足球小將真人版

JIMMYBOY · 發表於 2012-1-17 23:57:06

以上影片乃youtube提供,與本站無關; 若無法觀看,可查看原網址。

蘋果動新聞：
http://hk.apple.nextmedia.com/te ... id=20101202&...

JIMMYBOY · 發表於 2012-1-17 23:58:41

本帖最後由 JIMMYBOY 於 2012-1-18 00:02 編輯

以上影片乃youtube提供,與本站無關; 若無法觀看,可查看原網址。

真係無得比日本既足球發展規模真係好大, 呢場係09年既全日本少年大賽, 紅衫係來自J1名古屋鯨魚屬下名古屋鯨魚少年隊(U-12) VS 白衫由新座市組織成既少年隊新座片山FC, 呢條係youtube都幾出名因為名古屋鯨魚u-12既技術表現紛紛鐘比大人有過之而無不及, 近3-4屆都係常客黎除08、11年亞軍, 始終屬J1老牌球會既少年人隊無論訓練同招攬既球員點都會係該縣最出色; 不過對賽既新座片山FC其實都唔差都曾經係十年多前奪取過冠軍, 只係對比返人家有專業系統訓練, 而該隊只屬於市內一支經年歷史自組球隊黎講能夠挑戰過百隊球隊打入全國決賽已叫利害...
當我地睇緊足球小將果陣, 以我地所認識既全國大賽可能多以小學組織球隊為單位, 其次則以市內組織聯隊參賽(如足球小將內南葛隊為其一), 當然亦會有當時非職業球會既少年隊; 但經過廿幾年後經已發展到職業球會既出現亦派出少年隊參與, 顯然易見係無論(學校、私人、市政府等)由裡到外都係全民參與同一項運動比賽, 競爭性咁大點都可以鍛鍊得到一班球員, 從以發掘出最佳既成職業球員, 以致入選國家隊...

相反係香港基本只有得學屆賽事, 其實也只不過每年好彩踢果幾場波; 再落算係近多左多幾間足球學校, 但亦都只能當係一個興趣班參與, 雖然有能力或會介紹提升上球會青年隊, 甚至近幾年成功於有區隊賽事發展, 但實際依然好散, 尤其一個好既球員隨時一身兼數職, 校隊代表、區隊代表、再跟球會操練並不出奇, 甚至要join埋香港代表的話真係隨時一週分身不下?? 每隊既訓練模式同戰術始終有所不同, 同時問題在於訓練時間小, 呢隊train一日(實為1.5hr)果隊又train一日, 對一個有潛質既球員黎講雖然多訓練會係好事, 但每次因有唔同既戰術及模式下實在難以發揮所長?! 至於賽事方面學屆又好, 區隊既青年聯賽都好, 都係一樣賽事可能只係集中係某一段時間, 跟手每年又要為學業升級前途等問題上, 所以我地其實都幾難可以追得上日本呢...