「天與地」的背後會是甚麼?

窮出沒注意

而家喺無記播緊的「天與地」，的而且確起好大的迴響，師奶未必鐘意睇，但有好多人覺得好正，呢套劇無論的取材、拍攝及演縯手法，真係幾「破格」。

在網絡上睇過一篇評論，同大家分享一下。在睇呢套劇時，又思考一下背後其實會係有些甚麼?



《天與地》，跟紅與頂白 by 無待堂

因為係無線九半劇《天與地》裡面Dr. Dylan既一句：

你睇吓我地呢個世界睇下我地呢個城市係乜野樣，除咗錢呢個字之外，我地已經分辦唔出是非黑白，我地每個人都被環境訓練到，好似倒模出嚟咁。鍾意食同一樣既嘢、鐘意同一樣電視節目、支持同一種政治立場，信奉同一種生死病死的做人方法，this city is dying, you know?」

立即就引來眾多網民既瘋狂分享同讚賞。但譽滿FacebXXk，謗亦隨之。好似林奕華就話「我並沒有為一部電視劇一段「罕見」台詞便生起興奮的情緒，正如政​客的誠懇可以只是為他的政治目的服務。他們是否真能帶來改變，要​看他們的演說，到底是演技，還是信念。致於台詞，架空來讀不如放​回context裏來看」。另外，係周博賢既post裡面，AJ Ron就話：「這麼輕輕一句, 就可以變成不一樣的電視節目, 不一樣的電視臺?太便宜了」。

窮出沒注意

其實我唔知有幾多冷嘲熱諷既人真係有睇過套劇。實我唔知有幾多冷嘲熱諷既人真係有睇過套劇。當佢地見到大家係度讚呢段對白既時候，就立即推論認為大家只係因為一句對白就鐘意套劇、甚至對TVB既觀感都改變埋。係咪傻撚左？其實呢啲人何嘗唔係因為只係見到好多人係FacebXXk度Share套戲既呢個現象，就急不及待出黎話大家膚淺呢？反正世事都俾佢地看透哂，呢啲高人真係唔講得笑。

窮出沒注意

有人支持，有人就要反對到底。跟紅頂白係一個普遍現象。就算做文化既亦都唔例外。要講《天與地》，首先就要講編審周旭明。你唔搞清楚TVB既人事關係，你係無可能明白《天與地》既特殊之處係邊。

TVB既劇組一向係流水式、工廠式咁樣整劇。其實唔只周旭明，TVB既編劇其實私底下有好多新橋，但係最後都無可能採用。因為TVB既制度係行政同埋監制獨大，創作人員既權力好細。你地唸得再多好野，都只會俾一D無品味又無能力既老野BAN橋。一啲惡俗既監製自然會令到啲編劇交啲惡俗既野出黎。始終編劇都要出糧，監制要咁你又可以點？最後就係啲編劇會心裡面不情不願地交出一啲垃圾，好似《公主嫁到》(咁岩又係佘詩曼同陳豪)同埋好大堆熟口熟面既劇。果時無意間行過電視睇過下，呢套野可能係我呢世睇過最惡俗既劇集。

窮出沒注意

咁點解周旭明既野唔同呢？一來係周旭明自己既才華，但決定性既始終係有一個高層欣賞佢，佢既咩橋都受。又放生左周旭明，令到佢唔使機器式咁倒模劇集出黎。由於有高層「撐腰」，所以佢寫劇係可以有時間有空間，精雕細琢到一年寫一部都得。所以佢既劇無論題材同質素都唔似TVB自己既劇。TVB既劇垃圾，係因為人事，而周旭明既戲好，亦係因為人事。你鐘唔鐘意都好，事實要搞得清楚。

窮出沒注意

《天與地》既好並唔係果D引起迴響既對白咁簡單。唔計佢既大橋、角色設定、對白、場口都係一貫咁有水準，最重要既就係套劇流露既現實感。夾BAND既青春歲月係追尋理想，而現實既時空就充滿壓抑同無奈。呢套野「食人」果part只係個表相。林保怡、陳豪、黃德斌點解要食左家明呢？係為左生存。呢套野係講一班曾經有理想有熱肉既人點樣係一個弱肉強食既現實世界生存。係生存、奮鬥、自我救贖。一套港劇竟然會有咁寫實係好少見，你亦都唔可以係美劇日劇度搵到呢啲對香港社會既觀察。當然講工運、金融騙局、李氏力場、林公公、搖滾精神，有時事感既人會睇得過癮，但都只係菜頭菜尾而已。

韋小寶.

小窮維尼 發表於 2011-12-6 12:35
而家喺無記播緊的「天與地」，的而且確起好大的迴響，師奶未必鐘意睇，但有好多人覺得好正，呢套劇無論的取 ...

「天與地」...禾mama地

passsol

我諗野比較單純, d複雜式野我唔識........

HKOXSOX

天與地 , 不大欣賞 ~~~

iamaboynow

禾鍾意睇公主嫁到wor
無聊, 誇張, 炒埋一碟, 食飯睇最好, 唔洗追都明佢講咩~~
食飯睇tbb, 最好唔l洗諗佢講乜
一日用腦用到黑, 返到屋企仲要諗劇集帶出d咩深層意義?
我情願度下買咩波, 渣邊個波

夢色

呢套劇集, 等睇兩年, 兩年後播出街, 居然係無脫節!
咁係可喜定可悲?
因為我明套劇最終意義講乜, 所以我buy你~

窮出沒注意

夢色 發表於 2011-12-6 13:09
呢套劇集, 等睇兩年, 兩年後播出街, 居然係無脫節!
咁係可喜定可此悲?
因為我明套劇最終意義講乜, 所以我bu ...

因為香港人
冇進步過囉

感覺先決

雖然係倉底....但係個故事都幾新鮮既...(起碼係TBB算新鮮)....
無野做都會睇下...
阿蛇出去搵直之後唔知幾時會有代表作呢...哈

t-shiper

E套做宣傳時我已經好有興趣睇, 不過礙於時間關係, 暫時一集都未睇過....

mastertim

香港地方太細,人與人之間距離太近但態度冷漠,這是香港特色,無論你喜唔喜歡,只要住嚮到,你都要接受,弱肉強食的世界,適者生存,"天與地"或許以最真實的手法演繹緊香港真實的一面,所以,才能產生如此的共鳴,那番台詞只是個藥引.

窮出沒注意

mastertim 發表於 2011-12-7 12:28
香港地方太細,人與人之間距離太近但態度冷漠,這是香港特色,無論你喜唔喜歡,只要住嚮到,你都要接受,弱肉強食 ...

好寫實

尋晚講工會派人選立法會

啲師奶肯定睇到瞓覺...

...補習天王炒黑期....不過嗰個casting攪笑啲

sungsung

好有趣，連李卓人都玩埋！我仲以為講街工梁耀忠，咁多白頭髮......

窮出沒注意

atv-home 發表於 2011-12-8 22:45
好有趣，連李卓人都玩埋！我仲以為講街工梁耀忠，咁多白頭髮......

頭先睇咗半集

講最低工資。嘩。師奶仲唔眼都瞓埋？！

最後阿佘嗰段：我唔識話俾你聽咩叫公平，但係我可以話你知我覺得唔公平。。。

正到呢。。。

沙三少

我无汰过套剧，但我支持你，因为你讲得好有point！

感覺先缺

小窮維尼 發表於 2011-12-6 12:35
而家喺無記播緊的「天與地」，的而且確起好大的迴響，師奶未必鐘意睇，但有好多人覺得好正，呢套劇無論的取 ...

好贊成維版
套劇好好睇...好多位要思考....
但係唔係個個C9睇得明....

矇眼仔

天與地之間，可以係相差十萬八千里，亦都可以係一線之差！等同人既善與惡，可以係相差十萬八千里，亦都可以係一線之差！人活響天與地之間，人性亦往往徘徊於善與惡之間！一念天堂，一念地獄！