止別有用心的人唔可以肆無忌憚咁燒政府的錢。(當有些人當選舉係一門生意,越多選舉就等於越多生意,師兄便會明白為何有些人會想多幾場選舉,又會明白當政府想修補這些漏洞時為何會刺激到一些人的神經了。 )

逗利是佛

wmhk 發表於 2012-5-14 10:26
立法局五區有成二十個民選議員, 每個議員有其固有的選民, 所以民主派的支持者約為一百二十萬人, 平均每人 ...

支持李柱唔會去投黃毓.....支持鄭家的唔會去投陳淑......?!師兄玩"腦筋急轉彎"咋嘩?!

李柱的投票支持者當然唔會投俾黃毓..... 因為港島選民唔可以投俾九西參選人嘛;同樣鄭家的投票支持者也不會投俾陳淑....

如果照師兄的計法,來屆佢地隨時可以一個帶一個咁入立法會,六席隨時手到拿來添喇,打個折頭都有四、五席啩

谷村富郎

wmhk 發表於 2012-5-14 10:26
立法局五區有成二十個民選議員, 每個議員有其固有的選民, 所以民主派的支持者約為一百二十萬人, 平均每人 ...

200萬人是選民,
50萬是一個不算少的少數。
150萬是一個不算多的多數。
您的說法;支持其它泛民議員的選民不會去投那5個人,這只是您一廂情願的說法,理據是;當時五区公投擺明不是一次正常普通選舉,亦擺明是反對派要落港府面子的一次選舉,除了平時支持建制的選民之外,大都份憎港府的人都會湧出來投票,當然不是100%,但志在打中港政府一記耳光,我是反對派的話一定去投,不管投的是誰。

thor_hfu

香港搞到今時今日咁
怪得邊個？只可以怪自己

Bippwin

wmhk 發表於 2012-5-14 08:46
真係最唔明白就係2003年50萬人(相信最少有三份一都唔係選民, 因為好多係婦孺)上街就被視為大數, 董伯伯就 ...

頂你唔順，都唔知你係想幫佢哋定係想玩佢哋。
人哋都認咗衰，你仲要死拗。

FERNANDO_TORRES

算把啦,樓主擺明偏左,講咩都冇用!

Bippwin

回覆 金翅怒的鳥 的帖子

如果呢單嘢真係大部份市民支持佢哋．
你估佢哋會淨係拉布？
唔發動百萬市民圍立會至奇．

佢哋根本就知單嘢大部份市民都反對，至走漏洞，玩拉布．

macmak

Bippwin 發表於 2012-5-17 15:17
回覆 金翅怒的鳥 的帖子

如果呢單嘢真係大部份市民支持佢哋．

以爛仔教主既做事作風，佢知道叠馬仲會一早去到盡？
所以佢玩拉布原來只想釜底抽薪，博下出位，如果唔係佢仲叫哂班靚去圍立法會？