全院滿座不及 LV賣個袋 自由行魔力 UA戲院遭名店迫遷(轉貼)

管夷吾

全院滿座不及 LV賣個袋 自由行魔力 UA戲院遭名店迫遷(轉貼)

銅鑼灣波斯富街小店被貴租打殘，拜內地同胞驚人消費力所賜。附近的時代 UA戲院亦被名店入侵，月底將暫時結束 18年業務，據知該處將以天價 2,000萬元月租租給國際品牌 Louis Vuitton，變成自由行購物熱點。

位於銅鑼灣時代廣場地下和一樓的時代 UA戲院營業到本月 31日便暫時結業。自 18年前時代廣場建成後，時代 UA戲院就一直見證着該區的興旺，諷刺的是隨着人流增加，自由行爭相前往購物花費，就在內地這股似用之不竭的資金支持下，地舖租金連年水漲船高，時代 UA在今年頭約滿後獲通知不被續約，故需暫時停止營業，稍後有機會搬上 12、 13樓繼續經營。

一個月營業額逾兩億

據知，時代 UA每年營業額約 4,000萬元，每月租金 110多萬元，而法國品牌 LV則以月租 2,000萬元進駐，兩者租金不可同日而語。這個對於戲院商看似是天價的金額，對內地大款趨之若鶩的名店來說絕不算貴，有數可計。就以 LV尖沙嘴廣東道店為例，前年 12月旺季營業額據知達 2億多元，該店的皮袋由 6,000餘元至 30餘萬元都有，以人均消費 2萬元、每日有 400人幫襯計算，單日就做到 800萬元生意，一個月有 2億多元營業額，交租可謂輕而易舉。只要見到每日各名店外穿流不息的人龍，就知道名店交租並非難事。

負責經營時代 UA戲院的娛藝院線有限公司副總經理、身兼戲院商會理事長的黃韋琪，與從事戲院生意 37年的副理事長崔顯威，日前接受本報記者訪問時表示明白地產商的決定，崔顯威說：「在商言商，無可厚非，如果好似你所講出到 2,000萬一個月，應該冇戲院商負擔得起。」假如以時代 UA一日播影六場戲、每場平均票價 75元、坐滿 813個位計算，每場收入也不過約 6萬元，不及一個 LV高價袋的價值。整月計算，戲院收入不足 1,100萬元，淨交租都不夠，還未計其他開支。時代廣場董事凌緣庭早前透露，會騰空時代廣場原先是食通天的 12、 13樓作戲院用途。黃韋琪表示歡迎：「我哋一直有同業主溝通，喺圖則上一直有畀意見，對成事好有信心。」

戲院或搬至 12、 13樓

崔顯威透露，目前戲院經營困難，數目亦嚴重不足：「以前戲院同業主嘅租金係個梗數，家已經好少呢樣嘢，一般商場會同院商簽定底租，或用營業額兩成半作為租金，以較高者為準。一張戲票分完一半比片主之後，要同業主對分。」他又說：「時代 UA月底停業，幾時開番冇人知，北角新光做埋 2月業主就會收番，到時銅鑼灣區就得番 MCL JP、皇室同埋總統三間院七個銀幕，大概有 1,332個位，要照顧灣仔、天后、北角同銅鑼灣嘅人，唔夠戲院變相剝奪市民睇戲權利。」崔顯威稱，當年戲院肩負起娛樂以外的責任：「以前暴動，戲院就用嚟粉飾太平，畀人入場忘憂；七十年代政府發展衞星城市，又規定要有戲院吸引啲人搬入去。」他表示以早年天水圍為例，政府就曾在賣地條款上加入要有戲院的條款：「戲院唔夠嘅唔只港島區，新界區火車沿線大埔、上水同粉嶺都冇戲院，睇戲都要跨區去到沙田睇！」

管夷吾

依間UA好耐以前都去過, 又成為回憶了

自由行為香港帶來好多經濟效益, 但亦同時間慢慢改變香港面貌, 唔通將來睇戲要去離島睇

黃非紅

管夷吾 發表於 2012-1-20 02:50
全院滿座不及 LV賣個袋 自由行魔力 UA戲院遭名店迫遷(轉貼)

銅鑼灣波斯富街小店被貴租打殘，拜內地同胞驚 ...

香港e+乜刀要靠大陸條水！

天鎖斬月

我諗緊....可能將來行銅鑼灣見到九成人都係自由行......真係好唔開心 ......The city is dying.....

lawson.

無辦法架

邊個有錢就邊個話事, 只有向現實低頭

鬼叫香港人自己無用咩

yamjin

一個時代的終結

肥叔叔

戲院都有自己做死自己,  銀幕越縮越細,  場次越黎越亂,
而家好多人屋企都有大電視,  我都寧願買碟屋企睇

UA都係大集團, 佢喺TIME SQUARE個位都賺左咁多年錢吧,
而家做唔掂生意, 轉營囉

商業社會, 唔係開善堂播  


題外話: 而家仲有咩戲好睇丫,  一套(那些年....) 就話爆哂,  我睇完都唔覺得有咩特別,
其他套套都只係鬥電腦動晝飛天下海,  港產片就繼續垃圾, 行行企企咁
鬼去睇戲咩.....
小弟愚見

肥叔叔

煩惱 發表於 2012-1-20 12:59
我近呢 10 年 ... 加埋晒應該睇唔到 5 套戲 ...

我直情坐屋企睇,   唔好睇可以即時STOP,  唔洗嘥時間入場

肥叔叔

煩惱 發表於 2012-1-20 15:13
我連屋企都 5 睇 ...

你睇C子老虎都夠.......  

呀吓

煩惱 發表於 2012-1-20 15:25
冇晒淫生樂趣 .......

陪住阿女咁都係樂趣黎既!  

肥叔叔

呀吓 發表於 2012-1-20 15:41
陪住阿女咁都係樂趣黎既!

咪臭係...... 我恨都恨唔到  

肥叔叔

煩惱 發表於 2012-1-20 15:25
冇晒淫生樂趣 .......

你可以扮下象象, 猫猫狗狗,  咪一家玩下 鬥獸棋 囉
幾HAPPY

呀吓

肥叔叔 發表於 2012-1-20 15:42
咪臭係...... 我恨都恨唔到

乃自己清高之嘛!!!

肥叔叔

呀吓 發表於 2012-1-20 15:45
乃自己清高之嘛!!!

清咩高...... 做地產窮,  不宜結婚生仔,  棧餓死人
阿煩唔同,  樓市好景果陣就攪掂左,  唔洗煩

呀吓

肥叔叔 發表於 2012-1-20 16:02
清咩高...... 做地產窮,  不宜結婚生仔,  棧餓死人
阿煩唔同,  樓市好景果陣就攪掂左,  唔洗煩 ...

搵藉口喇! 兩三年前樓市好好咩???  

肥叔叔

呀吓 發表於 2012-1-20 16:04
搵藉口喇! 兩三年前樓市好好咩???

再之前麻, 阿煩儲夠老婆本麻  

肥叔叔

煩惱 發表於 2012-1-20 16:19
的確係 ... 06 -07 ... 我搵咗儲咗成廿萬都有 ... 之前 07 年尾結婚 ... 咁就洗鬼晒 ...  ...

廿個係岩岩夠結婚乍喎.......

肥叔叔

煩惱 發表於 2012-1-20 16:24
係呀 ... 所以咪清晒袋囉 ...

一生兒女債, 計都計唔哂,  兩個揍到大,  生活夠愉快........

管夷吾

ck223 發表於 2012-1-20 03:02
香港e+乜刀要靠大陸條水！

背靠晒祖國

管夷吾

肥叔叔 發表於 2012-1-20 12:02
戲院都有自己做死自己,  銀幕越縮越細,  場次越黎越亂,
而家好多人屋企都有大電視,  我都寧願買碟屋企睇

有時去戲院睇戲, 係一種情趣, 又要睇下同邊個, 有時又可以打發時間