都市悲歌, 文章分享 (上)

肥叔叔

地產經紀成為都市隱形炸彈（上）

木鐸
2012年3月27日

昨同經紀老友發仔宵夜，席間聊起早前一單風化案，我還以為他借題發揮講鹹濕嘢，豈料他越講越激動，原來單案背後，可以看到不少地產經紀辛酸，同時，發仔對政府和政客們於這個人數幾萬的行業的工作環境的冷漠，不聞不問，甚為憤怒，頗有被遺棄的感覺。

發仔話早前有個光頭佬凌晨在街上非禮一名少女，並企圖扮日本仔脫身，結果 法網難逃。查實當事人好可憐，色狼名東尼，於羅便臣道某大行任經紀，近 一年樓市交投呆滯（去年上半年樓價乾升，好多經紀一樣無單開），此君長 期面對沉重工作壓力，平日借酒澆愁，當壓力去到臨界點時便失控，犯下彌天 大禍。老友也是西半山經紀，故很理解此君感受，西半有經紀五百多人，近年 每月成交不幾六七十宗（扣除小陽春的個別例子），近十個人才有一人開單， 所以多數人是食積蓄。經紀一類工種食積蓄渡淡季很平常，但等等停停又一個 月，人的自信便動搖。

又腹背受敵，百物騰貴，家中開支有增無減，成年人可減娛樂，但小朋友學費 和交租等根本省不到。隨著小陽春後，交投回復低水平，把握到小陽春的經紀 實極少數，大多數中介面臨積蓄日減，開支日大的雙重壓力，內心的徬徨和壓 力是外人難以想像的。

東尼個案只是冰山一角，他認識有不少行家為減壓而酗酒，狂嫖濫賭，長期失 眠，濫藥，有此更出現抑鬱証和強迫証的跡象，有些終日徨恐，坐立不安，有 些不是沉默寡言，愁眉不展，便是思想日益負面，有之於內，形之於外，心態 絶對影響其工作的，連鎖反應是工作表現日差。長期的不安和工作的挫折使他 們的精神面臨崩潰，往往會做出平日不會做的事。東尼是較極端的個案。他見 過有不少同事工作期間突然大叫，以舒發胸中悶氣。不過，他估計，好多同事 的精神上的改變或惡化是暫時見不到的，若到臨界點，爆出來時，會好恐怖， 例如自殺，精神錯亂而拿刀隨處斬人，強姦等等，總之平日你想都想不到某一 個斯文經紀會幹的事，這個經紀都好幹出來。東尼是一個信號。

他續說：［前年額外印花的推出及銀行收緊按揭已使整個市場冷卻下來，交投 大幅減少，大部份經紀捱饑抵餓，最火滾是陳德霖落井下石，怕我們不用燒炭 似的，講甚麼樓市有泡沫，嚇到班用家不敢買樓。去年中開始，樓市便開始回 落，近期所謂新高價，都是個別例子，整體樓價都好平穩，何來泡沫呢？高官 同議員們是否想負資產和銀主盤氾濫情況重現呢？大吉利事講句，若然樓價真 的大跌，泡沫是沒有了，但有人敢入市嗎？這些不負責任的言論不僅嚇到班原 本有需要入市的買家，不敢入市，最無辜是我們一班為數幾萬人的經紀長期吊 鹽水。］

對於梁振英當選特首，發仔話：無晒感覺。他對誰人做特首都無期望，皆因競 選時都見不得候選人關心下班地產經紀，也是可諒解的，這行業雖有幾萬人之 眾，但無工會，不會上街表達訴求（鬼咩！個個返十個鐘頭工，邊有時間上街 或靜坐呀！），無政治籌碼，班議員，特首，高官又怎會理會經紀的訴求，怎會理會他們的水深火熱呀？他們為選票更迎合民粹主義者將中介妖魔化，視中介為合法的騙徒，賣一手樓講錯句話都話要拉要鎖。基本上經紀已成為社會孤 兒。

更使老友心寒的是老闆們和高級行政人員以及當權者們的落井下 石……

肥叔叔

煩惱 發表於 2012-3-27 15:15
除咗講色狼果段我 5 認同之外 ... 其實真係講出晒我地 d 心聲 ...

呢個行業 ... 係咪仲值得我去 ...

真係唔識講, 當社會日嘈夜嘈時, 我都會問問自己,
點解我地個行業一直捱打, 無人出聲 ?

entry1

每個行業都有難處, 除非做到誠哥個 level,

你睇下四大地產有三間都要轉軚啦

我地今日先比人玩左幾鑊豬狼大戰

entry1

煩惱 發表於 2012-3-27 16:23
知 5 知邊個行業鬧正苦鬧得最大聲呀 ?

邊個最大聲要問阿李x人wor

entry1

煩惱 發表於 2012-3-27 16:30
問佢有咩用 ...

咁多人嘈, 點知邊個最大聲wor,

你講黎聽下

entry1

煩惱 發表於 2012-3-27 16:32
我就係 5 知先問你 ....

我以為你知嘛.......

其實n咁多人鬧政府架啦, 真係唔知邊個大聲,

各人/行業都各有要求

lungcurry

其實..行行都有上有落...只望落的時間唔好太長...唔好咁傷.....

entry1

煩惱 發表於 2012-3-27 16:44
會 5 會係公務員呢 ?

佢地係嘈, 但講慘, 排隊都未到佢地啦

肥叔叔

煩惱 發表於 2012-3-27 17:51
咁慘就緊係我慘 d 啦....

你唔算, 你上個禮拜至開單

肥叔叔

煩惱 發表於 2012-3-27 18:16
3 個月先一張單...

唉............   


等....... 寂寞到夜針.........  

肥叔叔

煩惱 發表於 2012-3-27 18:25
咪咁啦 ....

老實講, 我同你, 多少都已經進入 抑鬱........

entry1

煩版你做工商靜d我都理解, 反而肥叔做住宅, 唔係小陽春咩, 點解咁灰?

肥叔叔

entry1 發表於 2012-3-27 19:27
煩版你做工商靜d我都理解, 反而肥叔做住宅, 唔係小陽春咩, 點解咁灰?

有Q乜春咩,  人地 (10 大 指 標 屋 苑)就日日春
我普通市區樓, 無人買得起,  我公司, 3日無入過一個客

entry1

兩位, 我見我果邊真係多左好多成交, 亦見d agent 朋友四出睇樓,

成唔成事人氣都叫旺左好多呢, 估唔到肥叔你果邊咁差

肥叔叔

煩惱 發表於 2012-3-27 20:39
的確係旺返...成交亦多咗...但 5 可以叫市好囉...雖然我刀有單開...但兩邊刀係熟客...

其實呢 d  ...

你果啲都有得炒,  有得攝底

yk8686

唉，世界難撈

sickcat11

地產經紀唔易做，有苦自己知，最惨行外人以為好易賺，其實只係想搵啖苦飯啫。

taiwanyumchat

十分同情，百般感慨！

taiwanyumchat

我覺得最賤格的是，樓市若真的大逆轉，殺唔到大地產商（他們可以低價買地入貨），大行也無事（縮鋪、炒經紀緊縮開支），難為一眾小經紀要一直紮炮....打工仔...就好像微塵一般賤....

樂樂

肥叔叔 發表於 2012-3-27 15:06
地產經紀成為都市隱形炸彈（上）

木鐸

多謝肥叔叔發自肺腑的精彩分享