轉層樓俾老婆，需要繳交印花稅嗎?

kenalwaysken131

如果完成供樓後,想將物業轉名給老婆,需要繳交印花稅嗎?

lawson.

首先黎個回覆先

就係近親(老婆)以送契方式轉名

亦都係要交印花稅的

但由於係文件上無註明金額

要交的印花稅將要由稅局評定

劍劍2号

取銷自己個名就得喇

感覺先決

禾估唔係聯名啦....係直頭過俾佢....
送契都要俾印花稅.......禾諗好難走得甩

感覺先決

煩惱 發表於 2011-12-7 15:20
送契好似 5 駛比架 ... 係咪呢 ? 我都要 check check ....

我見有D送契又有銀碼.....亂亂地...

感覺先決

煩惱 發表於 2011-12-7 15:39
DOG 應該係 0 架喎 ....

問問黑版先 ....

上網搵到有D就話要俾...有D就話唔洗....

上EAA網就咁講..
送贈契-若業主將其物業在不收取任何代價的情況下轉讓（即送贈）給另一方，印花稅仍須按差餉物業估價署就物業於送贈時所評估的市值繳付。

感覺先決

煩惱 發表於 2011-12-7 15:53
咁即係要比囉 ...

唔知係咪近年轉....
我第一次search 都係話唔洗俾....
但我可能係近兩年先考牌....就有D印象話要俾....
所以都亂亂地...

感覺先決

煩惱 發表於 2011-12-7 16:03
我印象中係 5 駛 ... 可惜我地做做代理 ... 都冇機會接受到 ... 所以真係唔知 ...  ...

禾就係見過下D送契先有印象有銀碼.....好古怪...

lawson.

忙緊, 俾少少時間我

聽日覆

fraternity

kenalwaysken131 發表於 2011-12-7 13:57
如果完成供樓後,想將物業轉名給老婆,需要繳交印花稅嗎?

查實想轉名俾老婆, 正如前面ching所說係要俾印花稅, 當然另一個問題係既然點都要俾, 咁點解有人話要有番個成交價喺呢個轉名上面. 其實咁係考慮到層樓之後再變賣的問題.

如果你簡單將層樓"送"俾老婆, 咁交完印花稅後就ok, 但問題係送完(即轉名)後, 如果老婆想五年內賣樓套現, 咁基本上香港的律師樓係唔會建議新買家去買呢層樓, 而新買家亦基本上唔會有銀行幫佢做按揭, 所以簡單黎講, 你送完間樓俾佢之後基本上五年內都唔駛諗變賣.

咁要避免呢個情況, 好多人都會當正式買賣黎做, 即你以一個價錢去賣層樓俾你老婆, 當正一買一賣, 咁之後變賣就唔會有上述情況出現, 但同時地你同埋你老婆就要各自搵律師做代表. 而錢銀交收就可以協議係律師樓外進行 (即你"話"你已經收妥錢啦). 至於用咩價位, 當然稅局會有機查你有冇少交印花稅, 所以有可能用市價會穏妥啲

順帶一提, 如果你只係想將層樓由自己名變做聯名持, 咁其實都係面對一樣問題, 只不過交印花稅時的款項就會視乎你轉讓的比重而打折, 如層樓值三百八十萬但你轉讓50%, 咁印花稅就係交一百九十萬樓價的印花稅 (即一百元, 根據現行條款).

肥叔叔

- 加名唔洗俾印花
- 送贈, 唔好啦, 5年內賣唔出

mungchacha

師兄們，以下的資料並未查証的，只供師兄們一點參考：

根據印花稅署釋義及執行指引第1號(修訂本)第69點

以近親簽立的售賣轉易契
就決定一份售賣轉易契是否「依循」一份可予徵收印花稅的買賣協議而簽立來說，一個人和其父母、配偶或子女須視為同一人
[第29D(6)(c)條第(ii)節]。因此，根據第29D(2)(a) 條，以下轉易契僅可予徵收印花稅100元

劍劍2号

点解唔簡單嘀,!?

拿張身份証上律師樓, 取銷自己個名, 就得鳥

劍劍2号

煩惱 發表於 2011-12-8 13:08
因為佢係想 " 轉名 " .... 本身 5 係聯名嘛 ... 得一個業權人 ... 點取消呢又 ?  ...

加佢老娑個名先, 再取銷自己果個

其實都係多卵魚架, 都拾九幾年喇? 殘樓轉來轉去

lawson.

劍劍2号 發表於 2011-12-7 14:19
取銷自己個名就得喇

事實上係無得如你所講的取銷個名的

lawson.

回覆 感覺先決 的帖子

其實係可以的

咁唔算送契, 不過都會有送契的後遺症

第1, 稅局一樣會同你做估價, 要你交返巿價的印花稅

第2, 你亦會如送契一樣, 受到破產條例的影響, 5年內賣或按都有問題

除非你有其他"交易代價", 例如債項

lawson.

肥叔叔 發表於 2011-12-7 18:16
- 加名唔洗俾印花
- 送贈, 唔好啦, 5年內賣唔出

無加名架

lawson.

mungchacha 發表於 2011-12-7 18:50
師兄們，以下的資料並未查証的，只供師兄們一點參考：

根據印花稅署釋義及執行指引第1號(修訂本)第69點

睇野請睇全文, 唔係會中招架

該條款係講緊, 係買賣協議俾左印花稅後
咩的轉讓契先當係"依循該買賣協議"所簽訂的, 可以只交100蚊稅

原文如下:
(c) 除非符合以下情況，否則一份售賣轉易契並非是依循一份買賣協議而簽立─

        (i) 該份售賣轉易契是與受該份買賣協議規限的全部或部分不動產有關的；及
        (ii) 該份售賣轉易契為一名或所有在該份買賣協議中列名為購買人的人而非為其他人而簽立，但就本段而言，一個人及其父母、配偶或子女(或僅在與額外印花稅有關的範圍內，一個人及其父母、配偶、子女、兄弟或姊妹)須視為同一人；

因為唔依循己繳付印花稅的買賣協議而簽訂的轉名契, 係要再俾一次印花稅的

所以唔好斷章取義, 死人架

lawson.

希望大家要明白, 其實係無

加名, 銷名的

"加名", 即係你將你己有的部份送/轉讓俾人

"銷名" 亦即係你將你己有的部份唔要, 送/轉讓俾人

所以都即係送契

加名, 銷名其實係根本上的錯誤

mungchacha

黑仔神 發表於 2011-12-9 10:44
睇野請睇全文, 唔係會中招架

該條款係講緊, 係買賣協議俾左印花稅後

多謝黑仔神版大指點小弟的錯誤不足，小小弟會多加留意。見諒！