大家有什麼方法制止領匯瘋狂加租？

sex4fun8

起初領匯接手房署旗下商場時，好多人都贊同，因為環境真係改善咗，管理係好咗，當時租金雖然有加，但都算有個譜。

依家領匯大股東全部都係d基金佬，個個都想賺到盡。 無晒約束，佢地想點加就點加，一個舖本來租開四千，之後開價四萬，唔走再開價十四萬，咁叫d小商舖點維生？

政府是否應資立法規管加租上限?

政府是否可以在領會轄下商場附近，利用空地廣場，在不阻礙居民正常生活情况下，動用部份公共空地，供合資格小市民從事一些小買賣，做好管理，給低收入戶們一条出路，又可形成香港舊時市况特色，最主要是給大商場有競爭壓力？

大家有什麼方法制止領匯瘋狂加租？

肥叔叔

1) 我唔多清楚領匯同政府, 係商業關係, 定係點樣管理合約關係

2) 領匯好似只管轄一部份既商場

3) 租唔起領匯,  可唔可以投標房協管轄既商場

4) 大家唔知(租開四千)既舖, 係幾耐以前既事,當中有無涉及(什麼特別資助)既商戶,  
如果唔係, 4千租一個舖, 平到咁唔REASON,  我假設商戶只做間士多仔,  但佢一定已經發左達

5) 如果同一個商舖, (市值租金)可以升到去超過十萬, 同我手頭旺角太子地鐡口既租金一樣,  
咁即係過去日子, 政府收少左好多好多應收既市值租金 ?

6) 供求問題,  就算大財團以高昂租金, 租哂小商戶舖位,  再以高昂售價, 彌補租金支出,
但都要屋苑居民消費得起至OK,  如果無人幫襯,  大財團都要執笠,  但如果屋苑居民消費得起,
對民生無特別影響,   咁.... 領匯錯在那裡  ?

7) 其實,  屋邨入面既商場舖,  原意係為左方便(當地居民) ?  定係為左(幫小商戶做生意賺錢) ??

8) 如果話個別小商戶, 日常賣既貨品生意唔好, 少人買,  但因為4千蚊超平租金至有得(捱住先),
咁即係,  小商戶賣既貨, 跟本滿足唔到居民需要,  小商戶自己亦搵唔到食,
咁樣, 政府/納稅人應唔應該繼續以超平租金補貼搵唔到食既商戶(捱住先) ??


以上只係小弟聯想到既情況,  我唔識評價邊個岩唔岩

sex4fun8

煩惱 發表於 2012-4-16 21:01
問題係... 點解要去阻止？

多謝鼓勵！

是有點予盾。在乎觀點與角度。

領匯不同於時代廣場或海港城， 領匯事件所衍生的是實在的香港民生問題, 即肉菜市場的出租及管理, 拍車位的出租及管理等。

sex4fun8

回覆 肥叔叔 的帖子


多謝肥叔叔詳盡分析。

1) 我唔多清楚領匯同政府, 係商業關係, 定係點樣管理合約關係
sorry 小弟亦無深入了解，只覺不平，想加把口。

2) 領匯好似只管轄一部份既商場
吾知。

3) 租唔起領匯,  可唔可以投標房協管轄既商場
我諗有淨既都係豬頭骨多。

4) 大家唔知(租開四千)既舖, 係幾耐以前既事,當中有無涉及(什麼特別資助)既商戶,  
如果唔係, 4千租一個舖, 平到咁唔REASON,  我假設商戶只做間士多仔,  但佢一定已經發左達
有道理。

5) 如果同一個商舖, (市值租金)可以升到去超過十萬, 同我手頭旺角太子地鐡口既租金一樣,  
咁即係過去日子, 政府收少左好多好多應收既市值租金 ?
師兄太有米了。

6) 供求問題,  就算大財團以高昂租金, 租哂小商戶舖位,  再以高昂售價, 彌補租金支出,
但都要屋苑居民消費得起至OK,  如果無人幫襯,  大財團都要執笠,  但如果屋苑居民消費得起,
對民生無特別影響,   咁.... 領匯錯在那裡  ?
自由經濟，市場調控。 最怕官逼民反，再想補救時已為時已晚！

7) 其實,  屋邨入面既商場舖,  原意係為左方便(當地居民) ?  定係為左(幫小商戶做生意賺錢) ??
平恆雙方亦無壞啊！

8) 如果話個別小商戶, 日常賣既貨品生意唔好, 少人買,  但因為4千蚊超平租金至有得(捱住先),
咁即係,  小商戶賣既貨, 跟本滿足唔到居民需要,  小商戶自己亦搵唔到食,
咁樣, 政府/納稅人應唔應該繼續以超平租金補貼搵唔到食既商戶(捱住先) ??
係，但領匯已經走火入魔了。

以上只係小弟聯想到既情況,  我唔識評價邊個岩唔岩
其實我都吾識

肥叔叔

sex4fun8 發表於 2012-4-16 22:24
回覆 肥叔叔 的帖子

我暫只回應返上面 5),  你都知小弟係做地產工作,  我意思係指(我手頭業主放租既租金資料)
當然唔係我有舖收租

sex4fun8

肥叔叔 發表於 2012-4-16 22:30
我暫只回應返上面 5),  你都知小弟係做地產工作,  我意思係指(我手頭業主放租既租金資料)
當然唔係我有 ...

Sorry, 題外話，
肥叔叔可否指教一下小弟工廈現水平如何？

肥叔叔

sex4fun8 發表於 2012-4-16 22:37
Sorry, 題外話，
肥叔叔可否指教一下小弟工廈現水平如何？

我主力住宅,  工商要請教 煩惱 & 454 巴打
我可能稍後都轉工商

yk8686

啱啱今日先討論完自由巿場不應多加干預，咁快又有同樣嘅問題。
當自己覺得唔公平就想干預巿場，他日別人覺得某人賺得多又去打壓某人嗎?我反而覺得當日應否把管理權給領

sex4fun8

yk8686 發表於 2012-4-16 23:04
啱啱今日先討論完自由巿場不應多加干預，咁快又有同樣嘅問題。
當自己覺得唔公平就想干預巿場，他日別人覺 ...

咁師兄認為政府買返領匯又是否可行?

yk8686

從控制租金方面看，變回公營當然可以，但前題是有必要嗎?又係返去應否干預巿場嘅問題

454

sex4fun8 發表於 2012-4-16 23:44
咁師兄認為政府買返領匯又是否可行?

我吾太色

但....家下炒到貴嘥先...買返 ????

當日 中信太富 ( 有 東睡  , 西睡 )...個 股價 跌到 PK....

好多人叫正苦買番 ..... 最後又係算..............

lawson.

肥叔叔 發表於 2012-4-16 21:06
1) 我唔多清楚領匯同政府, 係商業關係, 定係點樣管理合約關係

2) 領匯好似只管轄一部份既商場

我都有少少意見

1) 我唔多清楚領匯同政府, 係商業關係, 定係點樣管理合約關係
其實係房署將屬下商場賣左俾領匯, 正苦同小巿民做左股東, 所以領匯點管理個商場都得

2) 領匯好似只管轄一部份既商場
係, 因為房署無賣哂所有商場

3) 租唔起領匯,  可唔可以投標房協管轄既商場
當然可以啦, 自由社會, 想租冰度都得

4) 大家唔知(租開四千)既舖, 係幾耐以前既事,當中有無涉及(什麼特別資助)既商戶,  
如果唔係, 4千租一個舖, 平到咁唔REASON,  我假設商戶只做間士多仔,  但佢一定已經發左達
以前房署的鋪, 目的係為方便巿民(因為好多係新巿鎮), 所以會用比較平租去吸引租戶
同埋租戶的營商類型係要符合房署的規定(每樣有d), 所以租金會平d

5) 如果同一個商舖, (市值租金)可以升到去超過十萬, 同我手頭旺角太子地鐡口既租金一樣,  
咁即係過去日子, 政府收少左好多好多應收既市值租金 ?
由於係有其因原因, 所以算係半政策上的處理, 加埋咁的因素咪唔算收平左

6) 供求問題,  就算大財團以高昂租金, 租哂小商戶舖位,  再以高昂售價, 彌補租金支出,
但都要屋苑居民消費得起至OK,  如果無人幫襯,  大財團都要執笠,  但如果屋苑居民消費得起,
對民生無特別影響,   咁.... 領匯錯在那裡  ?
我同意呀, 佢都要同股東交代, 作為一個商業機構, 點可以賺錢, 或者貼錢益你

7) 其實,  屋邨入面既商場舖,  原意係為左方便(當地居民) ?  定係為左(幫小商戶做生意賺錢) ??
正如上面所講, 我會覺得係方便居民, 否則點解政府要幫你賺錢

8) 如果話個別小商戶, 日常賣既貨品生意唔好, 少人買,  但因為4千蚊超平租金至有得(捱住先),
咁即係,  小商戶賣既貨, 跟本滿足唔到居民需要,  小商戶自己亦搵唔到食,
咁樣, 政府/納稅人應唔應該繼續以超平租金補貼搵唔到食既商戶(捱住先) ??
同意, 點解要用我d錢俾佢地蝕呀

以上只係小弟聯想到既情況,  我唔識評價邊個岩唔岩

以上都只係小弟的小小愚見

lawson.

其實我會覺得, 當初賣俾領滙, 係因為果d商場入王敷支

搞到房署要貼錢, 由於房署係半公營機構, 佢都要收支平衡

因此佢就會有須要加租, 商住都係, 去達至收支平衡.,

但加租一定俾人罵, 所以就搞間領匯出黎, 將商場以商業角度管理

而大家又可以買股票分享收益

但既然變左商業機構, 咁無可避免就要以商業角度去做生意

所以唔可以話佢錯, 如果益左小商戶, 班股東無息收, 股價跌咁佢又點交待呢

都係果句, 無一樣野會岩全世界口味

你想鬧總會有野俾你鬧到, 問題係咪好似班seafood議員咁

只識鬧, 而又唔諗點去改善呢

肥叔叔

黑仔神 發表於 2012-4-17 11:47
其實我會覺得, 當初賣俾領滙, 係因為果d商場入王敷支

搞到房署要貼錢, 由於房署係半公營機構, 佢都要收支 ...

鬧人 挑剔骨頭, 邊Q個唔識 ?

tahitienne

真係唔係三言兩語可以講得清楚對與錯,  本人覺得公屋商場同公屋一樣,  本身係服務一般社會上比較貧窮0既人.  以前公屋商場可以幫助市民創業從而改善生活.  今日在領匯旗下一般市民仲可唔可以呢??  

(本人立場 : 難為正邪定分界)

肥叔叔

煩惱 發表於 2012-4-17 12:24
領匯的確係好衰 ... 成日加租又留難 d 租客 ... 但邊個大業主 5 係咁 ? 而且租客係除咗有著數 (如一幅減租 ...

點辣法,  教下小弟

肥叔叔

煩惱 發表於 2012-4-17 12:46
新地好多場 ... 刀有分店舖營利 ... 呢點你知 5 知先 ?

唔知喎, 禾無接觸過呢啲大野商場  

lawson.

tahitienne 發表於 2012-4-17 12:24
真係唔係三言兩語可以講得清楚對與錯,  本人覺得公屋商場同公屋一樣,  本身係服務一般社會上比較貧窮0既人. ...

係個源頭問題

點解要幫人創業呢??

賺就就好啫

蝕左又點算

我諗大家都仲記得

正苦的置業貸款

當年俾人話好心做壞事

搞到人變負資產呀

lawson.

煩惱 發表於 2012-4-17 12:46
新地好多場 ... 刀有分店舖營利 ... 呢點你知 5 知先 ?

點只呀

好多時仲要商戶夾錢搞promo

裝修一定要跟佢地要求

tahitienne

回覆 黑仔神 的帖子

做生意當然冇話實賺,  但我而家講緊0既係機會,  以7,80年代正苦正正就係提供左呢d機會, 讓有能力0既人富起來,  亦帶動左經濟發展.  

所以我好清楚強調公屋同公屋商場0既對象係社會上0既低下階層而非大型私人屋苑0既住客.