[轉] 我的10年炒樓經驗, 從8萬炒到500萬

bussy · 發表於 2012-4-15 09:58:58

以下內容為轉貼　內容真假請自行判斷
文章都幾有趣, 不信的就當成是小說看吧　

註:此文待續是作者仍未寫, 如作者有更新會補加

今日我終於擁有1層價值200萬的村屋. 但各位吳好誤會, 我尼間屋係1次過full pay, 並吳係仲要供幾十年. 亦吳好以為我係資老豆剩下大把果d, 我都想我係富2代, 但我無咁好運. 我買尼間屋實際上只係用左8萬, 但吳係宜家的8萬, 而係02年的8萬; 因為02年我就住8萬開始炒樓, 炒左十幾轉先可以1次過full pay買尼間屋, 而且我炒尼十幾轉都無做過按揭, 吳係我吳想按, 而係根本無銀行受我玩. 睇到尼度你係吳係系度諗:小喇叭02年8雞野買大陸爛尾樓都吳得啦, 仲吹到無做按揭系本港炒樓. 但我真係做到, 而且我緊係覺得有d 趣味先寫出來同大家分享下, 因為每次買樓賣樓都有d古怪野, 順便踢爆d 經己的古惑招.
我記得02年我銀行戶口得12萬, 我就系度諗12萬可做d乜.( 出來做野成10年先蓄到12萬, 我都吳知自已係大使定係系香港係咁能悲哀. )有1日我無無聊聊系度睇東方日報, (當時我凈係睇娛樂新聞, 果d甚麼時事, 政治, 財經關我尼d窮西春事咩?), 睇睇下我就立到個分類廣告, 寫住深水唐樓200尺售10萬. 跟住我就諗試下打電話去問下都好, 自已當時成3張野仲黐住屋企人住, 好似吳係咁好, 如果係堅, 買左搬出去, 同條女攪野都方便d, 第日衰極都叫做有個竇, 吳使訓街. 打完電話就約左個地產婆下午去佢深水間鋪度, 再帶我去睇. 我從屯門出發搭左成個鐘巴士先出到去. 跟住個地產婆就帶我行去睇樓, 沿途我起勢問佢個單位系邊同唐幾樓? 佢就話好近姐, 轉個灣就到吳係好高咋. 結果我地行左20分鐘先到樓下, 最命係到左樓下佢先話我知係唐九樓, 當時我真係好想問候佢娘親. 唉! 都俾佢點能左來, 吳在上埋啦. 跟住我就撐左九層樓梯上到9/f, 系度扯哈, 點知佢行到上來話未到, 仲有1層先到. 佢xx邊條曲街玩d咁硬膠的文字遊戲, 中文九樓即係10/f. 死死地地上多層, 差d暈咁滯, 心諗仲話第日帶條女上來攪野, 就算條女肯同你撐上來咁傻, 上到來自已都腳軟兼無力啦.
終於到左單位外面啦, 個地產婆打開單位的鐵閘, 我1睇入面只係得1條2尺x3尺的走廊, 走廊上就有3度房門. 我就問個地產婆: 嘩! 尼d咩屋來駕? 咁樣? 跟住佢就解釋我知, 原來尼d叫分契樓, 原本閘入面係1個600尺的單位, 以前的業主把單位分成A, B, C 3個1房1廳200尺的細單位, 再搵律師分契每個細單位擁有原單位的1/3業權. 跟住佢就開左A 房俾我睇. 入面所謂的1房1廳其實係1個6尺X20尺的長方形, 廳約長9尺近門口放左個2尺X4尺的灶柜, 中間3尺撊左兩幅板做所, 最入就係約8尺長的房, 成間野得房有1個窗, 即係話要經過所先入到房, 吳開燈個廳直頭睇吳到野, 個房放完張床就企都無位. 咁Q樣, 點買呀? (但之後我又買左喎, 點解, 我明天再續寫.)
睇完尼個騎呢的單位, 我真係想郁手個地產婆, 下午3點都吳知去邊. 於是就系深水其它地產鋪度睇下有無其它單位, 就算租都好過成黐住屋企咁裙腳仔. 睇左4,5個類似的單位, 個個都大同小異無乜分別, 但就知道左尼類單位租金約$1000-$1500月租.
夜晚我返到屋企. 無聊得滯就打電話俾我系廣州的妹妹傾計, 講開尼單野, 我妹1聽完就叫我買左個單位; 佢話吳買來住, 就算買來收租都好好回報, 有成12厘. 認真諗我妹都講得, 我的錢放系銀行十幾年好似1元利息都未收過, 如果買左收租個個月多千靚銀都幾過引. 於是我就打電話俾地產婆覆價6萬, 點知地產婆毫不客氣咁話我痴; 跟住我就話無理由講下價都吳得, 我真係有心買; 地產婆就話佢要同業傾下, 一陣再覆我. 過左1個鐘地產婆打來話幫我講到8萬, 我當時就系心入面15,16咁諗緊無出聲, 點知地產婆見我吳出聲就彈左句, 如果想再平D, 明日就約埋業主一齊去佢鋪頭, 幫我一齊慢慢磨低業主個價. 我1聽, 就緊係OK啦.
第二晚落我依約落到地產婆間鋪, 見到佢同業主兩夫婦. 業主夫婦年紀大約65左右, 一眼就睇出係辛辛苦苦挨左成世兼死慳死抵先夠兩餐果種人.(宜家諗返轉頭, 其實我當時同佢地都差吳多) 地產婆介紹完之後就開始左呀之麼落哥的講價過程. 講左成半個鐘, 地產婆講到我好似孤兒咁慘, 業主都吳肯減; 無計可施之下地下地產婆叫我即刻1萬CASH放系佢地面前, 尼招果然使得, 業主老婆即時兩眼發光幫手勸佢老公減到7萬. 情形有D似電影國產凌凌漆周星馳住1舊水饋路公安咁. 就咁攪掂, 7萬成交, 即時落1萬CASH訂金簽臨時買賣合約, 1個月後上律師樓交吉. 根據合約我要俾1萬佣金過地產婆, 業主又要俾1萬佣金, 佢老豆成單野8萬有2萬落左地產婆個袋, 計埋1個月後交吉的律師費$5000我總共用左老懞董個數$85000, 但業主夫婦實際得$55000 (佢地都要俾$5000律師費). 無計窮就注定俾人剝削駕啦, 吳想俾人剝削就只有剝削窮過你的人, 你話悲吳悲哀.

bussy · 發表於 2012-4-15 09:59:46

一個月後我同我妹上律師樓攪手續, 俾完尾數, 隔左幾日先再上去收鎖匙.我買尼個單位係用我妹妹名義. 第1我妹係大陸人, 尼舊樓咁殘有乜野跌落街, 親人都好難追究到我妹. 第2我妹吳系香港, 有起事來, 對我有利的我可以即時決定; 對我不利的, 我可話佢吳系香港, 拖得就拖. 第3我妹又可以用尼個單位做藉口申請來香港辦事. 收左鎖匙, 我就拿拿臨復制左十幾條, 跟住落深水每間地產派1條, 放租又放賣. 放租就$1500, 放賣就16萬.
過左幾日有個AGENT打來話有租想租, 叫我落去傾租約. 其實我知道無咩好傾, 只不過個租客想平D, 不過我都要睇下個租客係咩人先決定租吳租. 我就話收工落去. 於是果我特登早D收工. 去到AGENT間鋪, 個租客已經系度, 個AGENT巡例介紹我地認識. 租客係1個約35的偏肥師奶, 1睇就知佢係大陸嫁來香港, 但又運氣吳好, 嫁正個衰佬果只. 果然, 佢真係嫁過來的; 但佢比我估計仲慘, 佢老公吳係衰, 而係去左賣蛋, 仲留個6囝囝, 宜家靠綜援生活. 我見佢咁慘, 就減左1舊水咁大把俾佢, 即係$1400成交. 系就來簽租約果陣, 佢突然問我租約同以後的租單可吳可以寫租金係$1600, 並且仲想向我人解釋原因. 我即刻叫吳好講原因, 但我應承佢. 我吳聽佢講原因, 係我已經估到, 我吳想第日要負刑事責任. 佢就好似好感激我咁, 但我就有系乞衣兜拿飯食感覺. 系香港做窮人真係不如做狗, 狗起碼吳知自已有幾慘, 亦無咁多責任. 1個月$200就有人冒監險, 尼個咩世界.

bussy · 發表於 2012-4-15 10:00:23

又過左幾個月, 個肥師奶個個月准時交租, 我就個個月打簿多千靚銀不知幾過引. 有日以前個地產婆打來問我個單位賣吳賣, 我就話宜家收$1400月, 無諗過賣, 跟住佢就收左. 但轉頭我一諗, 如果真係賣到16萬, 我起碼賺6萬, 收租要5年先有就咁多, 至於肥師奶我一早同佢講左可能會賣, 加上佢咁貪錢, 賠小小錢佢實搬. 於是我就打番俾地產婆話16萬無價講先會賣. 地產婆話OK, 我就叫佢直接搵肥師奶安排睇樓. 過左兩日, 我突然收到地產婆1個內容好怪的電話, 地產婆系電話內講: 韓生, 個客話18萬貴左D, 問你17萬5得吳得. 咁情況, 話吳得果個都傻. 好明顯係地產婆見我話無價講就開高個價到18萬, 點知個客就即時係咁二減5千扑鎚. 我話左OK都吳夠1個鐘, 地產婆再打來話收左3萬訂金, 仲幫我攪掂埋肥師奶, 我賠$3000俾肥師奶, 佢就負責免費幫肥師奶搵屋搬, 叫我盡快去簽收. 聽完電話, 嘩! 我好似拍左10粒偉哥咁興奮, 差D想飛的出去收錢簽約(當時差吳多夜晚9點), 但都係決定第二日先去, 結果當晚成晚訓吳到. 當晚我仲諗到好多野, 包括繼吳繼續炒, 繼續又點炒法. 終於決定第二日請假早D出深水, 但就吳係去簽收, 而係去其他地產公司睇樓, 睇下有無平盤先, 傍晚再去決定去吳去簽約收錢.
第二日, 出到深水用左5,6個鐘去左3間地產睇左5,6間分契樓同我個單位分別吳大, 全部都開價14, 15萬. 計落條數無乜JETSO. 去到第4間地產, 佢竟然帶我睇番之前D地產帶我睇過的其中1個盤, 但開價就係13萬咁奇怪. 好彩之前我去睇樓無簽睇樓紙, 所以吳使幫親番之前的地產, 而且個AGENT仲好好, 教識我好多野. 例如分契樓係上吳到會, 銀行吳會借貸, 而且吳係間間律師行肯做, 就算肯做收費都特別貴, 仲有就係地產買賣的經紀法定最低佣金係$8000, 而吳係1萬(法定最低佣金係成交價0.8%,100萬或以下的成交作100萬計). 嘩! 尼D野, 地產婆根本無同我講過, 好彩佢咁快就搵到人同我買, 如果吳係我仲有排懞盛盛. 為左報答個AGENT, 同分析過十靚萬, 銀行吳借都無乜影響, 至於律師搵番地產婆介紹果個應該吳成問題, 同埋尼個單位係唐七樓應該值錢D; 於是我就覆價9萬, 個AGENT的反應同地產婆一模一樣, 但我就話如果OK可以即刻落訂. 跟住佢就打電話俾業主 , 講左10分鐘左右, 內容又係吹到我孤兒咁慘, 之後就同我講業主肯減到12萬, 但我吳肯; 然後佢話又打俾業主, 來來回回兩三次之後佢話業主肯減到10萬, 但我依然吳制, 跟住佢就變晒面口好燥咁同我講左句: 阿生你吳好玩我啦. 我見咁環境, 知道無得再平D, 於是就應承佢落1萬訂簽約. 經過地產婆的買賣經驗, 我都吳知個AGENT係吳係系我面前扮野, 可能個佢根本無同業主傾過, 只不過我醒過買我個單位條傻西.
下午5點我落完訂簽完臨時買賣合約, 就拿拿林走去地產婆度收訂兼簽埋另一份合約. 系我簽賣方臨時約時, 我心內好想小九地產婆, 條8婆蝦我第一次買樓, 乜都吳識, 點我買尼D樓, 最離譜係佢尼次幫我賣樓要收$25000佣, 理由係16萬多出來的應該歸佢; 當時我嬲到起身走人, 吳簽. 行到巴士站, 個人冷靜D先記得自已在另一間地產簽左份買入的合約, 到期無錢俾就吳見成皮野訂金. 今次真係自作聰明兼兜. 系我等緊巴士又小緊自已衰衝動的時候, 地產婆打來叫我返轉頭有事慢慢傾. 嘩! 果種感覺就好似從天堂跌落地獄, 再由地獄升返上天堂咁. 返到佢間鋪, 經我死不屈服的討價還價後佣金跟番以前1樣1萬. 其實我好想減到佢$8000, 但又驚佢吳肯我就賴到應一應. 當我簽完臨約, 佢俾張3萬的CASH票俾我時, 我又即刻覺得佢和謁可親, 簡直係天使魔鬼混合體(吳係講佢個樣). 人就係咁, 幫到你搵銀就上帝, 令你蝕錢就契弟.(明天再續)

bussy · 發表於 2012-4-15 10:01:00

好快就過左1個月到左我上律師樓果日. 我買樓賣樓係同一日兼同一間律師樓度攪手續. 因為律師一早通知我, 賣樓果邊已經收齋14萬5尾數, 而我買樓方面只得9萬未付, 扣除買樓同賣樓的律師費共1萬, 再減小小例如厘印費之類的什費我仲有4萬幾剩, 所以吳使帶錢上去, 只係上去收票同攪手續. 我同妹妹上午11點上到去, 見到一對約60的夫婦 , 律師樓D職員一見我地就話俾我地知佢地就係賣樓俾我地的業主, 跟住就同我地四個講律師有CASE做緊叫我地等陣. 於是我地就懶有禮貌咁同佢地夫婦扼手, 然後就開始吹水. 吹吹下我就多口問佢地點解賣樓. 佢地俾我的答案簡直經典, 佢地話想申請公屋, 但因為有尼個分契樓單位吳合資格, 所以賣出去再申請. 咁都得! 自己有屋吳住, 專登賣左個單位走去黐政府. 哈! 尼個世界真係乜人都有. 於是我就扮到好贊同咁又講笑咁潤左佢地一句: 賣完樓多左成10萬, 可能都吳合資格, 不如洗埋D錢, 連綜援都申請埋, 咁未仲好. 佢地聽完笑一笑無出聲. 當時我系度諗你地兩個行得走得又無仔女(吹水時佢地講過無仔女)走去申請公屋, 就算批左, 吳通政府會俾間豪宅你地咩? 又未係百靚尺的細單位.
上完律師樓, 我兩兄妹開心到不得了, 即刻走去西環海味鋪買左3千幾銀干鮑送俾我媽, 係我尼世人第一次送咁貴野俾我媽. 轉頭又係佩十幾條新單位鎖匙, 跟住落深水派俾D地產放盤. 尼次我就狼過梁振英啦, 放租就$1800, 放賣就20萬, 因為新單位係唐七樓同之前唐九樓比低左兩層, 加上係頂層有入契天臺, 點計都值錢D. 當時連我妹都話我係吳係開心到傻左, 10萬岩岩買番來, 一日吳夠就叫價20萬. 其實當時我都覺得自已開個咁高的價癲癲地, 不過我又覺得就算賣吳出我無損失格, 過一輪賣吳出未減價囉, 有乜問題.
過左1個星期左右, 有個地產打來話有人想租, 我就叫佢夜晚收工陣約埋個租客去佢鋪頭傾. 夜晚落到去, 個租客未到, 我就同個AGENT妹系度吹水順便收下風睇下有無其他平盤. 吹吹下佢突然指住外面一個女人話個租客到. 我望過去, 見到個打扮到花枝招展化好濃妝穿著極低胸大約40的阿嬋行緊入來, 我即刻有D想打冷震的感覺. 不過人地來租屋姐, 點打扮吳關我事. 於是我地又開始呀之呀的講價遊戲. 系講價過程中尼位阿嬋D舉指極姣, 差D摸我大脾咁滯, 嚇到我縮埋一邊. 講左15分鐘左右, 決定$1600租俾佢, 但就吳可以帶其他買樓的人上去睇樓, 我心諗算啦尼D係權利. 系就來簽租約的時候我突然靈光一閃, 於是問佢做咩職業. 佢話暫時無做野, 但佢叫我吳使驚, 佢有三十萬左右一定有租交, 跟住問番我點解要知佢做咩職業. 我都吳知點開口同佢講, 局住好婉轉咁講: 我驚你我個單位來做生意. 個AGENT妹一聽就明我講乜, 忍吳住GA GA聲笑左出來, 但阿嬋就吳明我講乜, 攪到場面好Q監介. 到佢明果陣連佢自已都笑埋一份, 跟住同我講佢吳係做鳳姐的叫我放心. 其實認真諗都覺得自已擔心都多餘, 邊有鳳姐租唐七樓做生意. 最後我都係簽左約, 收左兩按一租, 俾埋半個月佣金就走.

bussy · 發表於 2012-4-15 10:01:46

租左俾阿嬋無耐我就后悔. 因為佢3日吳埋兩日就call 我上去, 吳係話水喉漏水就話電燈吳夠光, 最離譜就係座崩左1cm都要我換個新的. 換吳緊要,最慘佢吳係有乜野吳滿意一為次過講晒出來. 而佢係一睇到乜野吳好, 就即刻call我要我攪掂. 其實我初初都無乜所謂, 因為我本身係半個裝修佬, 裝修的工作我識左9成, 而且我成日都去深水睇樓順便攪埋都吳緊要, 兼且個單係我的物業所以吳覺得咩一回事. 最大問題係佢攪到我條女覺得佢想界我, 甚至我都有尼d懷疑, 因為咁我地鬧左1次交, 你話煩吳煩. 最後我直頭吳聽佢電話, 但又吳可以趕佢走, 因為佢交左租, 按租約就算賠錢都無權趕佢走. 有日落大雨, 我系屯門屋企, 有個無來電顯示的電話打來, 我一接又係阿嬋, 但尼次就真係有大鑊野, 佢話我聽間屋漏水. 曲街啦, 因為係裝修都知, 尼D頂層屋一漏水肯定要大執. 我買屋果陣都知尼樣野, 所以睇得好仔細, 咁都賴野你話死吳死. 無計, 我只有同佢講明日上去睇下咩情況. 第日上到去, 嘩! 比我預期的差10倍, 幅幅墻都有水. 你阿媽, 點會咁駕, 我來睇樓果陣係吳係盲左呀? 無可奈何之下我就同佢講: 間屋要大執 , 起碼攪成個月我退番D租同按金俾你搬啦. 點知佢話吳緊要, 佢有個朋友可以收留佢一個月, 叫我照攪 , 攪掂佢先搬番來. 我一聽就緊係1000% ok 啦 , 當然裝修期同佢岩岩搬來尼個月無理由收佢租. 果陣我都好慶幸佢咁通情達理, 後來先知中招.
過左廿幾日, 我使左成萬幾自己拖埋個老死晚晚系度開夜(日間要返工)先用最快速度攪掂. 嘩! 成間新屋咁. 於事就約佢返來睇. 佢睇完就問我明日(果日我尼世都記得係星期日)幫手搬野番來得吳得. 緊係得啦, 因為間屋攪到人地咁麻煩, 自己都好吳好意思. 第二日, 我一早出到去幫手, 好奇怪佢搬出去時我當然有幫手, 但感覺上無咁多野, 尼次搬番來吳知係吳係唐樓上落樓梯的關系, 感覺上多左好多野而且超辛苦. 下午5點搬完, 好自然系單位內飲野吹水, 佢猛咁讚我手工好整得靚. 突然佢問我當初個單位係吳係想賣20萬 , 我話係, 跟住佢問我19萬賣俾佢得吳得, 我俾佢讚到飄過飄然衛生巾, 諗都吳諗就話:係就好呀(其實我當時吳信佢會買). 點知佢即刻份買賣合約出來話即時簽約, 仲即時俾$25200cash當俾3萬做訂金(因為我之前收左兩按1租共$4800). 我當堂呆左, 跟住就好開心, 但又覺得有D吳妥, 乜野吳妥我又諗吳到, 咁就只有小心D睇合約. 兩份合約(一份佢KEEP一份我KEEP)都OK無問題, 我甚至好認真咁睇過D錢 , 應該吳係假銀紙. 最後我認為點計我都有錢賺, 怕乜姐, 於是就簽約收錢. 兩個鐘頭後我終於諗到我中左咩招, 但我最後的諗法我點計都有錢賺, 尼個諗法亦都係岩, 而且係勁賺.
收完訂落樓開心到震, 拿拿聲去食餐好, 跟住返屋介. 我有一個習慣, 就係系無聊時會諗番D重要事, 睇下有無新發現. 系搭巴士返屯門途中我張阿嬋尼單野從頭到尾諗左4次先知佢條橋係點. 其實佢第一日來吳係想租屋, 而係一早決定左買屋. 佢去地產度睇屋, 專簡D又租又賣的單位, 睇岩就話租, 系同業主傾租約的過程中扮8掛探埋業主賣屋的底價, 覺得底價OK就簽租約. 租得成好自然就知點樣直接聯絡業主. 咁佢就只需要俾$800租屋的佣金, 就算過一兩日搵業主傾買屋由於價錢佢一早接受, 佢只減少少十個業主十個都成交, 咁佢就吳使俾$8000買屋地產佣金, 最少慳左$7200, 至於俾左的租屋按金同租金100%會系成交價度扣番. 由租客變買家亦都順理成章, 地產莫講話吳知道就算知道都無得追番D佣. 佢吳單只咁, 佢仲要我執靚間屋先賣俾佢. 首先佢成搵D問題煩住我, 令我產生一次過執靚間屋以後吳使煩的諗法, 跟住等落雨天D污水潑濕D墻, 其實間屋根本無漏水, 但我以為漏水一定大攪, 由于自已係業主一定會攪靚間屋, 最毒就係仲厄我幫埋佢搬屋. 之後讚到我飄飄然就即刻同我傾買屋, 博我吳記得使左的裝修費. 就算我好醒記得加番裝修費先賣, 佢都慳番跟裝修的時間同精神. 諗到尼度我真係佩服到佢五體頭地. 我平時覺得佢癲癲得得, 估吳到佢的智慧高我咁多班. 雖然尼D只係我猜測, 但之後我用過好多次尼條橋都超掂, 當然我無佢咁毒要人整靚間屋同屈人幫手搬屋, 但用來慳番D地產佣金簡直絕到無朋友, 咁多年起碼幫我慳20萬以上佣金. 學到野, 俾人搵笨都覺得超抵.
(我尼幾日放假去玩, 10-4-2012先再續寫)

bussy · 發表於 2012-4-15 10:02:35

返到屯門屋企, 我即刻部計數機出來計下, 睇下有無蝕或賺少左幾多. 個單位10萬買番來, 買屋的地產佣$8000, 買屋的律師費$5000, 裝修條數就犀利囉; 材料已經約$15000, 因為唐七樓關系運輸搬工又約$3000, 我老死肥仔人工$13000(雖然佢話吳收人工, 但我覺得老友都要食飯, 無理由吳俾佢.), 我自己人工$16000(仲未計平時阿嬋叫左執執右執執的人工), 俾左地產租出佣金$800, 成條大數已經$160800. 再加上1個月後賣出的律師費又$5000, 我成個單野的成本係$165800. 宜家賣得19萬, 利潤只得$24200咁大把, 同我預期的目標相差好遠. 我計完數嬲到拍一聲掟爛左部計數機(唉! 又多左百幾元計數機的成本要計埋落去 ), 我除左吳滿意賺得少外, 最慶就係知道左俾阿嬋當傻仔咁玩左兩個月. 當時我老豆老母俾我嚇到系房即刻彈出來問我咩事, 我就成件事講番俾佢地聽. 佢地就勸我話: 算啦人地食鹽多過你食米, 行橋多過你行路, 何況你都吳算俾佢搵笨, 起碼你都慳左$7200地產賣屋的佣又學到野, 仲有錢賺姐, 咁嬲做乜. 人就係咁, 當你認為可以賺到6萬時, 你只賺得2萬幾, 你反而會覺得蝕左3,4萬.
第二日阿嬋打電話來問我用開邊間律師樓同律師收我幾多錢. 我第一時間心諗關你春事咩, 於是就話無帶律師咭片, 遲D覆佢. 其我根本就吳想覆, 我心諗最好你搵吳到律師幫你攪, 到時我就借D意殺訂, 等你捉蟲入屎忽, 到時我就哈哈哈出番啖氣. 過左一陣我系度諗, 以佢咁醒同咁有經驗無可能搵吳到律師, 佢咁問我一定有原因. 於事我就覆番電話俾佢, 問佢點解要知我搵邊個律師. 佢就話咁樣律師費會平D. 我就懶醒咁同佢講尼D樓搵到律師肯做都算好, 律師費邊有得平. 跟住佢就慢慢解釋我知: 原來律師幫人買屋時要做的主要工作係對下欠差餉地租同個單位有無欠管理費及業主立案法團的費用, CHEEK下政有無D乜令物(例如僭建清拆令), 睇下屋契有無問題.頭兩樣打下電話下電腦已經查到; 但睇屋契呢就最小要睇幾日, 因為一份屋契最少都有成百頁, 每1頁都有可能有D以往每手業主留低的古怪條文(曾經有座大就因為以前有位業主留低左限制高度, 令尼座樓重建時吳可以起高過20層); 但因為我買屋時個律師已經睇過, 而我有無加入限制條文佢亦清楚, 基本上我下一手買家搵佢幫手, 佢根本乜都吳使做就有律師費收, 所以會平D. 後來佢仲話我知, 賣屋的律師費應該會平過買屋最少1/3, 因為除非買家的律師CHEEK到有問題, 如果吳係賣屋時律師根本乜都吳使做, 凈係對下數同幫我收齊尾數就攪掂. 嘩! 我聽完先知我老豆果句[人地食鹽多過你食米, 行橋多過你行路]係點解. 我真係佩服到想認尼位阿嬋做契媽咁滯.

bussy · 發表於 2012-4-15 10:04:37

快又好到左上律師樓果日, 我同妹妹約埋阿嬋一齊上去, 大家有傾有講都幾開心. 緊係啦, 因為我已經開始用佢條橋, 並且成功搵到個11萬的單位簽埋約. 阿嬋就仲系我面前扮到癲癲得得, 我同我妹就緊係扮唐唐(); 因為我想學周星星咁同D叻人做朋友, 如果我玩踢爆又硬膠又意義. 我記得我老成豆日掛系口邊的說話: 搵笨搵笨, 你吳笨阿水都吳搵你. 亦即是話俾人搵笨吳係咩一回事, 做人大方D自已都開心D(我係吳係好阿Q尼? 又或者我真係好Q ). 跟住落去幾個月, 都係賣出又買入咁炒左兩三個分契單位, 大約賺左十靚萬; 因為過程無乜特別, D單位又係無乜大分別, 所以詳細已經吳記得, 凈係記得我炒完最後一個分契單位銀行戶口大約35萬. 我當時好大感祝, 辛辛苦苦做左十幾年, 蓄得12萬, 炒炒賣賣1年吳夠就賺廿幾萬, 真係覺得果十幾年好似白過咁. 好啦! 寫到尼度分契樓編就完了. 跟住落來就係我地好多香港人都有的共同記憶, 亦都係港人最慘痛的記憶, 03沙示唐樓編. 我就系果一年賺到第一個100萬.(仲有洋樓編同轉戰大西北村屋編)
我記得02年尾我最後賣出的分契樓係23萬, 但同時其它分契樓吳知係吳係因我的關系亦上到20萬左右, 當時好難搵到平盤, 就算搵到都要成16,17萬; 我自己分析過尼D分契樓, 20萬以下好多人會買, 而且仲買得起. 20萬以上就吳同, 因為會一次過俾20萬以上的人根本吳會買尼類單位, 佢地寧願20萬交首期買層企企理理的洋樓, 分契樓銀行又吳會借貸, 無得供, 所以我一早定左超過15萬就轉移目標炒有原整業權的唐樓.(後來証實我錯左, 因為尼D分契樓宜家竟然升到70, 80萬, 連我都吳知有咩人會咁醒會成80萬買D咁高質素的單位, 希望吳係同胞啦, 吳係又話我地D港燦厄佢地吳係阿燦.)
又係本文大奸角地產婆佢帶我睇第1層唐樓開價50萬, 我記得果層係唐7樓, 單位入面就四四方方, 三房兩廳足600尺, 但D墻同門框都梅晒, 打一拳都驚佢. 不過地產婆話層樓係舊D但就可以按, 我只需要廿靚萬做首期, 再將個單位開4個1房1廳百靚尺的細單位, 基本上同分契樓無分別, 每個單位可以租到$1700以上. 嘩! 我1計數就以為和味過和味龍, 即刻又展開呀支呀左乒乓波的講價遊戲.(層樓凈放賣, 吳放租, 無得用阿嬋橋) 結果成功打左個9折, 即係45萬. 我就又落1萬訂. 系簽約時我發覺張約吳同左, 要上兩次律師樓, 於是問地產婆. 佢果陳時先解釋我知正常的買賣程序係簽臨約時落訂, 訂金幾多吳緊要業主肯收就OK; 跟住約15日內就上律師樓, 律師CHEEK過契無問題就落夠成交價的1成訂金, 俗稱落大訂簽正式買賣合約, 有問題就問你接吳接受, 吳接受就幫你追番D臨時訂金; 落完大訂律師CHEEK過無問題, 就依臨約交吉日期成交俾尾數, 但系過大訂到成交日期間所有有風險都由買方負責, 包括層樓火祝, 甚至層樓左都要買. 由於我之前買分契樓樓價低, 一兩萬已經過左大訂個數, 所以先係上1次律師樓. 佢老味, 香港仲有無地產法, 之前幾單D經紀可以收大左訂, 但咁重要野都吳講, 好彩無事, 如果真係火祝我真係一眼淚. 不過講到底都係自已實碌, 亦好彩夠付碌, 傻人有傻福.

bussy · 發表於 2012-4-15 10:07:55

第二日我走左去屋企附近1間銀行, 我行埋客戶服務柜位同個女職員講想做樓宇按揭, 於是佢就請我入左一間房度等樓按部的職員來. 過左5分鐘左右, 就有一肥一瘦兩條粉腸入來, 巡例互相介紹下, 我就我D稅單同臨時買賣合約出來話想做按揭. 肥粉腸接過睇左一陳就放低, 話有D事行左出去, 叫瘦粉腸攪掂佢.
瘦粉腸睇左一陣就話要10分鐘左右CHEEK下D資料, 咁我就話吳緊要橫掂我都想去去洗手間. 我去完洗手間開完大洗完手, 我行出洗手間就見到肥粉腸同個女職員系果間房過D細聲講大聲笑. 我聽到個女職員講: 吳係馬, 就咁臨約同稅單上來, 仲要簽約之前無來估價, 層樓仲係三十幾年唐樓, 邊個咁無常識同白痴真係要見下. 肥粉腸就話: 呢未頭先你請佢入房果個囉. 跟住佢就擰轉頭一指, 咁岩果時我推門返入房, 佢就指到我正一正. 當時我真係到想搵窿捐, 果條女仲笑到標眼淚. 我即刻入去番D野, 臨走果陣佢地仲一字平排咁用忍住笑個樣同我講SORRY, 我就焗住面紅紅咁話吳緊要. 我當時真係武林第一高手(小李阿媽), 笑完我仲要整個咁SORRY形式我嘆.
去完銀行嬲到爆炸即刻去深水搵地產婆發佢爛渣. 去到地產婆度, 我將頭先件事講左佢聽, 點知個8婆仲笑到GA GA聲, 我就系度慶過火爐. 佢笑完先講我知: 通常D樓過左30年銀行都吳受按, 如果要按只可以按財仔(財務公司); 面且所有樓宇按揭都可以系簽約前D資料去估價, 減少按揭公司吳批而道至買家損失的風險. 曲街, 你吳好拜山先講, 攪到我整單咁野.
當日午我走左去地產婆介紹的財務公司. 入去傾左兩個鐘, 得到的答案係可以按, 但只可以按5成, 要供5年, 年息成38厘, 每月要供$8422, 5年利息總共成28萬. 佢xx, 咁同借貴利有咩分別. 當年我月入都係得1萬鬆D, 月供8千幾, 吳食飯都供吳起, 咁情況寧願撻訂都吳借啦.(待續)