阿仙奴加油站!

太子殿下

英媒曝阿仙奴三大目標 希古恩領銜三將6200萬鎊豪購

長達8年無緣冠軍，阿仙奴將在今夏繼續招兵買馬壯大實力。《每日郵報》指出，主帥雲加準備一擲千金，佢睇中既希古恩(Gonzalo Higuain)、根度簡(Ilkay Gundogan)同拿斯•賓達(Lars Bender)身價加埋，達到驚人既6200萬英鎊。
上季聯賽收官戰，阿仙奴有驚無險地力壓熱刺、保住下季歐聯席位。無論係從經濟角度定競爭角度，都非常重要。當然，槍手肯定不甘年年只限於爭奪聯賽前四，重奪冠軍係佢哋既終極夢想。費格遜既退位，讓教授睇到希望，佢決心改變以往「慳家」既策略，係轉會市場上砸重金買強援。
阿仙奴行政總裁加齊迪斯近來指出，球隊既財政收入係未來兩年將迎來大幅飛躍，球會可以打破現有既引援同工資框架結構，收購朗尼咁既大牌球員。雲佩斯離隊後，阿仙奴缺少一名得分率高既中鋒，皇馬射手希古恩已宣佈今夏轉會，雲加打算同祖記等豪門爭搶「小煙槍」。
《每日郵報》預計，阿仙奴要取得希古恩需要2500萬英鎊，教授將呢筆收購視為佢夏季引援既重中之重。中場中路位置，丹尼臣被解約戴亞比傷病不斷，槍手有必要補強。係錯失葛斯之後，教授睇中咗佢既多蒙特隊友根度簡。視野開闊、傳控俱佳既根度簡，係多蒙特奪得歐聯亞軍既功臣。係決賽，佢仲射入扳平比分既十二碼。
阿仙奴要收購根度簡，預算預計係2000萬英鎊左右，佢哋仲要面臨著皇馬既競爭。如果「掘根」失敗，相信教授都會係德甲淘寶，佢可能會轉而收購利華古遜中場拿斯•賓達，後者既身價大約1700萬英鎊。上述三大目標，阿仙奴只要完成一筆簽約，就將刷新艾沙雲所保持既1500萬英鎊轉會費紀錄。

FUNSEARCHER

回應 太子殿下 #1142 的帖子

好似好得？！

意甲聯賽 費倫天拿（紫百合) 前鋒/中場：祖維迪
昵稱:        Jojo
生日:        1989年11月2日 (年齡 23)
出生地:        Titograd
國籍:        蒙特內哥羅
身高:        183 cm.
體重:        76 Kg.
位置:        前鋒
號碼:        8
國家隊: 黑山

Fakeman6

唔知..但係佢23歲, 上季入咗13球, 天才球員一個！

StanManC

其實我覺得阿仙奴系添兵方面,最需要加強系中後防,阿仙奴其實攻擊力量系ok,可能大家會話’唔系呀咁都叫ok？‘,阿仙奴一向都唔似皇馬,巴塞咁只系依靠一個人去入波,阿仙奴今季有4個球員入波超過10球,整體上系ok,當然如果再加多一個把握力強嘅前鋒就仲好...所以如果可以加強防守能力系可以有一番作為,當然阿仙奴仲有一個好嚴重問題令到佢地呢幾年都攞唔到silverwear,就系穩定性,雲加嘅後補兵力不足,無辦法系輪換上有穩定表現(去到要搏命階段就出現疲態),特別系中場&後防...無左A8&C19,阿仙奴就無人接上...特別A8個位,要D2(傷多過上),R16(佢唔識打防守),C22(經驗不足)..防守都系唔穩定...所以如果阿仙奴可以增強防守同防中個位又keep到原班人馬,就應該有希望啦下季....

太子殿下

曝謝雲奴已瀕臨離隊邊緣 法甲勁旅有意收購

《每日郵報》透露，阿仙奴翼鋒謝雲奴已經瀕臨離隊邊緣，目前，呢位26歲既科特迪瓦國腳引起法甲勁旅馬賽既興趣。前段時間，阿仙奴一口氣清洗艾沙雲、丹尼臣同史基拉斯，而早係賽季結束前，雲加就表示今夏將有大批球員離隊，謝雲奴或者會成為下一個。
目前，法甲勁旅馬賽對於謝雲奴關注有加。據馬賽助理教練法蘭克-柏斯表示：「謝雲奴非常適合我哋球隊。球會目前正準備引入一名邊翼球員，謝雲奴擁有出色既盤帶技術，傳球射門亦有唔錯既水準，我相信佢能融入馬賽體系。」
謝雲奴自2011年加盟阿仙奴以嚟，至今僅為槍手攻入11球，遠遠低於禾確特係同時期內完成既32球，與效力里爾時既表現相距甚遠。要知道，謝雲奴代表里爾出戰最後一個賽季出場40次，收穫15球，係球隊成為國內「雙冠王」既最大功臣。
眾所周知，雲加今夏手捧7000萬引援資金，若拋售謝雲奴套現，教授更有力買人。目前，包括祖維迪同希古恩都係阿仙奴熱門引援對手。
《每日郵報》分析，下季雲加會俾小將張伯倫更多出場時間，如此一來，謝雲奴既生存狀態將不容客觀。今夏出走，回歸法甲，或許更適合眼下既謝雲奴。謝雲奴係2007年從比超登陸法甲，並先後效力勒芒(Le Mans FC）同里爾，係法國累積了唔少人氣。今季，馬賽排係巴黎聖日耳門之後屈居聯賽亞軍，但同樣獲得下歐聯資格。因此，謝雲奴既能力同馬賽既名氣亦算得上「門當戶對」。

StanManC

好呀,謝雲奴早走早著...

mkking

謝雲奴  快d走唔該    仲有勁旅收佢真係執到

vita250

回應 雞哥哥 #1 的帖子

arsenal add oil add oil

mkking

希古恩最後會否入廠呢？

太子殿下

曝槍手本周2200萬簽約希古恩 願提供15萬鎊週薪

英國《每日郵報》消息指，槍手將於本周內以2200萬英鎊簽下希古恩(Gonzalo Higuaín )，結束對其長達9年既追求。
長達8年無緣冠軍令阿仙奴上下痛定思痛，總裁加齊迪斯同主帥雲加終於意識到，依靠精打細算既引援係無法令球隊取得競技場上既成功。今個夏天，阿仙奴將打破固有模式，高價高薪新援呼之欲出。
上賽季結束後，希古恩宣佈了離開皇馬既決定，皇馬希望係佢身上回籠盡可能多既資金。最近祖記同皇馬有過高層對話，祖記看似對希古恩志在必得，但由於轉會費傾唔埋，令阿記後來居上。
據瞭解，阿仙奴同希古恩代表談判進展順利，雙方已經談妥個人合同，就睇兩家球會能否係轉會費上達成一致了。《每日郵報》指出，阿仙奴將為伊瓜因開價2200萬英鎊（約合2600萬歐元），並有望係本周敲定呢筆交易。
如果轉會成行，希古恩將打破艾沙雲保持既槍手隊史轉會費紀錄（1500萬英鎊）。而且，阿仙奴仲會令希古恩成為隊內頂薪一族，後者既週薪將達到15萬英鎊。

StanManC

13-14球季賽程出左,真系覺得英足總好唔like阿仙奴,點解阿仙奴永遠都會有連續2-3場對強隊,而49000,44000,車仔,熱刺永遠都唔需要...（呢幾年阿仙奴嘅賽程都系咁）
阿仙奴魔鬼3月賽程,連續對熱刺,車仔,曼城,如果阿仙奴當時有其他杯賽要打,咁阿仙奴班球員點會唔殘,點樣去爭silverware....

FUNSEARCHER

3月魔鬼賽程!
可能阿仙奴13-14球季賽連續打爆熱刺,車仔,曼城呢？！

mkking

FUNSEARCHER 發表於 2013-6-20 09:51
3月魔鬼賽程!
可能阿仙奴13-14球季賽連續打爆熱刺,車仔,曼城呢？！
...

諗得到就有機會做到

太子殿下

阿仙奴將簽法乙13戰10球射手 曾險因斷腿當郵差

英超諸強曼聯、曼城、車路士丹利物浦目前均已有斬獲，唯獨阿仙奴悄無聲息。不過，根據英媒既最新消息，槍手即將從法乙引入一名20歲既年輕射手，歐賽爾(AJ Auxerre)前鋒耶耶・辛洛高(Yaya Sanogo)將與阿仙奴簽約四年。
今年夏天，阿仙奴係攻擊端面臨大失血：賓特拿、謝雲奴都可能離開，槍手有必要在呢個位置惡補。傳聞皇馬射手希古恩不日就將投效，而不知不覺之間，阿仙奴已搞掂名頭並唔響亮既潛力股辛洛高。
《太陽報》消息指出，阿仙奴已經同各方談妥，歐賽爾前鋒辛洛高將會得到一份為期四年既合同。上季，辛洛高係法乙聯賽13場比賽攻入10球，效率不可謂不驚人，如今係法國U21代表隊成員。
值得一提的是，年紀輕輕既辛洛高職業生涯相當坎坷。2010年，兩度遭遇斷腿悲劇，辛洛高萬念俱灰之際險些告別足壇，轉行去當郵差。辛洛高回憶果段黑色既歲月，「當時我就覺得，我唔可以攞自己既健康冒險。我無法繼續奔跑，醫生都唔清楚我既問題所在，令我非常煩惱。我話比阿媽知，我即將為郵政局工作。但好快，事情迎來轉機，有一日，當我再次嘗試跑步，我發現一切都變好，我既傷勢亦一點一點恢復。」

StanManC

即將入廠嘅法國年輕球員耶耶辛諾高（Yaya Sanogo）,系世青杯2場入2球,希望佢會系阿仙奴可以發光發亮,唔會好似G27咁成為水貨...

mkking

StanManC 發表於 2013-6-25 02:49
即將入廠嘅法國年輕球員耶耶辛諾高（Yaya Sanogo）,系世青杯2場入2球,希望佢會系阿仙奴可以發光發亮,唔會好 ...

可能依個先係新 亨利   yeah   gogogogogogogogogogogo ARSENAL

StanManC

今年阿仙奴無咩重心球員系轉會市場俾人傳會轉會,只系得d阿仙奴無用球員傳會走,好似B52,G27,D20,亦都清除左A23,S18&Denilson...最大名傳有其他球會想要嘅K6都講明唔會走...咁樣如果真系簽到希古恩,費蘭尼,威廉斯&耶耶辛諾高,咁樣阿仙奴嘅正選&後備都會好強,前路一片光明呀

mkking

點解希古恩 仲未動筆咖?? 有d擔心

StanManC

回應 mkking #1160 的帖子

要等皇馬果邊嘅新領隊正式上任先開始進行買賣,應該都系呢2日可以正式開始...

eu2

《足球狂熱 – 阿仙奴亞洲之旅》
Soccer Fever – Arsenal Asia Tour

印尼明星隊 對 阿仙奴 Indonesia XI vs Arsenal

7月14日 晚上 9:30 〔本港台〕直播 14 July at 9:30pm 〔HOME〕LIVE 7月14日 晚上 11:50 〔國際台〕錄播 14 July at 11:50pm 〔WORLD〕Record Earlier

越南國家隊 對 阿仙奴 Vietnam vs Arsenal

7月17日 晚上 8:00 〔本港台〕直播 17 July at 8:00pm 〔HOME〕LIVE 7月17日 晚上 11:50 〔國際台〕錄播 17 July at 11:50pm 〔WORLD〕Record Earlier

名古屋鯨魚明星隊 對 阿仙奴 Nagoya Grampus vs Arsenal

7月22日 晚上 6:30 〔本港台〕直播 22 July at 6:30pm 〔HOME〕LIVE 7月22日 晚上 8:30 〔國際台〕錄播 22 July at 8:30pm 〔WORLD〕Record Earlier

浦和紅鑽明星隊 對 阿仙奴 Urawa Reds All-star vs Arsenal

7月26日 晚上 6:30 〔本港台〕直播 26 July at 6:30pm 〔HOME〕LIVE 7月26日 晚上 8:30 〔國際台〕錄播 26 July at 8:30pm 〔WORLD〕Record Earlier