閻奕格 Janice Yan ：「我回來了！」

嚦咕嚦咖 · 發表於 2012-4-11 21:36:47

閻奕格 Janice Yan ：「我回來了！」

閻羅王說：「我回來了！」
人稱閻羅王的閻奕格，是台灣爆紅音樂比賽《超級星光大道》史上唯一一個連續五場全勝的踢館選手，之後參加《星光傳奇賽》以壓倒性姿態穩奪總冠軍，每個跟她 PK賽的對手，賽前會感到莫名的恐懼，就像候判死刑一樣，縱使再努力掙扎，結果都是徒然。
矮小瘦削，面圓顴高的黃毛丫頭，卻擁有外國實力派女歌手 Christina Aguilera雄渾有勁的聲線， Mariah Carey一樣寬闊的音域，閻奕格從小浸淫在音符樂譜中，培育出超強節奏感，如此得天獨厚，可謂潛力驚人。
閻奕格大學畢業了，她要回來了。

閻奕格 2010年休學半年到台灣參加《超級星光大道》踢館賽，結果五連勝兼贏得閻羅王的稱號，台灣樂壇一級評審對她讚口不絕，連滅絕師太黃小琥都罕有叫好。閻奕格提早完成美國大學經濟學課程，急不及待躍進樂壇，頭炮是台灣、香港及新加坡等地舉行個人音樂會，結果香港音樂會門票火速在七分鐘售罄。

剛入行連一隻歌都冇，音樂會亦只會唱別人歌曲的閻奕格，想了一想，用最親切和純正的廣東話說：「係……幾得人驚，我真係好幸運，我比賽之後返去美國一年，大家竟然冇唔記得我，仲買飛支持我，我係一個未出過碟嘅人，我真係唔知講乜好，又感動，又開心，好似發夢咁。」
閻奕格出身音樂世家，父親是香港中樂團藝術總監及首席指揮家閻惠昌，母親是古箏演奏家熊岳，閻奕格從小開始喜歡音樂，接觸音樂：「細個唔係特別鍾意聽中樂，可能覺得唔夠 cool，由細到大又係英文教育，所以聽好多西洋古典音樂，至於廣東歌都係嚟香港讀中學先聽，我記得有次我坐的士聽到 Eason嘅《 Shall We Talk》，就開始聽中文歌。」

傳統思想，女承父業，閻奕格卻未被規範和限制，一切隨心所欲，父母是傳統的音樂家，但是思想一點也不傳統，而且閻父並不嚴，她說：「爹哋好得意㗎！我好鍾意電子科技，我同爹哋會打開本雜誌一齊研究，同爹哋就會講男仔嘢，同媽咪就講女仔嘢，媽咪就係個叫我唔使考 A有 B都得嘅人，佢哋完全唔畀壓力我，反而咁樣，我越要做得更好，對自己要求更高，好似去參加比賽，我都掙扎咗好耐，計過度過，唔會影響學業先決定去，比賽完後，我唔諗其他嘢，同自己講一定要讀埋書先，而所有嘢都係我自己決定，屋企人畀好大自由度。家同佢哋就好似朋友咁，唔會有秘密，所以我真係好幸福、好幸運。」
基本上，出道兩個月，未出碟，又冇歌，可以開個人音樂會，所有人都會覺得好奇怪，但是，如果曾上網看到閻奕格的演出，都會不自覺被攝住，記得張學友《李香蘭》的古箏版可以唱得更憂怨、王菲《多得他》的英文版《 Superwoman》可以更 R&B，還有張信哲的《愛如潮水》加電子結他改成搖滾版，經過閻奕格重新編曲和演繹後，感覺煥然一新，令人印象難忘。

網上極速竄紅 閻奕格的歌唱片段在網上有數以幾十萬計的點擊率，迅速竄紅，但她從不自滿：「可能我唔知所謂紅係去到邊度，我唔想專注自己係咪紅，係咪多人識，我關注係自己有冇成長，有冇進步，有冇帶畀人喜歡嘅音樂，呢樣反而係我想做嘅事，可以不停進步係重要過我係咪紅。」
22歲剛剛大學畢業，思想成熟，又有抱負，是難得一見的 90後，除了性格使然，參加《超級星光大道》對閻奕格來講，是上了一生重要的一課，她說：「我本身係一個完美主義者，但喺比賽之後，我覺得順其自然好緊要，有時越係追求完美就越唔理想，所以我知道唔係乜都要做到 perfect，而失敗對我嚟講係好事。」失敗乃成功之母，小小年紀，已經悟出人生道理，小丫頭成功在望。