|
2012年好快又過了一個多月,港股表現令唔少人大趺眼鏡,HSI由去年底18000急抽至現時20700水平,且有直樸21000之勢.個人亦對今年市況看法轉為審慎樂觀.較早前自己都覺得2012再爆發股災機會不少,皆因從歷史圖表睇,熊市通常會有兩大趺浪,而且後浪會比前浪跌得更深.歐債危機未有真正舒緩,使人對市況保持悲觀.自從一月評級機構連串下調但市場完全不為所動,已感覺有轉勢先兆.,美國經濟數據持續強勁及歐元區國債銷售反應持續理想反映歐債'爆煲'機會甚微,兼且投資者大多共識歐洲央行遲早印鈔冚歐債(現在只係同美國講數角力),一旦歐央行開印鈔機,美國QE3亦會緊接著出籠.加上內地股市持續'回勇',雖然未可確定由熊轉牛,但港股下行至去年低位風險已大減.當然大幅波動應該走唔甩,個人推斷17500會係今年低位.我會逄低分段吸納金融股同指數ETF.雖然好多淡友都認為今次升市係'陰謀',但從動力(成交)持續強勁(6至7百億)來看,'真金白銀'已經重返.不管對技術同基本分析如何精通純熟,市場力量先至係股場放大鏡,順住佢來走會慢一拍,但睇錯市嘅機會就唔止少一成.咁樣心態同看法經常都要變(調整).....畢竟,市場就是每一刻都在變!
-END- |
|