草缸分享 : 淡水/汽水雞泡

韋小寶. · 發表於 2011-12-13 11:29:21

本帖最後由韋小寶. 於 2011-12-13 17:05 編輯

差唔多又到年尾，計起上黎都寫左9個魚缸報告，今次尼個應該係小弟今年最後一個草缸分享，响度祝大家聖誕快樂、新年進步、長玩長有!

話說小弟曾經試過幾次買巧克力娃娃返黎草缸養，但每次不出三日就升仙，不過巧克力娃娃實在有太大魔力

，兩星期前行過魚街又忍唔住手再度嘗試，但今次竟然期績地矛屎

，仲好精神到處搵食，有見及始，今次題材就寫雞泡魚記念一下

。

雞泡魚又叫河豚，可能大家都聽過，可能食過添，不過大部份都係海魚。但都有淡水同埋汽水（汽水啫係咸淡水交界），淡水雞泡如果選擇得合適其實都可以放係草缸里面同其他生物一齊養，令魚缸無咁單調，皆因雞泡魚外表同行為都同其他草缸觀賞魚好唔同，觀賞性極高!

雞泡魚–河魨屬於魨目（Tetraodontiformes），佢地可以根據以下特徵辨別出黎：[鰓裂小，口小，臀鰭無硬棘，腹鰭退化，體表有棘狀小鱗，或骨板，或長棘，或裸露無鱗。一般包括有二齒魨科（Diodontidae）、三齒魨科（Triodontidae）、四齒魨科（Tetraodontidae）同箱魨科，其中四齒魨科既牙齒係四齒狀，大多數四齒魨科魚種都含有劇毒河魨毒，誤食會致死；箱魨科（Ostraciontidae）俗稱箱河魨，箱魨科既身體被覆由鱗片癒合而成既骨板，形成盾甲包住全身，外型似箱盒，含箱魨毒，誤食亦會中毒。但二齒魨科同三齒魨科魚類並未被發現有毒，二齒魨科魚類既牙齒呈二齒狀，而三齒魨科既牙齒呈三齒狀。] 其實魨目魚類總共有九科，不過其餘五科屬於海魚，所以唔太多講。

最多人認識既雞泡魚應該係二齒魨科河魨，皆因我地有平時响香港水淢都可以釣魚釣到。二齒魨科受驚、生氣嗰時，例如被釣起，會吸入海水或者空氣去膨脹身體，意圖想嚇退敵人，非常有趣。

河魨係屬暖水性魚類，廣佈响溫帶、亞熱帶和熱帶海域，大多數棲息係海洋，但有幾種可以進入河口（咸淡水交界）或者生活係淡水淢；多數種類响春季由外海游向近海，係沿岸產卵，少數會進入淡水江河繁殖。河魨係底層肉食性魚類，主食蝦、蟹、螺貝類及小魚，所以同雞泡魚混養要小心留意。

膨脹河魨

常見既觀賞用河魨，汽水有：黃金娃娃（Tetraodon fluviatillis）、金娃娃（ Tetraodon nigroviridis）、沖繩娃娃（Takifugu oblongus）、眼鏡娃娃（Takifugu ocellatus）、大怪金（Tetraodon Sabahensis）、印度紅線娃娃（Tetraodon erythrotaenia）、類八字黃金（Tetraodon fluviatillis）、八字娃娃（Tetraodon biocellatus）；淡水就有斑馬狗頭（Tetraodon cochinchinensis）、皇冠狗頭（Tetraodon mbu）、紅斑馬娃娃（Carinotetraodon salivator）、紅木瓜狗頭（Tetraodon miurus）、毛毛狗頭（Tetraodon Baileyi）、v字狗頭（Tetraodon Suvattii）、珍珠狗頭（Tetraodon turgidus）、南美娃娃（Colomesus asellus）、紅尾娃娃（Carinotetraodon borneensis）、翡翠娃娃（Tetraodon cutcutia）、麒麟狗頭（Tetraodon palembangensis）、毛三狗頭III （Tetraodon abei）、凡吉狗頭(日之丸) （Tetraodon cochinchinensis）、長吻珍珠狗頭（Tetraodon barbatus）、冠紋娃娃（Carinotetraodon lorteti）、巧克力娃娃（Carinotetraodon travancoricus）。狗頭同娃娃一般分別只係體型大小，大叫狗頭，細係娃娃。

紅木瓜狗頭

红木瓜.jpg

成體：20cm
水溫：24~28度，弱酸~弱鹼
混養：困難
特徵：會鑽沙，底棲型狗頭，眼小嘴翹，一般越紅越貴，活動力唔強，會埋進沙中等待獵物上門，可以响缸底一整日唔動，喜歡活體，訓餌困難，環境會影響體色

斑馬狗頭

產地：非洲
水質：純淡水，弱酸~弱鹼
水溫：24~28度
體長：50cm
食物：朱紋錦、小蝦、泥鰍，對生餌接受度高
特徵：小時後既斑馬狗頭身上斑紋唔明顯，線條偏深色，但隨著成長，斑馬狗頭會出現黃紅分明既線條
心得分享：斑馬狗頭個性很活潑，同人互動都算唔錯，有啃食加溫棒、水妖既壞習慣

皇冠狗頭

產地：非洲剛果
水溫：24~28度
水質：純淡水
體長：60-70cm
毒性：無毒
食物：小型魚、蝦、泥鰍、螃蟹、偏好活體
飼養容易度：易
特徵：黝黑既底色搭配鮮黃色既華麗迷宮狀紋路，對比強烈，而且其體型巨大
心得分享：游泳能力強而且體型較大，所以飼養需具備足夠尺寸既魚缸

黃金娃娃

產地：印尼沿海、斯里蘭卡
水質：汽水，中性偏硬
水溫：24~28度
體長：15-20cm
食物：小型魚、蝦、紅蟲
特徵：身體既底色係金色，背上覆蓋有黑色大塊斑點，體側有小型黑色碎斑，成魚既腹部都會長滿黑色碎斑，而且鰭會泛紅

八字娃娃

產地：泰國、印尼、馬來西亞、越南
水質：汽水、中性偏硬
水溫：24~28度
體長：8-10cm
食物：小型魚、蝦、紅蟲
特徵：肚白背上灰褐色，背上以金色線條構成一個酷似"8"的圖案，因而得名，背上既黑褐色部份隨情緒改變深淺，不挑食，好奇心強
心得分享：同主人既互動良好，如果要長期飼養必須用汽水，個體攻擊性較金娃娃稍強，脾氣較差，不甘示弱，攻擊性稍高，個體需要空間大

毛毛狗頭