一個人的寂寞-有感而發

大發現 · 發表於 2012-2-22 00:19:33

年紀慢慢長大身邊既朋友結婚既結婚拍拖既都拍左好多年大部份都一雙一對

自己仲係孤身一人節日原本係值得開心既時刻但如果你同我一樣係一支公就會明白我係幾討厭節日!

身邊大部份同事朋友都結左婚再唔係都同男/女朋友拍左好耐拖
但係自己就咩都冇有好多時真係會幾寂寞過時過節唔洗講啦行出街全部都一對對大家成班朋友傾緊
去邊到邊到玩傾到興起果陣一係就有人會話丫唔得我果日要陪老婆/女朋友

一係就有人會話咁帶埋另一半出黎喇即刻冇晒引

睇戲又係慘好多時想睇戲諗住約朋友去但男仔睇既戲好多時女仔又冇興趣搞到D朋友都會話我女友唔鐘意睇架唔去喇
自己一個去就最慘 9成人都係一對對自己一個坐總係成日覺得別人會眼望望: 咁怪架自己一個人都黎戲院!! 唔好話我諗多左我次次去睇戲都有呢個感覺!!!
散場又係另一痛苦位全部都一對對傾返套戲既劇情一陣去邊到食飯呀.......但我呢?

病又係另一寂寞點人係生病既時候總係會變得孩子一點脆弱一點望住個電話一直等待短信(而家就WHATSAPP)
等待一句關心既問侯醒來可以得到關心溫柔既陪伴

但

現實一支公既我地等待既只係公司同事WHATSAPP 交代既工作

冷冷既傷害性說話病好就死返工喇!!!!!

當然你睇人好人睇你好一支公係果班有另一半既人眼中我地又係好自由既
可能有人會話咁家人都會關心自己對自己好冇錯親人係呢個世界係冇可取代
但家人既關心問候同另一半既關心問題係2回事黎
不過總之我都會享受現在我相信愛情同六合彩一樣話黎就黎~

Harunoame · 發表於 2012-2-22 03:50:18

i have the same feeling.... just find some hobbies like reading books, play squash, join a society... I am with you man.

小豬bb · 發表於 2012-2-22 07:08:30

我就享受自由同獨身啦~
過節一個人又點?
我覺得無問題wor..
一個人有一個人既舒服~
可能到你拍拖你又想單身返架啦

fatdragon167 · 發表於 2012-2-22 09:14:26

大發現發表於 2012-2-22 00:19
年紀慢慢長大身邊既朋友結婚既結婚拍拖既都拍左好多年大部份都一雙一對
自己仲係孤身一人節日 ...

我亦是一個人，但和朋友們都已經過了那個年紀，朋友們有開始離婚的。沒有離婚的，和老婆感情已經轉淡，反而會找我出去。

我也會覺得孤獨，但我非常同意師兄所言，愛情同六合彩一樣，話黎就黎。隨緣吧。

benny1507 · 發表於 2012-2-22 09:50:17

人愈泥愈大,就覺得身邊冇咩朋友

lam.sith · 發表於 2012-2-22 16:29:03

所以我養只狗！

uajyeah · 發表於 2012-2-22 16:34:25

一個大男人要經得起寂寞。。

uqanjdy · 發表於 2012-2-22 16:35:57

這么寂寞怎麼不找個女朋友？

ali · 發表於 2012-2-22 16:49:45

一個人仲好啦 , 悶又可以去141找囡囡,吾駛俾人管
自己中意食乜就食乜,買乜都得 , 你估有女朋友會好d咩?
病左咪自己去醫生,又吾駛煩到人

如果到時妳有女朋友,你就會好後悔

1qwer · 發表於 2012-2-22 17:46:20

搵囡囡陪下囉

大發現 · 發表於 2012-2-22 21:07:49

fatdragon167 發表於 2012-2-22 09:14
我亦是一個人，但和朋友們都已經過了那個年紀，朋友們有開始離婚的。沒有離婚的，和老婆感情已經轉淡，反 ...

冇錯C兄!! 人總要對事情有希望如果這一點希望都冇做人有咩意思~!

大發現 · 發表於 2012-2-22 21:12:17

uqanjdy 發表於 2012-2-22 16:35
這么寂寞怎麼不找個女朋友？

呢一樣真係........ 我都覺得係自己問題
某程度上我幾矛盾我好多時都鐘意自己一個人當一大班人既時候
如果大家岩傾都好D 唔係太熟既時間我會好唔舒服
我都知道呢一點就係令我未有女朋友既原因
但我工作地方都有好多女仔我都試過去追但唔知係咪咁岩
我識得既女仔好多都有男朋友冇果D 大家又唔岩傾而且我識既女仔當中
真係非常之少係冇男朋友好似得1.2個-.-