「香港無代表球星」 歐偉倫寄語陳七遠離娛樂版

man36951

或許你記住他叫「死火倫」，或許你笑他賀歲盃「單刀橫傳」，但歐偉倫這個雄霸1990年代的首席華人中鋒，總較尹志強離我們近一點，又比陳肇麒多一份經典。他是香港足球的一個年代，卻嫌現役沒有可以代表香港的球星；對於曾經熟悉的綠茵場，歐偉倫的火，依然未死。

2007年與南華不咬弦下掛靴，歐偉倫自09年起披上東方戰衣在丙組踢「衛生波」至今；掛靴後沒有參與任何甲組球隊活動，終在上月港隊友賽大勝中華台北一役亮相。翻新了的旺角場面目全非，但那片草地依然叫歐偉倫眷戀，「我每天看報章，也知道南華近况，可能我對年輕球員較陌生吧，總覺得找不到像李健和、山度士及鄭兆聰等，可以代表香港的球星」。是的，歐偉倫就是上世紀九十年代的香港足球。

「單刀橫傳」一笑置之

沒球星？或許歐偉倫挑剔了，繼承他南華7號球衣和香港首席華人中鋒衣缽的陳肇麒，先為香港開創歷史勇奪09東亞運金牌，港隊以5：1大勝中華台北一役也連中三元。職業生涯末段曾與「陳七」在港隊合作，他寄語師弟應遠離娛樂版：「出道時他常沉不住氣領黃，前鋒必須有經常被踢的心理準備，不被人踢的前鋒即是『冇料到』。後來他不斷累積經驗收歛脾氣，進步很大；但隊友的配合可以更好，埋門把握力亦可加強。他必須避免成為娛樂版主角，以更佳表現登上體育版。」樹大招風，兩代南華「7號仔」同樣飽受外界批評，歐偉倫02年賀歲盃的單刀橫傳更被球迷「傳頌」至今，他一笑置之：「外界喜歡怎樣說便怎樣說，嘴巴在別人身上，唯有以表現證明自己。」

1993年依波路散班後「上山」，阿倫效力南華14年後與班主羅傑承意見不合而掛靴，他坦言不會對南華存有偏見，但對舊會仍有獨特見解：「我只是不喜歡他們的做事方法。當然每個人的做事方法不同，只要現役南華球員接受他的一套便可。」他甚至說南華去年邀請畢特及基士文加盟是錯誤：「畢特和基士文當時已屆退休之齡，根本不會為南華賣命；相反今年來投的利馬及迪亞高，名氣不高卻實用，他們在銀牌決賽傷出令南華戰力銳減，最終不敵晨曦已是明證。」

斥南華簽「畢基」錯誤

璀璨的職業球員生涯已成過去，歐偉倫早已適應平淡的退休生活。由於業主不再續約，阿倫於半個月前結束經營近2年的酒吧，閒時接5歲的兒子放學，與愛妻享天倫樂。

yamamoto

陳肇麒暫時的確去唔到歐偉倫個級數

man36951

回覆 yamamoto 的帖子

亦都可以話, 一代不如一代

70年代 鍾楚維
80年代 尹志強
90年代 歐偉倫
00年代 陳肇麒

yamamoto

man36951 發表於 2012-3-11 14:07
回覆 yamamoto 的帖子

亦都可以話, 一代不如一代

我未睇過鍾楚維同尹志強踢波
我細個睇過下陳發枝,山度士,顧錦輝踢波,覺得佢地好勁
到我中學睇李健和,歐偉倫,譚兆偉,蔣世豪踢波
已經覺得佢地冇上一代咁勁
到依家睇陳肇麒,歐陽耀沖,盧均宜踢波
好明顯又同上一代差一皮
的確係一代不如一代

Wandererjc

man36951 發表於 2012-3-11 14:07
回覆 yamamoto 的帖子

亦都可以話, 一代不如一代

70年代 鍾楚維  身位勁,洋將都唔意易撞散佢,缺點係硬橋硬馬,欠細膩
80年代 尹志強  職業態度一流,彈跳力好,缺點係走位比較死
90年代 歐偉倫  腳下功夫比前兩位好,埋門瓣數多,缺點係身形單薄,而且好多時精神唔集中
00年代 陳肇麒  身形應該最好,但係暫時都睇唔到技術有乜特點,比較令人擔心係,頭腦唔冷靜,也沒有大將的使命感

Wandererjc

yamamoto 發表於 2012-3-12 04:57
我未睇過鍾楚維同尹志強踢波
我細個睇過下陳發枝,山度士,顧錦輝踢波,覺得佢地好勁
到我中學睇李健和,歐偉 ...

主要係競爭力o既問題,胡國雄到山度士呢一代,外援水平非常高,一隊波可以出六個外援,你要同佢地爭位,想偷懶都唔敢啦,到九十年代,雖然仍然有部份高質外援,但競爭性已不斷下降,到陳肇麒呢一代,係典型香港青少年,足球佔佢o既時間唔多,咁技術又點會強呢?

胡國雄自小一日踢十幾個鐘(小型球),技術日練夜練,呢一代成長環境根本不可相提並論

~米米~

仲未講埋張子岱呢類香港球王

c0001341

陳肇麒去到退休都未必可以去到歐偉倫既一半

yamamoto

JC 君 發表於 2012-3-12 09:38
70年代 鍾楚維  身位勁,洋將都唔意易撞散佢,缺點係硬橋硬馬,欠細膩
80年代 尹志強  職業態度一流,彈跳力 ...

估唔到倫爺既腳下功夫仲要好過兩位前輩喎
可惜當年阿倫唔肯留係荷蘭踢波
如果佢肯留,可能依家既成就會更高

yamamoto

JC 君 發表於 2012-3-12 09:52
主要係競爭力o既問題,胡國雄到山度士呢一代,外援水平非常高,一隊波可以出六個外援,你要同佢地爭位,想偷懶 ...

依家社會太多誘惑喇
青年人唔會放咁多時間練波喇

Wandererjc

yamamoto 發表於 2012-3-13 00:00
估唔到倫爺既腳下功夫仲要好過兩位前輩喎
可惜當年阿倫唔肯留係荷蘭踢波
如果佢肯留,可能依家既成就會更 ...

鍾楚維同尹志強都屬柱躉型中鋒,歐偉倫腳法,射術較佢地好,但體能,衝刺就不及

man36951

回覆 JC 君 的帖子

時代不同了, 以前球員除了球隊練波, 其餘大部份時間都在球場踢下波, 現在球員一收工, 打機, 唱k, 上網辦辦齊. 打機, 唱k既功力可能比佢球技更加了得.

Wandererjc

man36951 發表於 2012-3-13 17:59
回覆 JC 君 的帖子

時代不同了, 以前球員除了球隊練波, 其餘大部份時間都在球場踢下波, 現在球員一收工,  ...

時代的確唔同左,不過外國球員一樣上網,打機,遠o既唔講,就講日韓,大家都係亞洲人,最少應該追上佢地啦