iPhone 3GS爆機 兩月第二宗

momomo1997

2012年2月2日上午9:33

不足兩個月發生兩宗 iPhone 3GS爆機事件。繼一個半月前有 iPhone 3GS突爆機致手機焦黑，再有用家反映 3GS內置電池發脹撐爆手機。蘋果否認產品有問題，只同意讓機主用約 1,200元換新機，卻未有解釋因由。近月本港和海外都有用家反映類似情況，指一般充電池壽命約兩年，擔心手機「壽命將盡」有潛在危險。
iPhone 5推出在即，惟仍有不少 iPhone 3GS用家未換機。正使用 iPhone 4的陳小姐平日看片仍使用購入兩年的 3GS。上月中手機出現異常，「感覺螢幕同個畫面好似要分開咁，做緊嘢冇理到放低喺枱面」。三小時後她發現手機爆開，外殼變形，內置電池脹大將機殼撐開，惟爆機時不在場，未知曾否現火花，「好彩當時唔係講緊電話，我一直用原廠電線叉電， iPhone內置電池用兩年就有問題，對消費者好危險」。

交回維修　換來一肚氣

陳小姐將手機交蘋果維修，卻換來一肚氣，「佢哋話公司指引冇話有呢個問題，意思即係話蘋果眼中呢個問題唔存在，又話係我使用不正確造成，我覺得佢好唔負責任」。最後蘋果同意換一部新 iPhone 3GS，惟她須支付 1,168元，她拒絕接受。
記者在蘋果國際官方討論區發現，也有外國用家反映類似情況，有人質疑問題只在 3GS出現， 2G和 3G卻未聽聞。本報曾聯絡美國及香港蘋果公司，至截稿沒回應。去年 12月 21日本報曾報道有 iPhone 3GS突然爆機，機主聽到爆炸聲，手機電池熔解露出。
香港專業教育學院電子及資訊工程系系主任趙炳權博士查看陳小姐手機後表示，問題應為電池發脹，惟真正原因須鋸開電池檢查。他指手機電池質素問題或手機曾跌過令內部零件損壞，都有可能出現上述情況，「如果跌過部機令零件鬆咗，加上電池過熱，出現化學作用會令電池發脹」。


iPhone 3GS爆開後，內部零件露出，電池明顯脹起。

terrysam

我老豆都用緊3gs..... 他話已經足夠了~~~
不用買4s.....
睇黎比佢睇呢段新聞.... 佢應該會改變主意

jo630

I have been use 3g for 3 years now, I also have 4Gs, it is runing fine, not a problem

momomo1997

jo630 發表於 2012-3-29 12:30
I have been use 3g for 3 years now, I also have 4Gs, it is runing fine, not a problem

當然唔會個個都爆啦，
否則就是頭條大新聞了。
你的不爆，說明不了任何問題。

爆的只佔極少數，
但如果是閣下的爆了，
可想而知會幾激氣！也幾危險！

雪茄先生

其實電池爆炸唔係iPhone特有既問題，好多唔同既機都有機會發生呢d問題

睇下呢個post：

http://141hongkong.com/forum/thread-934992-1-2.html

條友個屎屁俾部S2炸到

momomo1997

雞虫大支 發表於 2012-3-29 16:04
其實電池爆炸唔係iPhone特有既問題，好多唔同既機都有機會發生呢d問題

睇下呢個post：

So what？

「佢哋話公司指引冇話有呢個問題，意思即係話蘋果眼中呢個問題唔存在，又話係我使用不正確造成，我覺得佢好唔負責任」

                                                                             vs

三星公司得知後馬上回收了事故電池。」三星公司稱，電池是在與手機分離的狀況下發生爆炸，目前已聯繫電池供應商，以進一步了解爆炸原因。



是否負責才是關鍵！

qinqin

其實充電池用過一年後，因故障而發漲根本就係一件好普通, 好正常嘅事嚟~      
尤其是原廠電！！
對廠商嚟講：
１）我賣一樣用充電池嘅物品比你（唔淨係ＩＰＨＯＮＥ），佢唔壊比你樣樣都用過世，咁我食屎咩？而最易壞又最易換嘅就梗係舊電啦！
２）蘋果Ｄ野如果真係咁耐用，佢出咁多原廠替換部件出黎有鬼人買咩？？　樣樣都貴過其他牌子３０％－５０％！
３）大佬呀～　ＩＰＨＯＮＥ４Ｓ都出埋喇，５都就黎出喇，你而家拎部３ＧＳ嚟同我講佢舊電有問題！？　咁你不如話因為當年個醫生幫你接生時出左問題，攪到你個仔考唔倒入大學就走去跳樓死左～

對用家嚟講：
１）其實一舊充電池用超過一年就死係一件好常見嘅事，莫講話ＩＰＨＯＮＥ入面果舊，電腦用嘅ＵＰＳ入面嘅電亦如是，特別係一Ｄ大廠名牌嘅ＵＰＳ，有Ｄ　ＵＰＳ說明書仲會寫埋一年後舊電就要換添～
點解！？　　唔係因為要嚇你屈你買過舊，而係每樣野都有壽命，而且唔係等你用到果樣野真係要死先去換架，特別係充電池，定時定後就要換，咁先可以確保倒電器於壞電池所帶嚟嘅損害之前繼續使用～
２）有幾多個用家真係會聽人地咁講去充電呀？　特別係手提產品，我聽過一個幫ＩＰＨＯＮＥ換電嘅師父講過：＂充電池係第一次充大約９－１０小時，之後每當用到剩下２０％－１５％再充電，而且係一次充滿，充滿就要停，之後再用，咁舊電先會耐用；但係根本冇人會聽，壞左或者舊電用得快就返黎嘈！＂
３）如果ＩＰＨＯＮＥ舊電好快充滿又好快用完，咁即係舊電已經開始充唔倒電啦，如果咁都唔去理，重去插住條訊號線嘅話，咁唔爆都唔得啦，因為有好多人一埋電腦或者返到屋企，一放低手袋之後就係插條訊號線落ＩＰＨＯＮＥ，唔一定係為充電，而係過野，但係佢地從來冇諗過如果舊電已經壞壞地咁做法好大可能會出現其他問題，以小弟以往攪ＵＰＳ嘅案例，用左超過一年嘅充電池，如果開始壞，首先ＵＰＳ大多會出現警號，繼而ＵＰＳ會轉為直接取電而不經電池，因為舊電已經充唔倒電，通常呢個時候拆舊電出黎就會發現舊電已經發漲，如果再唔理佢繼續用嘅話，大多數舊電都會爆～

momomo1997

qinqin 發表於 2012-3-29 17:31
其實充電池用過一年後，因故障而發漲根本就係一件好普通, 好正常嘅事嚟~      
尤其是原廠電！！
對 ...

衰在蘋果唔比人換電、唔比人有後備電。
結果一舊電用到尾，
會更大机會出事，
也沒机會讓人知道電池開始不妥時，
就買過舊電。

乞人憎！

這也是我一定不用 iPHone 的其中一個重要原因。
費事天天要周圍搵地方充電！

jo630

回覆 momomo1997 的帖子

who say so, you can change your battery at apple store or any phone repair store at MK.

jo630

qinqin 發表於 2012-3-29 17:31
其實充電池用過一年後，因故障而發漲根本就係一件好普通, 好正常嘅事嚟~      
尤其是原廠電！！
對 ...

ching thank you for your detail info, but ching MOMo still don't understand it already a sign to change the battery.

momomo1997

jo630 發表於 2012-3-29 22:56
回覆 momomo1997 的帖子

who say so, you can change your battery at apple store or any phone repair s ...

我現在是兩件電輪流用，
完全不用擔心幾時沒電！

iPhone！每天都要擔心哦！可憐！

momomo1997

jo630 發表於 2012-3-29 23:00
ching thank you for your detail info, but ching MOMo still don't understand it already a sign to c ...

最弊未過保養期的，照爆！

http://141hongkong.com/forum/for ... 9&fromuid=23211

相信這一定未有電池到期訊號了吧！

sexlover9394

I still have one on hand

qinqin

大家冷靜冷靜~~
本人都係用緊ｉｐｈｏｎｅ，重要係 3GS 添～
本人都認為ａｐｐｌｅ出ｉｐｈｏｎｅ真係好求其，
冇得換電已經係最可恥嘅設計！！！
有好多地方都冇為過用家設想，出左就算，
可以比用家自己ｃｈｅｃｋ返自己部手機性能嘅功能一樣都冇，
要用家自己去ａｐｐ ｓｔｏｒｅ逐樣ｄｏｗｎｌｏａｄ，
甚至有一ｄ好好用嘅ｔｗｅａｋｓ竟然要ＪＢ先有得用，簡直可笑～
我首先要說明，ｉｐｈｏｎｅ舊電幾時死或者開始出問題，ｉｐｈｏｎｅ係唔會有任何訊號，
一定要用家平時妯心留意先會發覺到～
當然，佢地出左咁多部機，一定有幾部可能會較差而喺保養期內死亡啦～
我都小心留意過段片段，我發現果部ｉｐｈｏｎｅ４爆開嘅地方係機頂，
但係ｉｐｈｏｎｅ舊電應該係機底部，如果係因為舊電爆開（唔係發漲）冇可能會爆機頂而機底冇事！但係成段片只係得一張相根本無法判斷．．．
而另外果部ｉｐｈｏｎｅ３ＧＳ，一睇就知部機成日跌落地或者比人開過啦，重唔知係咪二手嘅，
成部機影倒嘅地方冇一處係唔花嘅，平時跌下跌下到舊電發漲（唔係爆開）嘅時候，因為ＩＰＨＯＮＥ３ＧＳ機底有兩粒羅絲，所以就比其他已經跌到鬆晒嘅地方堅固而張機頂逼開，再加上舊電根本冇爆，而且周圍都冇因為過熱而溶解嘅情況～
所以其實呢兩件事同外國果Ｄ真係成舊電爆開完全唔同．．．

雪茄先生

qinqin 發表於 2012-3-30 17:52
大家冷靜冷靜~~
本人都係用緊ｉｐｈｏｎｅ，重要係 3GS 添～
本人都認為ａｐｐｌｅ出ｉｐｈｏｎｅ真係好求 ...

講得好，機頂爆開都話係電池爆炸 =.=

LAWCC

我都冇用I PHONE了

雪茄先生

momomo1997 發表於 2012-3-29 23:02
我現在是兩件電輪流用，
完全不用擔心幾時沒電！

講真句，好多人都好似你咁話iPhone無得換電，如果你真係咁需要電，你買舊外置叉電器咪搞掂lor。
你所謂可以換電o個d，咪又係要袋多舊電係袋…… 咁同iPhone袋多隻外置電有咩分別 =.= 如果你計埋電容量，人地外置電大形o個d有9600mah，中形既都有4800mah，仲要有好多唔同既款tim，你舊電仔請有問幾多mah呢？

Apple而家好多產品都已經無得換電，強如MacBook Pro都係無得換電架，但係個個用家都無問題喎！

momomo1997

雞虫大支 發表於 2012-3-30 18:34
講真句，好多人都好似你咁話iPhone無得換電，如果你真係咁需要電，你買舊外置叉電器咪搞掂lor。
你所謂可 ...

一係要成日搵地方充電，
一係要成日陀住舊便攜充電器，(隨時要插住充電)
一係要成日陀住舊外置電池。(隨時要插住來用，肉酸死！)

是旦一樣，都死直！

我隨身帶一枚已充好電的後備電池，
部机冇電就立刻換，
回家再充用完那舊。
這才是正路嘛！

所以：蘋果送都唔用！
(仲要加上最乞人憎的剪卡！)



還有，不是個個用家都覺得冇問題，
而係好多人覺得有問題，
所以索性不用佢！

雪茄先生

momomo1997 發表於 2012-3-30 19:01
一係要成日搵地方充電，
一係要成日陀住舊便攜充電器，(隨時要插住充電)
一係要成日陀住舊外置電池。(隨 ...

momo 兄，唔可以一概而論既…

呢個版好多師兄都係用iPhone架，好多都唔覺有問題啵，咁當然都有師兄覺得有問題啦。你可以唔鍾意、唔用iPhone，但唔好講話咩「iPhone送都唔用」，呢d說話既無建設性，亦令到唔少用緊iPhone既師兄們心裡面不是味兒… 大家都係討論下姐…

一係要成日搵地方充電
有叉電器根本就唔使搵地方叉電

一係要成日陀住舊便攜充電器，(隨時要插住充電)
而家有好多唔同款既叉電器架啦，有好多直頭係一個iPhone case黎（直頭當套用，根本就唔使袋多舊野），有好多都好細既（好似7仔有得賣o個隻咁，都係好細架ja），講真，你咪又係要袋住舊電…

一係要成日陀住舊外置電池。
外置電同叉電器係同一舊野黎架=.=

我記得之前有師兄已經出過post，而家電力最長壽既smartphone係iPhone 4S! 我再講多次，識得搞iPhone入面既setting，用iPhone用足24粒鍾根本就唔成問題，當然啦，你用黎係街煲劇、打機就緊係唔掂啦…… =.=

momomo1997

雞虫大支 發表於 2012-3-30 19:45
momo 兄，唔可以一概而論既…

呢個版好多師兄都係用iPhone架，好多都唔覺有問題啵，咁當然都有師兄覺得 ...

哎，算啦！
iPhone 呢樣野，一出來已是甚有爭議的了。
我是百分百不喜歡的。

當然，有好多人排隊去買，
甚至炒高了也要追價。
他們聽到人家說不喜歡iPhone，
自然不是味兒。

但我只是講我對iPhone的感覺，
又沒有要你認同。
如果自己喜歡的，
連人家不喜歡也心裡不開心，
這就要提升一下EQ了。

你所講的充電方法，我也聽過，
但好端端的一部手机，硬要加一些什么外套上去，
你說不影響觀感，只是呃自己。
(而且，這些非原廠的充電東西，品質良莠不齊，
真的要分外小心啊！)

總之，我不會要你贊同我的意見，
但你也不能因為有人不想聽，
就不准我講iPhone的壞處。

這就是互相尊重！