ϔ 罌粟花 ϔ

張家輝 · 發表於 2012-4-30 16:23:02

$Royal_British_Legion\'s_Paper_Poppy.jpg$

最近同四台一位師兄談及有關戰事既紀念日，令我諗起細個時見過既一款膠花，除左慈善賣旗，大家仲記唔記得有呢樣呢？

以前係英國，每逢10月底11月初，都有好多英國人係心口前戴朵紅花，款式同細個時見過既一樣，但唔明點解要戴，後來先知道係英國為左紀念一戰、二戰，同所有係衛國維和戰爭中陣亡既將士，並為傷殘貧窮既退伍軍人同軍眷做慈善捐募活動既標誌。

原來，果支比人戴係胸口前既紅花就係罌粟花。罌粟花比人既感覺一向都係鴉片、嗎啡、海洛英同可卡因呢D毒品既原料。點解英國人用呢種花作為紀念同慈善活動既標誌？

原來罌粟花成為紀念陣亡將士之花，係因為加拿大一位軍醫既一首動人詩歌 - In Flanders' Fields(佛蘭德斯戰場)

佛蘭德斯位於法國北部同比利時西南部，係兵家必爭之地，第一次世界大戰期間，幾次奮戰都係發生係果度。為抵抗德軍進攻，無數聯軍戰士獻出生命，從而埋葬係佛蘭德斯既地下。第二年既春天，一大片紅罌粟花盛開，覆蓋左整個戰場同戰士既墓地。

1915年10月，加拿大一名軍醫約翰．麥克瑞(John McCrae)中校，奉命前往弗蘭德斯接收加拿大陣亡將士。佢目睹呢個戰場既慘狀，目睹紅透既罌粟花，係悲傷同激動之下，寫左13行詩句，以紀念為正義之戰獻身既戰士，亦激勵到更多年輕人奮勇作戰，呢首詩同時亦蘊含左反戰爭，嚮往和平既心聲。軍醫寫下一首傳世名作，呢首詩道出左千千萬萬戰士既心聲，亦好快以民歌既形式係前線同後方廣為流傳。

受呢首詩歌既影響，美國人Moina Michael開始佩帶罌粟花黎紀念戰死既戰士，佢亦出售罌粟花，將賺得既錢用於幫助傷殘既退伍老兵。

１９２０年，一位法國婦女開始出售手工製既罌粟花，集資用於幫助第一次世界大戰後既孤兒。

後來前英國司令官馬歇爾(Field-Marshall Earl Haig)亦鼓勵用賣紙罌粟花黎資助退伍軍人。

就係咁，加拿大，美國、英國、法國，以罌粟花作為標誌既「陣亡將士紀念日」，陸續建立並保持成為傳統，英國第一次「陣亡將士紀念日」係1921年11月11日舉行，每年一度，延續至今，已經有80多年。

「佛蘭德斯戰場」中文譯文如下：

在佛蘭德斯戰場上，罌粟花隨風飄蕩，

十字架林立的墓地，

就是我們居住的地方；

雲雀仍在天空中翱翔勇敢歌唱，

槍聲卻不再作響，

不久前，我們戰死沙場；

我們曾經活著，