▄▄ 軟件天地 ▄▄

華dee

Thank You X 10000!! :thumb: :thumb:

盛崖餘

Thanks!

八卦64掌

▄ 記憶卡失相修復大法 ▄


最多人問既問題就係修復記憶卡內被誤刪相片方法、但有關軟件日新月異、所以值得一提再提。
朋友之前聖誕去日本旅行、影左好多相、但返到香港後、發覺相片不翼而飛、用讀卡器係電腦度完全睇唔到相片。


其中市面上有好多檔案還原軟件、幫手還原記憶卡內相片、部份更可免費使用下載、ZAR(Zero Assumption Recovery)8.0就係其中之一、佢除左係影像檔案復修工具外、亦可以復修其他類型檔案、但就需要繳費、假如只係修復數碼相片就唔使。

ZAR會掃描記憶卡、然後搵出可復修既檔案及顯示出來、你可以選擇所有檔案、按『 Next 』進行復修程序；跟手選擇儲存目錄、然後按『 Start copying the selected files 』就得。

值得一提係：記憶卡內相片通常唔能夠100%復原、成功率多寡視乎張卡有否經常被重寫。要增加復原機會、影相時就唔好經常用相機刪除相片、以免檔案分散、否則就返魂乏術。

l

八卦64掌

▄ 踢走『 WLM 』廣告 ▄

有冇軟件能夠將 Windows  Live Messenger 中既廣告移除??答得當然有啦。



WLM 8.0 初推出之時、有一隻叫 Mess Patch 既軟件、可以移除其中好多元件、例如廣告、按鈕等。到左依家、坊間又有一套『 Clean Messenger 』既軟件可以勝任、而且用法比 Mess Patch 更為簡單、執行時佢會自動偵測你所用既 WLM 版本、之後只需要係清單上選擇要移除既項目、隨即再按『 Apply Changes 』、就會自動作出修改、仲提供即時預覽功能、比你見到介面被修改後個靚樣。

『 Clean Messenger 』最新版為 2.7.0.168 、已經支援最新既  WLM 8.1 Beta 版、討厭睇廣告者不妨一試。

下載網址：
http://www.cleanmessenger.com/

八卦64掌

▄ 取消自動變 URL ▄

阿妹係英文教師、不過講到用電腦就係有限公司。佢用開 Microsoft Word 做教材、周時都會於文件中輸入網址俾學生參考、不過一輸入個 URL 就自行變成超連結 hyperlink、影響到成份文件既格式 ....

Word 有好多自動功能、原意係方便用家、加快輸入速度、免除自行設定格式既麻煩、而自動就係最常見一種。想唔要呢個功能、其實有兩種方法解決：

第一個係永久取消、先選擇『 工具 』→『 自動校正選項 』， 進入『 輸入時自動套用格式 』一頁，取消選擇『 以超連結取代網際網絡和網絡路徑 』選項即可。

另一個方法，係有需要先至取消自動超連結功能、所以要手動逐次設定、方法係先選取 URL 全部文字、然後按『 Ctrl + 6 』即可將所有超連結變成一般文字。


l
L

八卦64掌

▄ 解開『 我的最愛 』死結 ▄

日前打開瀏覽器『 我的最愛 』選項、發現佢充分反映出『 後現代貪心主義 』與『 大包圍有殺錯無放過 』精神。原來過去被我睇中及所 bookmark 既網頁接近 300 個、到底點樣好好整理佢地？邊D已經無左連結而失效？要逐個開來試嗎？終於忍唔住上網搵下解決方案、對付死左既連結。

有個名為 AM-DeadLink 既軟件好值得推介、佢可以替 bookmark 檢查仲有無效。軟件支援 IE、Mozilla、Firefox 及 Opera 等常用瀏覽器、操作好似食杯麵一樣方便、只要開啟程式、選取要檢查瀏覽器種類、然後執行檢查、話咁快就會得出『 驗身 』報告、俾你睇到各式各樣既錯誤訊息、例如、404 找不到檔案、401 認證失敗等。至於重復既 bookmark亦可將之嚴打肅清；另一方面又可以幫手備份 bookmark。


下載網址：
http://www.aignes.com?deadlink.htm

八卦64掌

▄ 加速 Windows XP 忌懶 ▄

電腦用得耐、隨著軟件愈裝愈多、速度亦愈來愈慢、呢樣野好正常、好似汽車一樣、行得耐副『偈』效能就會打折扣。要保持電腦理想運行速度、可以借助一o的 Fine Tune Windows 既軟件、整理一下 Registry 。

人就係貪得無厭、雖然我部電腦係用 Core 2 Duo 處理器及 2GB 記憶體、但之為左追求極速快感、就下載左隻免費軟件 Eusing Free Registry 執 Windows XP 既機碼。

啟動程式之後、執行左上方 Scan Registry lssue 、就會見到一大堆機碼出現、你可以人手選取刪除不知名機碼、又話者按 Repair Registry lssue 自動清洗、不過建議之前先 Backup 原有機碼、否則可能出現問題。我就因為懶、膽粗粗用左自動 Repair Registry 功能、雖然開機速度係有快到、但就搞到按『開始』及『所有程式』後、竟然一無所有、又因為懶、唯有改用『 傳統開始功能表 』解決問題。

原來、玩電腦定俾電腦玩、只係一線之差。







l
L

guyver9306

八卦64掌

▄ 測試您上網速度 ▄


測試網址：
http://promos.mcafee.com/speedometer/test_0150.asp

八卦64掌

▄ 手機影片轉向有計 ▄

好多人都會用手機拍片、不過由於係打直拍攝、所以放入電腦播放時、會變成打橫顯示、即係扭轉90度、最簡單方法係用 Windows Movie Maker。

不過 Windows Movie Maker 只支援 AVI 與 WMV 格式、其他影片格式 (例如手機所用既 3gpp) 則需要事先轉換、大家可以用 Media Convert 軟件..將手機影片轉成 avi

網址：
http://media-convert.com/convert/index.php

之後可以開 Windows XP 的 Windows Movie Maker 、於介面左邊『 電影工作 』上選擇『 匯入視訊 』、選擇經轉換後既 AVI 檔案、然後將電影拉入下方既腳本 ( Story Board ) 。

第二個步驟、就選取『  檢視視訊效果 』、並按著『 旋轉90度 』效果、拉入腳本內影片左下角的星星位置上。完成後、你會見到星星顏色由灰色轉為藍色、而影片亦會於預覽視窗上變為直顯示。

最後、係『 電影工作 』選單上按一下 『 儲存至我的電腦 』 、選擇名稱與位置、並選擇檔案格式、按『 下一步 』開始儲存影片程序、完成後關閉 Windows Movie Maker 即可。

值得一提係、影片被旋轉90度後、會有若干壓扁失真現象、所以下次拍片之時、記得要橫向拍攝、咁就一勞永逸啦。

waddle

:thumb: :thumb: :thumb: :thumb:

thx

八卦64掌

▄ 亂碼速治靈 ▄

有朋友問MP3歌曲亂碼解決方法 ...... 只要用一個繁簡內碼轉換軟件、將 GBK/Big5 內碼偷龍轉鳳就得。

MP3 tag 出現亂碼多數係因為當中資料以簡體中文來填寫、用 ConvertZ 之類既內碼轉換軟件就可將之變番繁體、呢個軟件勝在免費、又支援多個編碼。

執行 ConvertZ 後、於目錄模式中打開存放 MP3 文件既資料夾、就可以一次過把所有 GBK 簡體內碼轉為 Big5 繁體內碼、而且係編碼轉換過程時、仲可以預覽轉換前後結果。








下載位置：
http://alf-li.pcdiscuss.com/files/convertz802.zip




l
L

八卦64掌

▄ Xbox 360『 直播 』▄  Windows 影音檔案

家庭遊戲已經唔止打機咁簡單、例如 Wii 係一部運動機械、PS3 係高清碟機、至於 Xbox 亦主打家庭影音娛樂、最近佢更可以同電腦既 Windows Media Player11 連動、播放影音檔案添。

Microsoft 一向都標榜 XBOX 360 與 Windows 既互動性、不過最初只能與 Windows Media Center Edition 版本連線串流播放影片、音樂及相片、而一般 XP 系統則需要加裝 Windows Connect 程式先做到。不過近期 Xbox 360 本身 Firmware 有所更新、能夠與一般 XP 或 Vista 系統融合串流播放影音檔案。

先開啟： W M P 11 並於 Library 一欄中、選擇『 More Options 』進階設定；之後進入 Library 分頁、當中有 Sharing 設定、然後按『 Configure Sharing 』。隨即開啟 Xbox 360 進入主要選單、確定已連上家中網絡、選擇『 系統 』→『 電腦 』→『 Windows PC 』搜尋適當電腦連線；返到 W M P 11 設定中、就可以見到 Xbox 360 連線，只要按『 Allow 』即可讓 Xbox 串流 W M P 11 媒體櫃中既多媒體檔案。














l
L

八卦64掌

▄ 我要錄好呢條聲 ▄

有網友上 YouTube 睇到條短片，發現內裡背景音樂非常吸引，想將佢錄起做 mp3 鈴聲，問有咩方法可以將影片走畫留聲，錄好呢條聲。

在此介紹個偉大而又免費既錄音軟件 Freecorder 俾大家，佢可以將電腦輸出既任何聲音錄製至 mp3 。

首先安裝 Freecorder ， 然後按『 Settings 』設定錄音訊源，並於『 Settings 』內既『 Prompt for File Name 』選擇『 After Recording 』，如此的話，錄音完畢即可鍵入檔案名稱。

另外，於『 Sound & Audio Configuration 』中選擇合適既音效卡與『 Stereo Mix 』或『 立體聲混合 』效果，完成設定按『 OK 』即可；跟住按『 Record 』就可開始進行錄音工作；完成後按『 STOP 』，隨即輸入檔案名稱，錄音檔案就會儲存係預設目錄上。

平心而論，個軟件真係好用，除可將所有係電腦喇叭發出既聲音轉成 mp3 之外，亦可透過電腦咪以及 Line In 錄音。(情人節有咩肉麻野講就要用 Freecorder!


下載網址：
http://www.applian.com/freecorder/demo.php






l
L

iTcool

正~~~

八卦64掌

▄ 解決 Vista 無法連接無線網絡秘技 ▄

新春假期一來有利是錢，二來有時間，所以好多朋友都會趁呢個時間升級部電腦、有朋友就裝左 Vista Ultimate，原本一切運作如常，但發覺用開既 USB 無線網絡 adapter 有問題而無法連線。

事實上，現時好多無線網絡產品附送既安裝程式，都未完全兼容 Windows Vista，解決方法係到生產商網站下載更新版程式，以手動方式重新安裝，然後用 Vista『 網絡和共用中心 』設定無線網絡。

先於『 網絡和共用中心 』按『 管理無線網絡 』，按『 新增 』後再選擇『 新增此電腦範圍內的網路 』，假如已關閉無線路由器 SSID 廣播功能，則須選擇『 手動建立網路設定檔 』；鍵入『 網路名稱 』(即 SSID)、安全性類型/加密類型 (即加密設定)、加密匙 (ASCII、16 進位密碼亦可)，Vista 能自動分辨；如無廣播 SSID，就選取最下方選項，按『 連線到… 』就能連線。

仲有，假如想睇番網絡地圖 (Network Map)，可於『 網絡和共用中心 』度既右上角按『 檢視全幅地圖 』。



最後，祝大家開工大吉。









l
L

八卦64掌

▅ Vista Sidebar 代替品 ▅


在 Windows Vista 中， Sidebar 功能是其中一項新加入的元素，用家可將一些常用的 Gadgets 擺放在 Sidebar 裡。
不過用 Windows XP 都可免費擁有 Sidebar 功能，只需安裝 Thoosje Vista Sidebar 就可以，甚至部份功能比原裝 Vista Sidebar 更好。

Thoosje Vista Sidebar 具備十多款的 Gadgets 以供選擇，早前介紹的 Vista Transformation Pack 6.0 中， Sidebar 的部分就是採用這套軟件，因為它是在同級產品中，仿似度最高的一款。軟件內置的 Gadgets 中，有部分與 Vista Sidebar 提供的相類似，包括行事曆、時鐘、天氣報告、RSS 閱讀功能等，『 獨家 』功能則有 Yahoo Search、 Google Search。

此外，軟件提供多款 Skin供用家選擇，當然 Thoosje 亦有獨創 Skin 。 軟件亦提供多款不同時鐘設計，可在『 Clocks 』的設定中選擇。




網址：
http://www.thoosje.com/

[ 本帖最後由 八卦64掌 於 2007-3-3 18:52 編輯 ]

menmen

八卦64掌

▅ Nokia 出試版免費電子地圖 ▅

最近發現手機製造商 Nokia 亦都有推出電子地圖軟件。查實這名為 Smart2Go 的電子地圖之推出，主要是 Nokia 去年收購德國電子地圖公司 Gate5 之後，重新包裝的產品，可應用於旗下的智能手機，就連將來推出的 N95 也會內置 Smart2Go。

Smart2Go 至今仍在測試版本的階段，不過整體的功能已做得很出色，甚至比本地推出的電子地圖更優勝。值得一提是軟件已內置香港街道的地圖資料，包括街道名稱、停車場及油站等內容，更可配合 GPS 全球定位系統使用，換句話說隨時都知道自己的所在地。另外軟件也支援點對點的建議駕駛路線，以及支援語音導航提示(包括普通話)，對於駕駛者來說相當方便。

Smart2Go 除了備有 Nokia 手機最常用的 Series 60 3.0 的版本外，同時更加入 Windows Mobile 5.0 平台的支援，亦由於這個原因，大家的 Pocket PC 都可以用到。





有興趣的話不妨↓免費下載試用：
http://www.smart2go.com

八卦64掌

▅ Vista 技巧過兩招 ▅

唔知大家有無升級轉用 Windows Vista，其實呢個全新操作系統除左介面精美之外，仲有好多實用功能，不過都要識用先得，在此係度過兩招俾大家。

先分享 Screen Capture 技巧。以往用 Windows XP 擷取螢幕畫面，利用 Print Screen，然後在小畫家『貼上』。 Vista 更進一步提供一個名為 Snipping Tool 既工具，只需於開始功能表上執行『 snip 』，就可用 Snipping Tool 既 Rectangular 及 Freeform Snip 功能，又可以將圖片儲存為 JPG、 BMP、PNG 及 GIF 格式。

除此之外，於 Windows Vista 中，只要點選滑鼠右鍵時候同時按『 Shift』鍵，就曾彈出一個最詳盡既選單，即使對象係 .sys 檔案，同樣可以做『 Add to Quick Launch 』甚至『 Pin to start Meny 』等工作。

講開 Vista，大家又知唔知咩係 Windows Vista Ready ？ 其實最新既 USB 手指先會有呢個功能，好處係可以將手指記憶體某程度上記憶體使用，據網上消息指，已有台產 4GB 手指有以上功能，只係賣$199，希望有代理快快引入就好喇。