386中石化

色途幼幼 · 發表於 2012-4-28 12:13:22

回覆巴拉飛的帖子

我鬼識咩只不過當年蒙牛一面世係冇人睇好
但係後來人人都飲蒙牛好飮又平
當年好多科學家研究過點解中國牛奶會好飲過其他
加上平好很多所以呢場商戰注定蒙牛赢

巴拉飛 · 發表於 2012-4-29 04:00:13

Yim 發表於 2012-4-27 01:03
以前的瘀事就消提. 稍為有成績的就有$47.5買和黄,$74.5沽. $1.9買吉利而$3.2沽. 最近買入的有2.91買 ...

要買藥股合理d揀買874,再進取d揀3933...前者早陣子出的與白雲山藥業的合併方案,是小弟所看見措詞極罕有強硬的合併方宗,雖則話點對點不存在對誰有着數,但以1股白雲山換0.95廣藥A股或收取11.55人仔,似乎真的很平等,但細看白雲山預計PE為18.8,廣A為30.6PE,廣A已可最少已是提升資產淨值(以高PE收購低PE),而白雲山10年賺2.2億,11年升28%賺2.8億,都幾高速增長,而合併後利潤率由7.6%增至10.2%,市值由48億增至84億,此兩點幾受市場歡迎,提高利潤率當然皆大歡喜;而市值加大因內地藥業是一定要做大先有得做。加上874一直對A股存在較大折讓,應該隨今次重組之後收窄,而重組要停牌的874當時做6.07,而日子是4/11/11,當時整個市場相當低迷,就當無重組,補脹都唔止值7.3?

可以參考這段文http://news.hkheadline.com/daily ... name=wtt&kw=176

至於3933啱啱供股,大股東都跟,雖然之前可能條數放大咗,但籌7億幾之中,大股東都跟4億幾,話就話還部份短債同應付蒙古廠房開支,亦不失為大股東低位增持契機。我諗買呢兩隻都好過460掛?大家可以俾D意見

巴拉飛 · 發表於 2012-4-29 05:13:42

色途幼幼發表於 2012-4-28 12:13
回覆巴拉飛的帖子

我鬼識咩只不過當年蒙牛一面世係冇人睇好

大家當吹下水,唔洗太認真

但小弟覺得其實唔止2319,連其餘兩家伊利同光明一直以來都唔算做得好。呢3巨頭在咁壟斷的市場環境(三聚青安,同舊年出事後,2319都似無事咁款,強國人民繼續飲強國的液體奶...三聚青安後,強國牌子的液體奶已在香港超市絕跡),竟合共只賺40幾50億,當只有3億強國人飲奶,而毛利率達25%下,可想而知做得幾差!最攞命係2319自中糧做大股東後,雖然將實行大改革,但未來1-2年犧牲盈利及股東利益似乎難免...
2319將會在3-5年用30-35億建自家牧場,並會生產自家飼料來控制質量,相對2319去年所賺的16億,呢條數唔可以話少,係資本開支期,又要怕比外資搶佔市場,而且液體奶又無奶粉咁好賺,就算做奶粉,我諗係呢2,3年都怕無人敢信國產野。再睇佢舊年份績,收入373億升23.5%,但純利雖升28%只有16億,除廣告費開支28.4億同埋稅外,其餘的經營成本可知幾緊要。
而中糧喺09年入股時話3年內不會插手經營業務,剛好今年3年期到鳥,2319十大原創人已經離隊,最近亦有新CEO上場,而且2319寫字樓亦搬去506同606所在的鵬利中心,改革已經正式展開。寧高寧(中糧集團董事長)都講明企業要重質量,其次為規模,最後才是盈利。小弟覺得咁發展雖然絕對正確,不過既然管理層講明求質素而放棄股價,最少未來1年都唔應該買囉。至於契機我相信出於控股權上,現在大股東中糧持28.09%,銀牛(原創者)持12.73%,瑞銀同摩根d投行共持15%左右(可以唔駛理),當中糧增持至30%以上要提全購時,就是買入2319的時候,到時股價最保守都應該係20蚊樓下,合理就係15蚊到,嗰時隻股就會飛天,中糧蒙牛成為強國奶類市場大阿哥的機會好大,最少目前個市場絕對未盡開發、市場又夠壟斷、中糧往績又好又係吖爺親生仔,到時幾值得長期持有,望贏幾倍。

Yim · 發表於 2012-4-29 17:15:30

巴拉飛發表於 2012-4-29 04:00
要買藥股合理d揀買874,再進取d揀3933...前者早陣子出的與白雲山藥業的合併方案,是小弟所看見措詞極罕有強 ...

再次多謝師兄詳細中肯的分折. 看來小弟有必要重新檢討組合, 和作出調整.

3ii · 發表於 2012-4-29 17:18:16

巴拉飛發表於 2012-4-29 05:13
大家當吹下水,唔洗太認真
但小弟覺得其實唔止2319,連其餘兩家伊利同光明一直以來都唔算做得好。 ...

你好勁呀

巴拉飛 · 發表於 2012-4-29 17:22:03

3ii 發表於 2012-4-29 17:18
你好勁呀

吹吓水啫!咪太認真,搞到師姑面紅就5好

3ii · 發表於 2012-4-29 17:24:42

巴拉飛發表於 2012-4-29 17:22
吹吓水啫!咪太認真,搞到師姑面紅就5好

近排有咩好股值博？

巴拉飛 · 發表於 2012-4-29 17:26:57

3ii 發表於 2012-4-29 17:24
近排有咩好股值博？

穩陣d定搏命先?

3ii · 發表於 2012-4-29 17:28:31

巴拉飛發表於 2012-4-29 17:26
穩陣d定搏命先?

穩陣又講下
博D又講下
thx

巴拉飛 · 發表於 2012-4-29 18:04:14

穩陣d咪906,包装業務原本就穩定,要有突破就要靠擴充同併靠,商品類型d產品,要規模效應做大。而906正在擴充中,可從其中期績的負債比率由1.7%增至26%看出來。中期績時收入21億;年終時43億沒太大走樣,較很多行業優勝;純利半年1.36億;全年2.85億,控制成本做得好的原因是馬口鐵同二片鋁跌價,呢度要提防反彈,影响毛利,當然它亦有轉嫁能力。
國策上,食品安全重點工作安排,亦有編幅講開展餐具、包裝材料專項,對906呢d大廠有利得多,小山寨好難再做。而906的容戶有可口可樂,加多寶(紅罐王老吉),而公司在擴充中,利息成本亦會較低(有1億人仔仲係向中糧財務有限責任公司借),而公司亦講未來兩三年鋁罐包裝增加250%,906由5.39上市16/11/09,翌年1月炒到最高11.4,而家業績會好過嗰陣,以今年純利30%左右增長,買唔買就自己諗嘞。