大型電器連鎖店店員 涉「倒賣」新iPad

ctedjack

新iPad滯銷，炒家損手。

網民前日在討論區留言，指先達廣場電腦店主，在1小時內買入近千部新iPad，並在店外馬路拆貨，疑有大型電器連鎖店職員私下轉售圖利。及後有網民上載照片，拍下疑似某大型電器連鎖店員，運送大批以黑膠袋包裹的貨物離開該店，有網民聲言已向廉政公署舉報。

不過，有大量存貨的商戶叫苦連天，指新iPad欠內地買家接貨，因近日內地邊檢人員加強執法，令水貨客卻步，且香港及內地的4G網絡不支援新iPad的4G制式，令4G版新iPad難以吸引買家購入，商戶或要蝕本離場，部分更停收新iPad，原價三千八百八十八元的16GB WiFi版新iPad，回收價一日下調三次，昨日已跌至四千一百八十元，炒家轉手賺不足三百元。

節錄自: 星島日報

睇來蘋果教主離開，回歸天家後，蘋果熱都慢慢降温

ctedjack

回覆 煩惱 的帖子

現時智能手機咁流行, 好難偷雞去揾食

playboy18

煩惱 發表於 2012-3-20 11:00
上次 iphone 4s 好似拉咗幾個 ... d 人仲夠旦再黎 ?

如果今日有去過先達，都會見到唔少巴打議論紛紛，事關因為先達右邊花園街出現大批大批落貨，裏面裝住好明顯就係「The New iPad」啦！大家可能會問串哥，先達有人落貨有咩咁奇？何止奇咁簡單呀，直頭驚奇！因為前後有兩架大貨車落住多箱新 iPad，新 iPad 開售第二日咁快有咁多疑似後門機真係非常誇張！

同一般收返來的機唔同，今次呢一批貨，全部都係一箱 5 部的貨。首先，而家自己訂機最多都係訂兩部，一般 User 冇可能會收到一箱裝 5 部的官方訂貨。再者，呢批箱全部都冇 DHL 之類貼紙，同埋有 Reseller 至有o既專用標貼。所以串哥高度懷疑呢批貨係來自分銷商，再由某 D 大型連鎖店後門放出來！所以呢批貨令人懷疑係古惑行家的後門貨，有唔少網民仲話要 ICAC 介入添！

團隊精神，一小時 KO 千部 iPad

見到如此畫面，連見慣大場面O既我都甚為驚嘆，我呆左咁企o係度望左一個鐘。見到先達佬有團隊精神的一面，有人負責落貨，有人拆膠紙，有人界箱，界開 D 箱仲有婆婆即時收走，成個流水線勁過富士康！仲有一位老行尊大哥 (唔講邊間啦，先達入面5、6間鋪都係佢 ) 做指揮，「喂喂喂，點清楚呀，睇清楚型號呀！」，流程可以用高速來形容。呢一個鐘，目測可能處理左成千部 iPad。

如果真係後門貨，日日咁樣運成千部，D 炒家唔使炒機，先達入面細鋪亦都唔會有肉食，所以聽到好多炒家朋友同行家都好大怨氣！真係估唔到呢 D 疑似後門貨仲有幾多。

轉自:unwire.hk

木結他

煩惱 發表於 2012-3-21 14:24
真係 .... 大開眼界 ...

一定唔夠料，得個搞字

pipz

有網民聲言已向廉政公署舉報

wanawana

for me is good news........
thank for share....