理大創作新人王 留學德國搵外快

3ii

麥朗悼念喬布斯而創嘅剪影（上圖）令佢一夜成名，而家更獲可口可樂青睞，設計嘅平面廣告已經出街（下圖）。

蘋果教主喬布斯之死，成就咗理大學生哥麥朗登上國際殿堂，躍變全球矚目「創作新人王」。去年憑一幅悼念喬布斯嘅剪影創作一夜成名，更獲可口可樂垂青，創作平版廣告。

麥朗早前獲國際公關集團奧美委託，為可樂設計全球營銷活動「 Open Happiness（快樂暢開）」。佢再次以簡單拼合設計，只用紅及白兩種顏色，將可樂經典曲線瓶融入創作。「我唔認為呢個就係我嘅作風，我只係喜歡透過拼湊不同元素，搞個笑，引起大家注意」。
設計國際化

他目前留學德國，幸有呢個「外快」幫補生活費，但拒絕透露酬勞金額。坊間流傳好多創作公司向麥朗招手，奧美中國首席創意長樊克明話一定要同呢個「小伙子」合作，更大讚其設計十分國際化，「從上海到伊斯坦布爾，這個設計完全不需要做任何改變」。

蘋果日報

3ii

有無人知，早前佢吾係比人話抄人外國設計的logo咩？

dailunwor

係呀，是一個英國的設計師，不過其實這類的設計，由兩個元素的發展，還具像到這程度，我想很多學生也創作到，所以世界上隨時十個八個人做過出來，並不一定抄襲。

主要是傳媒的炒作。