灣仔文具老舖 30年升值24倍

sportparis

文具及書店日漸減少，早年購入舖位自用的文具店，物業升幅顯著。消息指，灣仔莊士敦道30年歷史的「新光帳簿」老舖，以約5,300萬元沽出，原業主於1982年以約210萬元購入，持貨30年物業升值24倍。

市場人士透露，灣仔莊士敦道2至6號地下及1樓單位剛易手，物業地下舖位面積約700平方呎，連同1樓F、G及I單位，約2,100平方呎，整個物業合共約2,800平方呎，以約5,300萬元易手，呎價18,928元。

地舖連1樓3伙210萬購

據了解，該舖屬莊士敦道歷史悠久的新光帳簿，翻查資料，新光文儀用品早在1982年，以近210萬元，購入該物業地舖及1樓3個單位，並開設新光文儀用品店，售賣各類文具，而大廈外牆掛上「新光帳簿」四個大字，極為搶眼。

據悉，原業主去年決定結束營業，並把舖位於市場上放售，終以約5,300萬元獲承接，舖位於30年間，升值約24倍。消息稱，該廈近期亦錄得摸貨買賣，投資者黃海明以約800萬元，沽出該廈1樓H室，面積約800平方呎，獲利約100餘萬元。

老實講,書店行業日漸式微,生意額跌,收入減少,而租金同物業大幅升值,如果係我都會唔做賣書,改為放租同放售。

sportparis

煩惱 發表於 2012-2-8 17:42
呎價18,928 咁平 ??????

相信係地段問題,18,928元的確好平,

我都搵左篇新聞:

舖位市道暢旺延續至今年，核心零售區有價有市，呎價水漲船高，盤源極之短缺，不少投資者將資金轉向二綫零售區市場，推動二綫區舖位呎價上揚。新近市場錄得一宗灣仔道地舖買賣成交，業主於短短九個月間帳面獲利600萬元離場。

中原(工商舖)商舖部營業董事黃國柱表示，灣仔道148號地舖連租約易手，其建築面積600平方呎，涉資約4200萬元，平均呎價約70,000元，上址現由藥房承租，每月租金105,000元，按現租金計算的話，租金回報率約3厘。

黃氏續指，原業主為投資者，看俏二綫區舖位市場不乏承接力，於2011年3月斥資3600萬元購入上址作長線收租用途，至近期舖位投資氣氛濃厚，加上屢獲多名準買家積極洽購查詢，故決定趁機出售手持地舖，帳面更獲利約600萬元，物業價值於九個月間升值16.7%。

黃氏稱，上址住宅及商廈林立，又被多間學校及大專院校包圍，加上鄰近電腦商場及集成中心，人流如鯽，而且位於港鐵銅鑼灣站及灣仔站中心點，地理位置優越。

黃國柱預期，舖位市道持續暢旺，核心零售區一向為兵家必爭之地，盤源相當緊絀，從而令投資者將資金轉向二綫零售區市場，帶動該區呎價向上。根據中原(工商舖)資料顯示，去年灣仔區舖位平均呎價按年上漲31.4%，反映區內舖位有價有市，隨著更多業主惜售心態增強，該區舖位市況將持續明朗。

肥叔叔

真係好很平, 莊士敦道頭
佢背後上星街果啲, 全部靚樓

買家執到啦

ifayi

文具店街舖好快成為歷史, 而家灣仔差不多無曬機舖...呢幾年灣仔確實變化好大~~~

白仔神

煩惱 發表於 2012-2-8 18:50
係我睇漏咗 ....

" ... 物業地下舖位面積約700平方呎，連同1樓F、G及I單位，約2,100平方呎，整個 ...

但佢連住賣, 1樓及單位的價值會升好多

拉勻可能地鋪都係4萬多/呎

算好抵架啦

白仔神

煩惱 發表於 2012-2-8 21:36
機舖似乎又係直羊行業啦... 自從禁煙之後....

係咪夕陽就唔知

不過你見有幾多機鋪咁烟呢

白仔神

煩惱 發表於 2012-2-8 21:39
如果全部物業去睇....咪叫搭舊朱頭骨囉....始終我覺得... 1 樓肯定係 non-do .... 咁比成皮一呎算高啦... ...

唔一定架, 好多舊樓都係multi user

當do 或non-do都得

肥叔叔

煩惱 發表於 2012-2-8 18:50
係我睇漏咗 ....

" ... 物業地下舖位面積約700平方呎，連同1樓F、G及I單位，約2,100平方呎，整個 ...

5萬一呎都唔算太貴吧,  書局個位如果執靚佢, 會做到好多中高檔生意,
又教堂 又商業大廈 又一大堆住宅,  仲有最大既好處.............




好近 新基大廈.......

肥叔叔

煩惱 發表於 2012-2-8 21:36
機舖似乎又係直羊行業啦... 自從禁煙之後....

好卵多人入去玩馬仔嫁......
又有另外一班機迷, 仲好LIKE玩 GUNDAM  同 街霸
歷久不衰

GChing

其實依家租金升得咁勁 .... 仲有幾多老舖會守業丫 ... 坐定定就收咁多租 ... 仲做得咁辛苦咩 ?

454

煩惱 發表於 2012-2-8 21:36
機舖似乎又係直羊行業啦... 自從禁煙之後....

吾太關 禁煙....是 自從 有 PS / PC / online game...出現後

454

GChing 發表於 2012-2-8 23:49
其實依家租金升得咁勁 .... 仲有幾多老舖會守業丫 ... 坐定定就收咁多租 ... 仲做得咁辛苦咩 ?  ...

自己做都賺5到甘多, 可能得個做 ,  甘做來.......托........

entry1

自從新光摺左, 個舖掉空到而家, 原來等賣

entry1

ifayi 發表於 2012-2-8 20:50
文具店街舖好快成為歷史, 而家灣仔差不多無曬機舖...呢幾年灣仔確實變化好大~~~ ...

夏日城都好似摺左

sportparis

entry1 發表於 2012-2-9 11:26
夏日城都好似摺左

來緊好地方都會摺,點解宜家咁多反對地產霸權?地價貴到一般打工仔根本冇辦法應付,香港政府應該好好反思,學下人地新加坡啦

entry1

sportparis 發表於 2012-2-10 19:02
來緊好地方都會摺,點解宜家咁多反對地產霸權?地價貴到一般打工仔根本冇辦法應付,香港政府應該好好反思,學 ...

我又唔覺得打工仔應付唔到, 有排都未到呢個地步,

百零萬既樓大把, 特別係新界區, 就算市區都有, 分別係大d, 細d, 或者遠d,

如果負擔唔到, 亦可申請公屋,

無地產托住個市, 香港真係死得啦, 邊有得叫退稅, 叫分錢呢

戴宜孖

高地價。富者富。

sportparis

entry1 發表於 2012-2-11 10:54
我又唔覺得打工仔應付唔到, 有排都未到呢個地步,

百零萬既樓大把, 特別係新界區, 就算市區都有, 分別係 ...

我只係強調一般打工仔,佢地人工一月萬幾二萬,而樓價相對的確貴

sportparis

戴宜孖 發表於 2012-2-12 22:41
高地價。富者富。

香港就係咁,所以自己努力

entry1

sportparis 發表於 2012-2-13 10:24
我只係強調一般打工仔,佢地人工一月萬幾二萬,而樓價相對的確貴

ching, 點為之貴, 點叫平?

月入萬幾二萬, 分30年去供間1.5m算平定貴呢?

只要選擇能力所及既樓, 你就唔覺樓係你想像中咁貴,

另一個角度睇, 如果真係咁貴, 早就無人買, 無人買就自然會跌啦

既然市場上仍做到呢個價錢, 即係等如有人願意亦有能力付出呢個價錢,

平貴只係相對個人來講