我的愛情故事一一落紅不是無情物 18

定風波 · 發表於 2012-5-13 23:35:38

本帖最後由定風波於 2012-5-14 00:03 編輯

多年之後

妹妹從美國回來,告訢她離婚了.
她說:
"哥,你只愛你第一個女友!"
.......
"後來她移民,你在港讀大學,大學畢業後千方百計找了份可以調到美國工作的工"
"年幾之後你一人回港,什么沒說,我們只知你二人分了手"

"當年在美國發生什麼事, 昨晚已經講左你聽啦"

"咁你仲記唔記得回港後事情呀?"
"一的的啦"

定風波 · 發表於 2012-5-13 23:36:59

"當年你回港冇耐就開始病,發燒,而且愈來愈高,入了医院,
医生只道是有些病毒入了血,却驗不出什么,
打針食藥都沒用,情況繼續惡化,人也迷迷糊糊,
我剛好放暑假回來,看見你那樣,很傷心,
沒辦法之餘,也就打了個電話給芸姐,
希望她能見見你."

定風波 · 發表於 2012-5-13 23:37:58

"芸姐那時剛新婚,但二話不說就立即飛了回來,
那早上我去接她機,芸姐沒帶行李,我們從機場直到医院,
芸姐入ICU探你,我只在外面等,
隔住玻璃窗見芸姐跟你說話,但你只閉著眼,像聽不到.
後來,芸姐起身,上半身伏了在你身上,擁抱了一會,在你額頭吻了一下,
再在你耳邊說了一句話,就推門出來,離開医院直去機場,
搭下班機飛回美國了."

定風波 · 發表於 2012-5-13 23:38:34

"是湊巧定芸姐刺激了你,我不知,只知芸姐走後第二日,
你就開始好轉,漸漸康復了.
康復後,你却像完全忘記了芸姐這個人,
我們都不敢在你面前提起她,怕你又再病.
曾經旁敲側擊,問你記不記得病危時誰來過,
但你却完全沒印象."

定風波 · 發表於 2012-5-13 23:39:48

"至於芸姐,畢業後却從未演奏過,
只偶然收幾個學生教教琴,消磨時間.
她丈夫有一次在医院鬧了點婔聞,
芸姐第二日就搵律師辦了離婚,
奪去了他全副身家, 但他將會承繼的家族資產就一分錢都沒要,
離婚後芸姐搬了去Ontario長住,直到現在.
多年來芸姐沒有生過兒女,據說是結婚前已講好的."

定風波 · 發表於 2012-5-13 23:42:42

"哥,若你不再恨她,找找芸姐吧".

"妹,我從未恨過芸,畢竟她將最寶貴的給了我,比我給她的多十倍,
不過我而家.............."

"哥,唔洗講啦,你既野芸姐知架,咁多年,佢都有問下我關於你既事"
"拿今轉我返到美國之後,打電話俾芸姐睇下佢點先啦"

定風波 · 發表於 2012-5-13 23:43:27

如是,一過又已經兩年有多

定風波 · 發表於 2012-5-13 23:45:02

食左午餐,正在飯氣攻心,釣魚之際,手機响起,
執起聽,原來呀妹打來.
"哥,明早接我機"
"咩話,有冇搞錯,唔預早講,而家先話我知!"
"而家咪預早囉,都未夠鐘上機"
"咁叫預先? 唔得呀,聽日呀忠約我上常平呀!"
"我唔理你約邊個,總知你一定要, cx頭一班溫哥華返"
"你住美國做乜經溫哥華返呀?"
"哎,想唔講埋都唔得,我同芸姐一齊返呀!"
"唔早响!""
"本來完全唔講,等你驚喜下,不過驚你真系去左打哥扶先焗講咋,咁你來唔來機場呀?"
"來,,,,,來,,,,,,,,一定來!"

定風波 · 發表於 2012-5-13 23:45:57

唔洗瞓晏覺啦,都醒晒囉!
三把兩撥清晒手頭工作,
就吩咐秘書仔呢幾日唔返公司,
叫佢有急事就打俾我,跟住走人
咁急?因為趕去柒頭髮扮靚.
返屋企前經過屈人寺,入去執番盒MASK,
臨瞓前做做FACIAL, 希望見到芸自己個樣冇咁殘啦.

定風波 · 發表於 2012-5-13 23:46:55

接左機,問,住邊間酒店,
芸話,"返舊屋嗰度得啦"
"唔系拆左重建咩?"
"系,發展商俾番一間,同時補左一筆現金"
"咁世伯當年嗰關咪過左囉?"
"嗯"

定風波 · 發表於 2012-5-13 23:48:30

本帖最後由定風波於 2012-5-13 23:50 編輯

安頓好行理,就同芸走出屋外行下.
周圍已經唔同晒,不過有的地方都仲有當年影子.
行行下,到了那家紅磚屋餐廳,
芸問:"當年你生日我請你嗰間?"
點頭,推欄杆入去.
正是:

多年未曾試  舊地重遊
挽手耳邊輕輕問  當年邂逅是這兒? 執子手進.
貪杯嘗玉液  迴味當年
猶幸今天情未了  酒意三分眼朦朧 , 此刻最美.

定風波 · 發表於 2012-5-13 23:49:31

那夜,沒有走,
懷裡的人,這麼陌生,又是那麼熟悉.

定風波 · 發表於 2012-5-13 23:51:51

手,正進一步行動時,却摸到芸肚皮上的一條疤痕!
"芸,這是....?"
"妹頭叫我返來,就系叫我自己同你交代呢件事,話系我欠你既"
"咁......."
"我割左子宮啦!"
"咁大件事,點解唔同我講?"
"我唔想你知囉"
"咁幾時既事來架?"
"你病完好番冇耐"
"咁點解會咁架?你幾時知有問題架?"
"好耐啦, 你仲記唔記得有次呀爸飛過來紐約?"
"記得"
"佢就系帶個病理報告過來,叫我去JOHN HOPKINS搵專科問SECOND OPINION囉"
"咁實在系咩問題?"
"子宮有個瘤,本來都問題唔大,但唔可以有BB"
"咁點解唔同我講姐?我唔介意架,你知我架!"
"就系知,先唔得,你屋企先得你一個仔!"
"芸....................."